البوابه زهقتنى

**warfighter2114** · 01-04-2013 03:49 PM

خبراء المنتدى الكرام تحيه طيبه
وبعد...............

انا غيرت البوابه من شهرين تقريبا وكانت زى الفل ومره واحده علقت والار بى ام مش بيمسك سلانسيه فقولت افكها زى ما اتعلمت من المنتدى وروقتها وركبتها تمام وكابل الارضى تمام وبرده مش مظبوطه

اولا: هل كابل الاكسلتير (كابل البنزين )له تأثير على عدم انتظام البوابه لانى حاسس انه مشقق

ثانيا: هل اغير البوابه بأخرى استعمال ولا اجيبها جديده لان الميكيانيكى قالى هى زى الاوكتافيا a4 هل الكلام ده منطقى

ثالثا: فى بنسه بتمسك كابل الاكسلتير من ناحيه البوابه اقدر من خلالها اشد او ارخى السلك البنسه ديه ضاعت وانا بظبط الكابل (كارثه) هل بتتباع ولا بتيجى مع الكابل لان الكابل بقى سايب خالص ومش حعرف اتحرك بالعربيه لانى لما بضغط على الدواسه بلاقى وكان الكابل مقطوع هل فى حل مؤقت

رابعا حساس البيئه او الاكسجين لما بيدخل على الكمبيوتر بيقرأ صفر فمحتاج اغيره سعره كام

خامسا: هل عدم انتظام الار بى ام له تأثير على البوجيهات يعنى ممكن يكربون البوجيهات

الف شكر

**Karim Ibiza** · 01-04-2013 04:18 PM

المشاركة الأصلية كتبت بواسطة warfighter2114

خبراء المنتدى الكرام تحيه طيبه
وبعد...............

انا غيرت البوابه من شهرين تقريبا وكانت زى الفل ومره واحده علقت والار بى ام مش بيمسك سلانسيه فقولت افكها زى ما اتعلمت من المنتدى وروقتها وركبتها تمام وكابل الارضى تمام وبرده مش مظبوطه
يعنى ايه مش بيمسك سلانسيه؟؟

اولا: هل كابل الاكسلتير (كابل البنزين )له تأثير على عدم انتظام البوابه لانى حاسس انه مشقق
المفروض ان الكابل ده متكون من عدد وايرات متجمعة مع بعض, ولو واحد منهم اتقطع مش هيأثر على حاجة الا لو كان القطع ده فى حتة ضيقة تخلى الواير يتزنق ويعلق السوستة, ياريت توضح التشقيق فين بالظبط

ثانيا: هل اغير البوابه بأخرى استعمال ولا اجيبها جديده لان الميكيانيكى قالى هى زى الاوكتافيا a4 هل الكلام ده منطقى
استيرااااااد

ثالثا: فى بنسه بتمسك كابل الاكسلتير من ناحيه البوابه اقدر من خلالها اشد او ارخى السلك البنسه ديه ضاعت وانا بظبط الكابل (كارثه) هل بتتباع ولا بتيجى مع الكابل لان الكابل بقى سايب خالص ومش حعرف اتحرك بالعربيه لانى لما بضغط على الدواسه بلاقى وكان الكابل مقطوع هل فى حل مؤقت
لو قصدك على البلية اللى بتبقى فى نهاية الكابل يبقى الحل انك تجيب كابل جديد او لو عايز حل مؤقت يبقى تربط مكانها مسمار عشان يزنق على السوستة

رابعا حساس البيئه او الاكسجين لما بيدخل على الكمبيوتر بيقرأ صفر فمحتاج اغيره سعره كام
انا لسه جايبه استيراد من عند عدس بــ130 جنيه على التجربة 24 ساعة بس

خامسا: هل عدم انتظام الار بى ام له تأثير على البوجيهات يعنى ممكن يكربون البوجيهات
ياباشا بوجيهاتك لسه جديدة ملحقتش
الف شكر

لو عايز نبص عليها مع بعض انا تحت امرك

**Karim Ibiza** · 01-04-2013 07:00 PM

المشاركة الأصلية كتبت بواسطة warfighter2114

الف شكر ياباشا والامر لله واتمنى انك تشوف العربيه

انا معاك ياباشا كل يوم بعد الساعة 6 كلمنى وننسق مع بعض
رقمى 01001190366

**ehab_mansour** · 01-04-2013 09:41 PM

شوف انا مجرب اللي حصلك ده من قبل ...
مش لازم يكون سبب عدم انتظام السلانسيه بوابة ... حطها علي الجهاز و شوف او اشتري بوابة استيراد و علي التجربه
بخصوص نوع البوابة فهي تختلف تماما عن بوابة الاوكتافيا لأن المحركات مختلفة و لكل محرك نوع وبوابة خاص بيه و خلي بالك لأن كل بوابة منهم ليها مقاسات و حجم و معدل flow rate للهواء مختلف حسب قدرة و حجم المحرك
سلك الاكسيرتير بيمسكه بلبلة في أخر السلك لكن اعتقد انك تقصد الكاوتشة اللي في اخر الجراب و بيركب عليها مشبك يحدد شد السلك >>> لو المشبك ده هو اللي ضاع ممكن تشوف اي حته صاج صغيرة و تعمل فيها تجويف بحيث تسقط و تثبته ... او اعملها اي اختراع و هتشتغل بسيطة و مش قلق قوي بس فكر فيها

رأيي تغير حساس الاكسجين الأول لأن له تأثير و عامل من عوامل ثبات السلانسيه و بعدين نشوف
و بعديه بوابة علي التجربة و بس
و بالتوفيق

**SYD** · 02-04-2013 05:40 PM

زي ما قال المهندس ايهاب
كل موتور وله البوابة بتاعته الخاصة بيه
وحتي ولو تشابهت بوابتين بمجرد النظر فقد تختلف كل منهما عن الأخري
الأحسن تحطها علي الكمبيوتر وتشوف العطل ايه. وتقولنا عليه
لأن احياناً الكهربائي او الميكانيكي بيفهم العطل غلط لتشابه عطل البوابة مع عطل حساس البوابة
اما عن الواير فبيتباع جديد - بس انت ازاي كسرته ؟؟؟
اكشف عليها وقولنا واحنا في انتظار الرد عشان نشوف سوا ايه العطل اللي عندك ونشوف ممكن يتحل ازاي

تحياتي

**ehab_mansour** · 03-04-2013 01:01 PM

المشاركة الأصلية كتبت بواسطة warfighter2114

لأ مقصدش البليه الى فى اخر الوير انا قصدى البنسه الى من خلالها بتحكم ان اشد الوير او ارخى الوير

ايه الفرق بين عطل البوابه وعطل حساس البوابه

وهل ممكن الكارته تكون السبب انا واحد صاحبى معاه افيو وكانت عنده نفس مشكله البوابه ولما غير الكارته البوابه اتظبت

تمام ....
البنسة دي عبارة عن مشبك صاح بيسقط ضغط حوالين كاوتشة في اخر الواير مسننه بتغير من خلالها شد الواير و دي حلها بسيط كما قلت لك يعني لو جبت حتة صاجة و فتحتها بشنيور فتحة اقل قليلا من الكاوتشة و ركبتها هتقوم بالوظيفة او اي اختراع يسقط فيعا ضغط هتبقي زي الفل .... اتصرف و حاول تشفلها اي حاجه

مافيش فرق بين البوابة و حساس البوابة او حساسات البوابة لأن كل ده قطعه واحدة بفيشة واحدة لا تنفصل و لو اي حاجه في البوابة بايظة بتتغير كلها

بخصوص الكنترول فممكن .... الله اعلم
محتمل يكون هو سبب التهييس اللي عندك ده او فيشته و كل ده محتاج كشف و محاولة تجربة كنترول اخر و شوف الدنيا فيها ايه و احنا معاك و ربنا يعينك و يوفقك

-

الموضوع: البوابه زهقتنى

LinkBack

أدوات الموضوع

عرض

-

-

-

-

-

المواضيع المتشابهه

طريقه تنظيف البوابه (Throttle Body)

حساس وضع الخانق (البوابه)

جيت أنظف البوابه زي وصف المستشار ممدوح ملقتش البوابه

البطاريه زهقتنى

السيارة الكيا برايد الغصفورة زهقتنى - ساعات بيحصل خنقة فى السحب

الكلمات الدلالية لهذا الموضوع

المفضلات

المفضلات

ضوابط المشاركة