السلام عليكم

زمان كنت تسأل الواحد إيه مواصفات فتاة احلامك يقولك مؤدبة محترمة متدينة اى حاجة وممكن يشوفها يحصل توافق وتبقا الحياة زبادى خلاط ( مش فى كل الأحوال طبعا )

لكن بعد الثورة بقا فى معيار جديد دخل المنافسة لأختيار الزوجة بس هل ممكن يكون معيار مؤثر على الحياة بعد كدا ولا لأ ودرجة تأثيره قد إيه

المعيار دا هو التوجه السياسى !

لأننا للأسف من بعد الثورة بقينا شعب مسيس واكيد مش هتلاقى حد بدون توجه سياسى معين

ياترا بقا لو لقيت واحدة وعجبتك كل مواصفاتها لكن لقيت توجهها السياسى غيرك او حتى اتجاه مضاد ليك

هل هتفركش الموضوع ولا هتكمل وليه ؟ وياريت لو حد عنده خبرات فى الموضوع دا يفيدنا بس بعيدا عن الدخول فى السياسة نفسها الله يكرمكوا :)