~بالصور: تقرير صيانة ال 60,000 لبروتون جين تو 2010~
السلام عليكم,
رجالة بروتون و أهل المنتدي الكرام, يا رب تكونوا بخير.
بعد 34 شهر من شراء العربية و 62,000 كم من الاستعمال, تم عمل صيانة ال 60 الف امبارح الحمد لله في مركز عصام صفا.
بصراحة أنا كنت عايز أعملها في التوكيل بما اني ساكن في زايد و التوكيل 10 دقائق من البيت, بس معملتهاش هناك لسببين. الأول لأنه برغم اني خرجت برة الضمان بالفعل مش عايزين يستعملوا اي زيت تاني غير توتال بتاعهم (أنا جايب كاسترول). و التاني ان سعر الصيانة بقي 2200 بعد ماكان 1836! :majd(4):
طبعاً بما اني مبحبش أروح التوكيل ماصدقت قمت مكلم مهندس عصام و الراجل بصراحة قمة في الاحترام قال لي تعالي و غير الزيت اللي انت عايزه.
رحت امبارح المركز الساعة 11:05 و المركز كان زحمة نسبياً فالعربية قعدت بتاع نص ساعة عقبال ما دخلت جوة, طبعاً في الوقت ده استلمها مني المهندس و سألني علي ملاحظاتي و كانت كالتالي.
http://s10.postimg.org/djjglhd61/201...1_47_15_97.jpg
1- تغيير لمبة فرامل ورا يمين.
2- تربيط التابلوه بالكامل و الدركسيون (هما مش سايبيين يعني بس ساعات بحس فيهم برعشة خفيفة).
3- تنظيف ال Multi Function.
4- تشحيم العفشة.
5- تعليق اللوك يمين ورا و تثبيت اللي قدام شمال عشان كان بيتهز.
6- تعليق لوك الشنطة.
7- تغيير فلتر التكييف. (عشان كفاية عليه كده.)
كلها حاجات عادية الحمد لله بس برضو ملاحظات بالنسبة لي.
http://s23.postimg.org/8p31fklbv/201..._55_37_327.jpg
المهم الساعة 11:37 بالفعل العربية دخلت و ابتدوا شغل فيها و انا بقي طلعت قعدت في الاستراحة شوية و بعدين نزلت اتكلمت مع مهندس عصام شوية و سألتوا علي تيول الفرامل الموجودة عنده, قالي عند البوش الايطالي أمامي و عنده نوع جديد كندي اسموا Hardex و ده ب 200 جنيه سواء أمامي أو خلفي, و ماجالوش Feedback عليه لسه بما انو جديد.
http://s13.postimg.org/a3l8js4fr/201..._58_18_128.jpg
http://s12.postimg.org/p8udzxqj1/201..._19_37_887.jpg
http://s18.postimg.org/axoe8k62x/201..._10_25_628.jpg
المهم بعد ساعتين لساعتين و نص تم الانتهاء من الصيانة و خروج العربية برة المركز.
http://s21.postimg.org/6u970zjl3/201..._17_24_608.jpg
طلعت ادفع الفاتورة فوق و كانت 2025 جنيه (متضمن سعر فلتر التكييف الجديد 100 جنيه) و غير متضمن سعر الزيت لأن أنا اللي جايبه, بس في النهاية السعر أقل من التوكيل حوالي 300 جنيه و ده لأن مهندس عصام الله يباركله مزودش سعر المصنعية بعد زيادة سعر الدولار زي ما معظم التوكيلات عملت.
شكرت الراجل و سلمت و مشيت تقريباً الساعة 2 من هناك.
الملاحظات بعد الصيانة.
1- تم تغيير اللمبة في كشف الكهرباء.
2- الرعشة اختفت.
3- تم تنظيف ال Multi Function و بقي شغال تمام.
4- العفشة اتشحمت و ده العادي في الصيانة.
5- ال Locks ظبطت و فتح مقابض البابين بقوا أنعم.
6- تم ظبط قفل الشنطة.
7- فلتر التكييف اتغير.
نيجي بقي للملاحظات الأهم:
1- هدوووء بشكل ملحووظ و غير مسبوق في صوت الموتور, يمكن أهدي من صوته و هو زيرو.
2- السحب قل و ده لأني غلطت و شيلت البوجيهات البوش بلاتينوم و حطيت ال NGK العادية بتاعة التوكيل.
3- العربية بقت ماسكة نفسها أكتر علي الطريق (تربيط عفشة ليس إلا).
و في النهاية أرجو ان التقرير يكون عجبكوا و الي عندوا أسئلة يتفضل يسأل.
تحياتي.