السلام عليكم ورحمه الله

طبعا تجديد رخصه القياده بعد ١٠ سنوات

حاجه بعيده جدا بتحصل كل ١٠ سنين بس خطواتها مهمه جدا وفيها شويه تركات كدا

--اولا هاتتصور حوالى ٦ صور

--ثانيا...٤شهادات طبيه من اقرب مستشفى او مستوصف ليك
١-شهاده باطنه
٢-شهاده اذن
٣-فصيله دم
٤-شهاده نظر

الثمن ٣٠ جنيه مصرى لاغير

--ثالثا...هاتروح نيابه المرور التابع ليه رخصتك الخاصه
وتطلع شهاده مخلفات تمنها ٥ جنيه مصرى لاغير

بنسبه ٩٩.٩٪ هاتطلع بدون مخلفات الا لقدر الله رخصتك الخاصه اتسحبت منك ونزل عليها مخالفه

-بالنسبه بقى لو رخصتك طالعه من محل اخر غير محل اقامتك الحالى يبقى تركز هنا بقى جدا

بعد لما تطلع شهاده المخالفات هاتطلع بعدها شهاده بيانات من نفس المرور التابع ليه رخصتك الخاصه(يكون معاك صوره شخصيه)

رابعا...هاتطلع على المرور التابع له على حسب ماورد فى بطاقه الرقم القومي فى حاله تغيير محل الاقامه
مثال(لو الرقم القومي من المعادي..يبقى مرور المعادي..حتى لو رخصتك مرور العجوزه)

تروح معاك بقى الاتى

١- الشهادات الطبيه
٢- شهاده المخالفات(او الرخصه الخاصه او شهاده البيانات)
٣- صوره من شهاده المخالفات والبطاقه او شهاده البيانات

وتتصور والرخصه تطلع ان شاء الله بسلام