++++++1
عرض للطباعة
++++++1
السلام عليكم
أولا الفبرة بتفضل تدي الكهرباء دي علطول طول فترة تشغيل المحرك
ثانيا المارش بيكون ليه وصلة أخري من الفبرة غير اللي في الصورة و دي بتوصل فقط مع سنة الدوارة اللي في الفبرة .... اوضح اكتر
الدائرة اللي فوق دي بتوصل كهرباء مع فتحة الكونتاكت اللي بتنور فيها التابلوه و لمباته اما دائرة تشغيل المارش و خروجه فدي بتوصل فقط مع حركة الكوانتكت او الفبرة للأمام للدوارة و بعدين تفصل يعني المارش هو اللي بيلقط و يشتغل معاك وقت الدوارة بس و بعد لما تدور العربية يفصل
موضوع ازاي تقيس كهربة الموبينة فممكن بلمبة صغيرة زي بتاعة الاشارة و تلمسها او تستخدم افوميتر زي اللي شفته معايا قوت المقابلة
و ربنا ييسرلك الحال يارب
الله يكرمك ويبارك فيك يا باشا .
والله بص يا باشا هى لسة عاملة معايا الموضوع ده دلوقتى انا مشيت بيها حوالى مشوار 10 كيلو تقريبا وحصل الاتى :
1- وانا ماشي على الغيار الاول لقيت العربية بتنتش جامد وبتقطع والار بي ام عمال يعلى اوى ويوطى تانى .
2- كبست بنزين لقيتها ضربت مدفع من ورة بسيطة كده والار بي ام استجاب ليا وعلى .
3- اول ما ركنت وانا ممور العربية الار بي ام عمال يلعب فوق اوى ويوطى لتحت ويرجع يعلى تانى قبل ما تبطل العربية .
4 - المهم بطلت العربية وادور مافيش صوتر مارش برده لقيت ما فيش دوارة .
5- فتحت الكونتاكت ونزلت فتحت كابوت العربية وجيت ادور بالسلكة الى عاملها من المارش على البطارية ده واعدى
بالسلكة على البطارية العربية بتلف لكن ما فيش دوارة اكنى بالضبط بجرب ادور بالمفتاح عادى .
6- المهم جبت من العربية الموبينة القديمة وركبتها ودخلت ادور من المفتاح عادى دارت من تانى مرة والامور هادية والار
بي ام منتظم .
7- بطلت العربية ودورت تانى كله تمام .
8- نزلت شيلت الموبينة القديمة تانى خليتها فى شنطة العربةي ووصلت فى الموبينة الى انا ماشي بيها ودورت دارت على
طول .
اية بقى ها اية انا هتجنن !!!!!!!!!!!!!!!!!!!!!!!!!!!!!!!!!!!!!!!!!!!!!
شباب انا اقصد فى نقطة رقم 4 انى وانا بدور بسمع صوت المارش عادى جدا اكن العربية هتدور عادى لكن فى الاخر ما فيش دوارة
توقعي الشخصي ان كل ده فبرة كونتاكت بتعلق و تلمس بمزاجها و محتاجه تتغير و الدليل ان العربية قبل ما تبطل عملت معاك مدافع لما حاولت تدوس ار بي ام و السبب هنا هو تقطيع في الكهرباء اللي رايحة للموبينه و بالتالي الموبينة عمالة تدي كهرباء و تفصل بسرعه تدي و تفصل تدي و تفصل فتعمل معاك مدافع و تخلي الار بي ام يلعب كده
كمان المارش قطع و ده برده لنفس السبب و مالهوش حاجه تانيه
جرب و ابقي لي الدنيا فيها ايه لأنك المرة دي أكدت شكي و ظنوني في الفبرة اللي بتلاعبك و عايزك تلاعيبها صح هههههههههههه ... و متقلقش نفسك بسيطة ان شاء الله
صباح الفل يا ايهاب باشا .
والله بص انا الفبرة ده لو راجل قدامى كنت قتلته هههههههههه لانها خلاص تعبت اعصابي ، انا ان شاء الله انا مش هلاعبها كويس وبس انا هرميها بره العربية ، انا الاسلم انى اشترى فبره جديدة واركبها ونشوف ، انا سالت عليها بالتليفون هى عاملة 65 جنية .
هل فى منها نوع كويس ولا حاجة يا باشا اخد بالى منها وانا بشتريها ؟
والميكانيكي هو الى ممكن يغيرها ولا لازم كهربائي وهل هى سهله مش غلبه فى تغيرها يعنى ؟
للأسف الشديد يا صاحبي
لازم تروح اما عند كهربائي فولكس او حد بتاع ابواب محترف
لأن كونتاكت الفولكس له مفتاح مخصوص يفكه ومش عند اي حد بتاع ابواب
جرب تنزل بيها الحرفيين او شارع الأربعين
تحياتي
الله يخليكم ويبارك فيكم يا رجالة .
هو الميكانيكي الى بتعامل معاه بالفعل كان قايلى على موضوع ان المفتاح بتعها مش موجود عند اى حد ليها مفتاح خاص والمفتاح رفيع جدا والمفتاح ده عنده على ما افتكر .
يا ريت يا شباب حد يفدنا على اى الانواع ولا استيراد افضل ولا اية ؟
الله يخليكم ويبارك فيكم يا رجالة .
هو الميكانيكي الى بتعامل معاه بالفعل كان قايلى على موضوع ان المفتاح بتعها مش موجود عند اى حد ليها مفتاح خاص والمفتاح رفيع جدا والمفتاح ده عنده على ما افتكر .
يا ريت يا شباب حد يفدنا على اى الانواع ولا استيراد افضل ولا اية ؟