-
لتغيير شكل الماروتي الى الافضل ، شاهد الصور
-
اللى فى الوش ده اسمه ديفندر هتلاقيه عند بتوع كماليات العربيات انتا تشوف واحد صغير زى ده وتركبه مش هيبقى غالى ان شاء الله وتشوف سمكرى يركبهولك
والكشافات دى كشافات شبوره مش غاليه برضه ممكن من 60 لحد 100 ودول كهربائى يركبهم
الجنوط بقى تروح لواحد بتاع كاوتش عنده جنوط وتخليه يغيرلك الجنوط بنفس مقاس القديم وتشوف لو يأخد القديم وتدخلهم فرق فى الجديد او تشترى الجديد وتشيل القديم او تبيعهم لحد تانى
بس افضل انك تشوف نوع جنوط كويس بس خلى بالك علشان هترصص العجل كله تانى طبعآ علشان العربيه ما تتمرجحش منك فى السرعات
-
اقتباس:
المشاركة الأصلية كتبت بواسطة aldesha989
اللى فى الوش ده اسمه ديفندر هتلاقيه عند بتوع كماليات العربيات انتا تشوف واحد صغير زى ده وتركبه مش هيبقى غالى ان شاء الله وتشوف سمكرى يركبهولك
والكشافات دى كشافات شبوره مش غاليه برضه ممكن من 60 لحد 100 ودول كهربائى يركبهم
الجنوط بقى تروح لواحد بتاع كاوتش عنده جنوط وتخليه يغيرلك الجنوط بنفس مقاس القديم وتشوف لو يأخد القديم وتدخلهم فرق فى الجديد او تشترى الجديد وتشيل القديم او تبيعهم لحد تانى
بس افضل انك تشوف نوع جنوط كويس بس خلى بالك علشان هترصص العجل كله تانى طبعآ علشان العربيه ما تتمرجحش منك فى السرعات
شكرا للافادة يا صديقي :)
اصل انا ماعرفش اي حد !!!
ماتعرفش حضرتك اروح لمين طيب اشتري منه الديفندر واروح لمين اركبه ، حد يبقى كويس كده وشغله نضيف !!
عشان انا كفته في الحوارات دي ، وعامل زي المحتاس كده ولا افهم في اي حاجة ولا اعرف حد :)
-
بس خد بالك الديفيندر ده مينفعش تفحص بيه العربيه
وممكن في لجان يرخمو عليك بسببه لانه طبعا العربيه مش بتنزل بيه ولا هي جيب مثلا
-
اقتباس:
المشاركة الأصلية كتبت بواسطة khalid_adel
بس خد بالك الديفيندر ده مينفعش تفحص بيه العربيه
وممكن في لجان يرخمو عليك بسببه لانه طبعا العربيه مش بتنزل بيه ولا هي جيب مثلا
ليه كده !!!! ليه الرخامة دي ، وطب على ايه بقا .. مش مهم :(
مع ان الواحد كان عاوز يظبط في كشل العربية شوية
شكرا جدااا على النصيحة
-
بص يا باشا القطع اللي راكبة
- ديفيندرات لكن للأسف ديه بدون تصريح هتقف كل شوية و انسي العربية في الفحص
- كشافات و ديه بتتباع في التوفيقية و سعرها رخيص لكن هتحتاج كهربائي يركبهملك
- الجنوط عند اي حد عنده جنوط بس مرجحش جنوط للماروتي او تحديدا مرجحش الجنوط المنتشرة اللي ملهاش معالم و رخيصة الجنوط الغير معروفة ديه من اقرب مطب او فتحة جامدة ممكن تلاقيها في الارض
بالاضافة تركيب جنوط يتطالب قياسات معينة زي العرض و الوزن لأنه لو زاد هيفرتك العفشة عندك و الدريكسيون هيبقي تقيل
- وش ع الفوانيس الخلفية و ديه امرها بسيط بس موضتها بطلت ظهرت كام شهر هنا و انتهت بعد ما سواقين التاكسيات ركبوها و بعدها هم نفسهم شالوها هههههه
توتي كما احب ان اطلق عليها تقدر تظبطها بحاجات تانية كتيير و متكونش مخالفة او مش قصة يعني
قولنا بس امكانياتك المادية في حدود كام و انا هقولك كل اللي تقدر تعمله في حدود اللي معاك او ممكن تضيفه فيما بعد
و ايه اللي عملته لحد دلوقتي في العربية
-
اقتباس:
المشاركة الأصلية كتبت بواسطة amr axel
بص يا باشا القطع اللي راكبة
- ديفيندرات لكن للأسف ديه بدون تصريح هتقف كل شوية و انسي العربية في الفحص
- كشافات و ديه بتتباع في التوفيقية و سعرها رخيص لكن هتحتاج كهربائي يركبهملك
- الجنوط عند اي حد عنده جنوط بس مرجحش جنوط للماروتي او تحديدا مرجحش الجنوط المنتشرة اللي ملهاش معالم و رخيصة الجنوط الغير معروفة ديه من اقرب مطب او فتحة جامدة ممكن تلاقيها في الارض
بالاضافة تركيب جنوط يتطالب قياسات معينة زي العرض و الوزن لأنه لو زاد هيفرتك العفشة عندك و الدريكسيون هيبقي تقيل
- وش ع الفوانيس الخلفية و ديه امرها بسيط بس موضتها بطلت ظهرت كام شهر هنا و انتهت بعد ما سواقين التاكسيات ركبوها و بعدها هم نفسهم شالوها هههههه
توتي كما احب ان اطلق عليها تقدر تظبطها بحاجات تانية كتيير و متكونش مخالفة او مش قصة يعني
قولنا بس امكانياتك المادية في حدود كام و انا هقولك كل اللي تقدر تعمله في حدود اللي معاك او ممكن تضيفه فيما بعد
و ايه اللي عملته لحد دلوقتي في العربية
شكرا حضرتك على النصيحة :)
انا بصراحة مش محدد اي ميزانية حاليا ، انا بس عاوز اشوف ايه الافضل وهايكلف اد ايه؟
وابدأ احسبها انا مع نفسي واحدة واحدة واظبطتها ، ان شاء الله :)
ولو في حد عارف حاجات ظريفة للعربية دي وممكن يفيدني ، ياريت يتفضل
ياعني ايه الصح وايه الغلط وايه الانسب وكده ياعني .. بس
وشكرا
-
انا مش عارف العربية زيرو و لا مستعملة لأن لو مستعملة هقولك ع صيانات اهم و لونها ايه
لكن هتكلم بشكل عام ع تظبيط العربية
مبدأيا و نظرا للحالة الامنية
- هتحتاج تركب انذار و سنتر لو عايز معاه و زي مقولتلك في الموضوع التاني أفضلك وولف و ده توكيله في اخر ش جسر السويس ورا اسواق القنال و سعرهم الاتنين حوالي 300 ج بالتركيب
- ممكن تركب زراير للابواب الخلفية والشنطة و الكبوت و يتوصلوا ع لمبة الصالون و بالتالي هيبقوا مع الانذار اي حاجة فيهم تتفتح الانذار يشتغل
- تجيب قفل دريكسيون و سعره اخر مرة 30 ج لكن دلوقتي زمانه دخل في 50 و 80 كمان اينعم الكلام ده مش يعصي ع اي حرامي لكن تأخير ليه او يخليه يبعد عن العربية اللي تعتبر صعبة المنال عكس عربية غير مؤمنة
فيه حاجة تانية ممكن تعملها بس تحتاج كهربائي زرار يفصل الكهربا ماعدا الانذار طبعا و ده محدش هيعرف يدور العربية غيرك لأنك عارف مكانه و طبعا الكهربائي اللي يركبه و يفضل تعملها عند واحد بعيد عن سكنك تماما و ميعرفش انت ساكن فين و لا يعرف اي حاجة عنك
نيجي للتظبيط
- ممكن تركب الفوانيس الجديدة اللي نزلت للماروتي و موجودة عند سوزوكي سنتر ( أ \ هاني ) في التوفيقية فوق اسماك ابو غالي و سعرهم تقريبا 120 ج
- لمبة ستوب ع الازاز الخلفي و تتوصل ع لمبة الفرامل و سعرها رخيص و فيه اشكال كتيير
- فوجات في الاكصدام الامامي بنفس طريقة وضع الكشافات
- استيكر ع الشنطة من ورا خفيف و صغير يمشي مع العربية و فيه حاجات كتيير ممكن تجيبها من ابراهيم في شارع دمشق او تنزل التوفيقية في محل اول ما تدخل ع الشمال عنده استيكرات اشكال و الوان تتوه فيها و اسعاره كويسة برده
و لو عايز استيكر نايل موتورز موجود معايا بالاضافة انك بتاخد خصومات باستيكر نايل موتورز خصومات من بريدجستون
خــدمات نــايل موتورز للأعضــاء - نايل موتورز - NileMotors.net
- طاسات يبقي شكلها مدي ع جنوط و ترش الجنوط الاصلية اسود بليل و بالنهار الطاسات هتبان ع انها جنوط خدعة بصرية :) سعر الطاسات من 40 - 80 ج
- حلية شكمان و ده تبدأ من 10 ج
ده كده الشكل الخارجي نيجي للشكل الداخلي
اولا فرش كسوة و ده يبدأ من 250 - 300 فيما فوق ع حسب اما الفرش التفصيل فده يبدأ من 500 ج
دواسات ممكن اللي بلون ( ازرق - فضي - احمر ) بحيث يتماشي مع لون العربية او الفرش اللي هتركبه او اسود و ديه اسعارها من 30 ج فيما فوق
- موبايل هولدر
- تغير الاضاءة بتاعت الصالون و تخليها ليد ابيض الكارت فيه لمبتين يبدأ من 10 ج فيما فوق و الأفضل تجيب اللمبة اللي فيها كذا ليد صغير مش واحدة زي اللمبة الحمرا العادية
الساوند سيستم بقي ده برده ع حسب انت عايز الصوت اللي تسمعه عامل ازاي و ميزانيتك كام لأن ديه مفتوحة انواع و موديلات و ارقام
-
-
اقتباس:
المشاركة الأصلية كتبت بواسطة amr axel
انا مش عارف العربية زيرو و لا مستعملة لأن لو مستعملة هقولك ع صيانات اهم و لونها ايه
لكن هتكلم بشكل عام ع تظبيط العربية
مبدأيا و نظرا للحالة الامنية
- هتحتاج تركب انذار و سنتر لو عايز معاه و زي مقولتلك في الموضوع التاني أفضلك وولف و ده توكيله في اخر ش جسر السويس ورا اسواق القنال و سعرهم الاتنين حوالي 300 ج بالتركيب
- ممكن تركب زراير للابواب الخلفية والشنطة و الكبوت و يتوصلوا ع لمبة الصالون و بالتالي هيبقوا مع الانذار اي حاجة فيهم تتفتح الانذار يشتغل
- تجيب قفل دريكسيون و سعره اخر مرة 30 ج لكن دلوقتي زمانه دخل في 50 و 80 كمان اينعم الكلام ده مش يعصي ع اي حرامي لكن تأخير ليه او يخليه يبعد عن العربية اللي تعتبر صعبة المنال عكس عربية غير مؤمنة
فيه حاجة تانية ممكن تعملها بس تحتاج كهربائي زرار يفصل الكهربا ماعدا الانذار طبعا و ده محدش هيعرف يدور العربية غيرك لأنك عارف مكانه و طبعا الكهربائي اللي يركبه و يفضل تعملها عند واحد بعيد عن سكنك تماما و ميعرفش انت ساكن فين و لا يعرف اي حاجة عنك
نيجي للتظبيط
- ممكن تركب الفوانيس الجديدة اللي نزلت للماروتي و موجودة عند سوزوكي سنتر ( أ \ هاني ) في التوفيقية فوق اسماك ابو غالي و سعرهم تقريبا 120 ج
- لمبة ستوب ع الازاز الخلفي و تتوصل ع لمبة الفرامل و سعرها رخيص و فيه اشكال كتيير
- فوجات في الاكصدام الامامي بنفس طريقة وضع الكشافات
- استيكر ع الشنطة من ورا خفيف و صغير يمشي مع العربية و فيه حاجات كتيير ممكن تجيبها من ابراهيم في شارع دمشق او تنزل التوفيقية في محل اول ما تدخل ع الشمال عنده استيكرات اشكال و الوان تتوه فيها و اسعاره كويسة برده
و لو عايز استيكر نايل موتورز موجود معايا بالاضافة انك بتاخد خصومات باستيكر نايل موتورز خصومات من بريدجستون
خــدمات نــايل موتورز للأعضــاء - نايل موتورز - nilemotors.net
- طاسات يبقي شكلها مدي ع جنوط و ترش الجنوط الاصلية اسود بليل و بالنهار الطاسات هتبان ع انها جنوط خدعة بصرية :) سعر الطاسات من 40 - 80 ج
- حلية شكمان و ده تبدأ من 10 ج
ده كده الشكل الخارجي نيجي للشكل الداخلي
اولا فرش كسوة و ده يبدأ من 250 - 300 فيما فوق ع حسب اما الفرش التفصيل فده يبدأ من 500 ج
دواسات ممكن اللي بلون ( ازرق - فضي - احمر ) بحيث يتماشي مع لون العربية او الفرش اللي هتركبه او اسود و ديه اسعارها من 30 ج فيما فوق
- موبايل هولدر
- تغير الاضاءة بتاعت الصالون و تخليها ليد ابيض الكارت فيه لمبتين يبدأ من 10 ج فيما فوق و الأفضل تجيب اللمبة اللي فيها كذا ليد صغير مش واحدة زي اللمبة الحمرا العادية
الساوند سيستم بقي ده برده ع حسب انت عايز الصوت اللي تسمعه عامل ازاي و ميزانيتك كام لأن ديه مفتوحة انواع و موديلات و ارقام
الله عليك يا كبيييييييييير ، تسلم :)
اه نسيت اقولك .. انا عربيتي جديدة موديل 2013
وفي سؤال محيرني !!!
هو انا لو عملت فيها حاجة هاتخرج من الضمان ؟؟ او ايه الحاجات اللي لو عملتها هاتخرج من الضمان ؟؟
وشكرا