mazda 3

**aboyahea** · 01-04-2013 12:32 AM

السلام عليكم والله يا جماعه انا ليا صديق ليا معاه mazda3 وكان عاوز يعمل فيها شغل يعني فلتر هواء ومساعدين وطقم جنوط وعشفه وفرامل يعني تظبيط من كله هيا موديل 2009 واحنا مقيمين في الزقازيق وارجوا من خبراء الموقع المساعده او لو حد معاه عربيه زيها وعمل فيها شغل يقولنا تجاربه فيها ايه هيا العربيه حالتها كويسه والمزانيه في حدود 10000 جنيه واسفين للازعاج وشكرا لاهتمامكوا

**hamada maher** · 01-04-2013 01:43 AM

تنزل بورسعيد او القاهره الحرفيين وتشتري طقم جنوط 17 استيراد بالكاوتش او جديد زي ما تحب لو جديد ممكن يوصل ل 7 الاف وفي جنوط نازله جديده اللي هية بشفه نيكل تحفه طبعا هتلاقيها عند حماده غوزي في بورسعيد في شارع الجمهوريه واسأل على بيتزا بينو وهناك اسأل على حماده غوزي وهتلاقي عنده جنوط تحفه وتجيب كفرات بريمبوا على الفرامل هي في حدود 30 جنيه وطقم زينون عالي وواطي وشبوره ويبقى كده تمام اوي

**aboyahea** · 02-04-2013 04:02 PM

الف شكر لاهتمامك بالموضوع بس احنا اول حاجه مهتمين بيها هيا زياده الاداء وبعد كده الشكل العام لو فيه حد عمل اي تعديلات في العربيه ديه ياريت يفدنا والف شكر

**aboyahea** · 02-04-2013 04:06 PM

الف شكر لاهتمام حضرتك بس انا نسيت اوضح ان اول حاجه مطلوبه هيا زياده الاداء وبعد كده الشكل العام لو فيه حد يقدر يفدنا بتجربه ليه مع العربيه ديه يبقا ليه جزيل الشكر ده طبعا غير الساده خبراء السيارات بشكل عام ولكم كل الاحترام والشكر

**hamada maher** · 14-04-2013 08:48 PM

لزيادة الاداء هتجيب طقم بوجيهات NGK platinum وسلوك بوجيهات رياضية 8مم او 9 مم لو موجود وفلتر هوا اسبور سيمويتا موجود برده عند حماده غوزي و جده العربيه هتفوق معاك وتبقى ميه الميه ان شاء الله و هات برضه منظف انجكشن ونضف الانجكشن وعلى البركه .

**topstar** · 27-04-2013 07:18 PM

بص يا باشا ..هي العربيه الله واكبر عليها تحفه... بس لو عايز ثبات اكتر ممكن تجيب مساعدين مونرو حلوه جدا وبتعيش هي ناشف شويه عشان سبور بس مش اوووووي مش هتحس بيها ..بس بتدي ثبات تحفه...وتجيب جنط 17 لو معاك امكانيه حلوه ممكن تجيب جنط بي بي اس علي المازدا بتبقي تحفه ... وممكن تجيب هيدر هيديك برضو اداء كويس في السحب .. شوف انت في دماغك ايه تاني وقولي

**topstar** · 27-04-2013 07:19 PM

شوف عربيتي في الفيس.. لينك بروفيلي في التوقيع

**ser3a_0** · 28-04-2013 02:28 AM

انا معايا الشكل الجديد يا جماعه
عايزه ازود ال هورس باور
هيدرز-شكمان كامل-بيجهات-فلتر-و يا ريت تفاصيل
اعمل ايه كمان ؟

**aboyahea** · 03-05-2013 09:16 PM

المشاركة الأصلية كتبت بواسطة hamada maher

لزيادة الاداء هتجيب طقم بوجيهات ngk platinum وسلوك بوجيهات رياضية 8مم او 9 مم لو موجود وفلتر هوا اسبور سيمويتا موجود برده عند حماده غوزي و جده العربيه هتفوق معاك وتبقى ميه الميه ان شاء الله و هات برضه منظف انجكشن ونضف الانجكشن وعلى البركه .

الف شكرا لاهتمام حضرتك بالموضوع ومتاسفين علي التاخير بس كان عندي استفسار صغير ايه الفرق بين البوجيهات الرياضيه والعاديه والف شكر لاهتمام حضرتك

**aboyahea** · 03-05-2013 09:19 PM

المشاركة الأصلية كتبت بواسطة topstar

بص يا باشا ..هي العربيه الله واكبر عليها تحفه... بس لو عايز ثبات اكتر ممكن تجيب مساعدين مونرو حلوه جدا وبتعيش هي ناشف شويه عشان سبور بس مش اوووووي مش هتحس بيها ..بس بتدي ثبات تحفه...وتجيب جنط 17 لو معاك امكانيه حلوه ممكن تجيب جنط بي بي اس علي المازدا بتبقي تحفه ... وممكن تجيب هيدر هيديك برضو اداء كويس في السحب .. شوف انت في دماغك ايه تاني وقولي

احنا غيرنا الجنوط وجبنا جديد بس هتغير لسه الكاوتش ان شاء الله بس كنت بسئل هوا ايه (هيدر ) وهيفرق معانا في السحب ازاي يعني طريقه عمله او استخدامه ايه معلشي بقا لسه مستجد