المخالفة : قيادة المركبة في مواكب خاصة من دون تصريح.
الغرامة : لا يوجد.
العقوبة : سحب رخصة القيادة لمدة لا تقل عن شهر
ماذا يعنى بمواكب خاصة
عرض للطباعة
المخالفة : قيادة المركبة في مواكب خاصة من دون تصريح.
الغرامة : لا يوجد.
العقوبة : سحب رخصة القيادة لمدة لا تقل عن شهر
ماذا يعنى بمواكب خاصة
يمكن قصدهم أفراح - لأن هي ديه الحالة الوحيدة اللي ممكن نطلق عليها مواكب خاصة
بس تصريح ايه دا اللي الواحد لما ييجي يتجوز هيستخرجه؟ و هستخرج تصريح ليا و للأصحاب و القرايب؟!!
والله يا اخ vw انا مش عارف دى اول حاجة انا فهمتها من الجملة بس مش عارف هل هو دة المقصود ولا لا
و الجنازات أيضا
و بعض الشركات الكبيرة (اللي غاويين منظرة)
حضرت موقف (ليس شكرا في شخصه و لكنه حدث)، عند نزول م/أحمد عز من مبني شركاته بالمهندسين قام السواقين العاملين بشركتة بوقف الطريق و تعظيم سلام لسيارته و ما يتبعها
فما كان أن نزل و نهرهم بشدة
(تواضع ، اسباب امنيه . . . الله أعلم)
فبعض الشركات تسير سيارة رئيس الشركة بسيارة حراسة و سكرتارية (عقد نقص مستعصيه)
المفروض وفقا لصريح وعموم نص القانون المذكور ، فان الموضوع لا يقتصر على مواكب الأفراح، ولكنه يمتد ليشمل أى موكب من بتوع مدعى الشهرة من الفنانين وغيرهم اللى مممشيين وراهم عربيات فيها بودى جاردات يفزعوا بيها خلق الله الغلابة من الشعب، وبيحاولوا بيها يعملوا لنفسهم حيثية ومكانة بتقليد مواكب المسئولين والوزراء اللى هيا أصلا مواكب مصرح بيها وبالتالى تخرج عن نطاق تطبيق النص المذكور
و المواكب المعتادة لما الأهلي بيكسب الزمالك :)
لو قاصدين الافراح تبقي مصيبه
هو الواحد هيتشغل في تحضير شقه و حجز فندق و طلبات جواز
و لا يفضي نفسه و يروح يستخرج تصريح موكب فرح
لا انا شايفه ان العرسان يخرجو بالعربيه لوحدهم و كل واحد يخليه في حاله احسن
و كل عربيه في الزفة تمشي باحترامها و لو الظابط جه قالك انت تبع العرسان دول قولهم و لا عمري شوفتهم
بدل ما تقضو كلكو ليله الفرح في القسم علي البورش
و الله أنا شايف إن مواكب الأفراح دي قمة الإستهبال و الإستهتار مننا كأفراد من هذا الشعب
تعطيل الطريق بدون أي داعي
غرز و قلة أدب متناهية
ضجيج ليس له أي داعي ( شعب بيحب الظيطة )
لا تضيف أي شئ للعريس و العروسة و لا تعطي أي إحساس بالسعادة ........بل على العكس ......... الخوف لأحسن عربية تتخبط من العيال اللي بتسابق بعض و تزنق على بعض في الفرح
و دائما تقلب بخناق
و ربنا يرحمنا ............ و بتوع المرور ما يعتأوش حد من الناس اللي بتغلط و يطبقه القانون على الجميع علشان السواقين تتربى شوية
يمكن قصدهم مواكب الوزراء و رئيس الوزراء و غيرهم
محدش فكر فيهم لية:gun_bandana::smartass:
رغم انى ضد قانون المرور الجديد لان القديم كافى واكثر
لكن هذه النقطه تحديدا ياريت يطبقوا وانا اشك فى تطبيقها
لانه على سبيل المثال حدث فى مواكب الافراح هذه حوادث كثيره وموت اشخاص بسبب استهتار بعض الشباب اللى غاوى منظره وعمل امريكانى وخلافه بصراحه قمه الاستهتار والتسيب
ومع ذلك لااشك ان اى شئ هيطبق
فى حد شاف موكب هشام طلعت مصطفى اوعدنا يارب قدامه عربيتين جيب قدامه و و عربيه و راه مش فاكر نوعها بس اللى ملحوظ ان العربيات الجيب بتقطع الطريق على العربيات التانيه فى التقاطعات علشان سعادته يمر و كمان
جامد جدا التعليق ده يابوسي والله بس لو بص جوا العربية لاقي بنات لابسة سواريه يبقوا اتكشفوا او ممكن يقولوه احنا رايحين حفلة تنكرية هههههههههههه
بس بجد فعلا موضوع زفات الافراح دي مستفزة
انا يوم الخميس اللي فات روحت متأخرة عن ميعادي ساعة بسبب الطريق اللي كان واقف وقفة غريبة ومكنتش فاهمة ليه قلت يمكن عربية عطلانة ولما الدنيا سلكت فوجئت بعربية فيها عريس وعروسة وغالبا هما اللي كانوا السبب في القفلة المهببة دي وطبعا اتهزأت في البيت كل ده عشان العريس والعروسة يفرحوا ونتحرق احنا بقي :040:
ده غير ان في جامعة الدول مرة شفت زفة برده كانوا عاملين قلبان وهبل في الشارع وغرز وحاجات غريبة غير الكلاكسات الظريفة طبعا.
فيها ايه لما نحتفل بهدوء يعني مش كفاية اللي هما رايحين يعملوه في القاعة بتاعة الفرح والدي جي اللي هايصدعهم ويصدع المعازيم ولا الشعب كله لازم يتصدع في اليوم ده عشان يتحفر جوه ذاكرته على اساس ان ديانا ودودي اللي بيتجوزوا يعني :devil2:
ههههههههههه
لا و لا الهوا
هو انا مخطوبة اساسا؟
بس صدقني كده هابتدي افكر في موضوع الجواز ده مادام هيلغو مواكب الافراح
هههههههههههههه
لاني بصراحه بكرهها عمىىىىىىىىىىىىىىىىى:biggrin2:
يا بنتي احنا اصلا شعب يعشق الهيصه و الصريخ و خلاص
اساسا كل ما كنت افكر اين في يوم هيتعملي القرف اللي بيحصل ده كنت اقول لا و علي ايه بلاش فضايح:banana:
اكفينا شر الفضايح يارب
الواحد يتفضح في اشارات المرور عشان يتجوز
عني ما اتجوزت
ههههههههههههههه
لا لما افرح بيكو كلكوالاول يا بشمهندس
ههههههههههههههههه
الخلاصه موكب دي يعني اكتر من 3 او اربع عربيات ماشيه بسبب مناسبه او غرض واحد يا ما كان هذا الغرض وذالك لضمان السيوله المروريه وعدم تعطيل المرور