الموضوع: شباب العربية بتتاخر فى الدوارة او مش بتدور !!!

السلام عليكم ورحمة الله وبركاته

شباب انا عايز اقولكم انى من اول السنة والعربية متوصيه بيا على الاخر كل ما حجاة تطلع اعملها تظهرلى حاجة غيرها على غير العاده انا حاسس انه هى ليها موسم اعطال اول كل سنة ، الحمد لله على كل شيء .

انا بنزل ادور الصبح كله تمام بتدور من اول مرة اروح مشوار واركن اجى ادور انسي يا حبيبي بعد المرة الستين بتلقط ، المهم اقلكم على اخر اخبار اجزاء الكهرباء عندى والى كنت عاملة فيها ، وعلى فكرة هى كانت بتعمل كده من فترة كبيرة كان ليها كل كام شهر كده مرة تعمل معايا الحركة ده بس كانت بتدور من اول محاولة المهم :

1- انا مغير اصلا سلوك البوجيهات والاسبراتير .

2- الموبينة :عندى اتنين واحدة مشروخه لكن ماشي بيها لما اجيب اخرها والتانية اشتريتها استيراد ومعايا فى الشنطة ولما العيب ده ظهر ركبتها لكن العيب فضل مستمر .

3- البطارية كويسة والحمد لله وهى ما كملتش اصلا السنة .

4- المارش زي الفل والحمد لله .

5- الوبيجهات لسة ما كملتش 5000 تقريبا يعنى لسة جديدة .

6- لسة مغير طرمبة البنزين بالتانك بسلوك التانك والحمد لله الدنيا فرقت بعدها زي ما كنت بحكي على الى بيحصلى مع الطرمبة ده غير ان الحركة ده كانت عملتها قبل موضوع اتلانك والطرمبة ده من زمان اوى قبل كده بس مش متكرر بالمنظر ده .

التصرف :

انا جربت وشيلت سلك الموبينه الى واصل فى الاسبراتير وقربته من جسم العربية وادور ما بيشرز ولا ينطق علشان كده غيرت الموبينة بالاخرى الاستيراد ونفس الموضوع مستمر ومع محاولات الدوارة العربية بتدور عادى على اى واحدة من الموبينات الى معايا زي الفل فده معناه ان هى مش بيوصلها كهرباء اصلا والعربية بتبقى قاطعه كهرباء فهل فعلا فبره الكونتاكتك هى الى بترمى كهرباء للموبينة ؟


انا عقلى راح على طول فى فيبرة الكونتاكت ووصلت سلك من المارش ومستنى لما تعمل كده علشان اجرب ادورها من البطارية والمارش دون الكونتاكنت ومن وقتها بقالها يومين ما عملتهاش مش عارف انا هتجنن من العيب ده ، المهم موضوع السلكة الى انا عاملة من المارش ده وعازلها ولففها كويس علشان ما تدلش او تلمس البطارية وانا ماشي او راكن فى منه قلق لحد ما اتاكد من موضوع الفبره ده ولا لأ ؟

وهل فعلا ممكن يكون العيب ده من فيبرة الكونتاكتك ممكن تعمل كل الجنان ه ؟

ملحوظة :

مرة من المراتا لى عملتها معايا قلت مش هدور كتير انا ارمى للعربية ودارت لما رميت يمكن المعلومة ده تكون مفيدة ولا حاجة ، وبعدها عملت السلكة بتاعه المارش وهى من ساعتها ما عملتهاش تانى .

هى زي ما قلت لحضراكتم متعودة تمعل كده كل كام شهر مرة وبتدور من اول مرة لدرجة انى بشك فى نفسي انى انا الى ما دورتش كويس لكن الاسبوع الىف ات ده مروقانى خلاص بقت قاعدة امشي اركن اجى ادور ما فيش .......

ان شاء الله انا هعمل موضوع قريب تحت عنوان / مشاكل عربيتى السنوية (موسم الاعطال) ومش هرغى كتير فى الموضوع هقول العطل والتصليح والتكلفة .

تحياتى للجميع ،،

المشاركة الأصلية كتبت بواسطة hossamalsadik

حبيب قلبى حسين بك قلبى معاك معلش هتتظبط وكله هيبقى تمام
هقلك على حاجه لعلها تفيد
أنا عملت معايا كده وكان المار ش مافيش حس والعيب طلع من فبرة الكنتكت يادوب زقيت السلك بتعها وحركته فى اتجاه الفبرة لقط تمام وبعد كده ثبته والموضوع ظبط
- حاول اثناء الحركه ديه معاك تحط أيدك وتمسك سلوك الفبرة سلك تخين كده وتحركه اثناء تشغيل المفتاح دواره (ثابت على الدواره)
ده فى حالة اذا كنت بدور ومبتسمعش اى صوت للمارش
- الحاجه الثانيه تأكد من أوتوماتيك المارش يكون العيب منه

حسام بك الله يخليك ويبارك فيك يا باشا .
انا وانا بدور يا باشا بسمع صوت المارش ، بس ممن تكون لفبره فى حالاتى مش معلقه او سلك عايز يظبط مكن تكون بتطقع او بتعلق وبترجع تانى ، واعتقد يا شباب انها لو الموبينة بتقطع كهرباء يبقى كده ماتت ومش مكن تشتغل تانى ولا اية !!!