الموضوع: إسكورت 1999

المشاركة الأصلية كتبت بواسطة aliabdo

انا لغيت فكره البيع عشان انا صارف على العربيه كتير و الحمد لله العربيه زى الفل مش مزعلانى فى اى حاجه و السوق اليومين دول ولا تعرف تبيع فيه ولا تعرف تشترى

ده الكلام اللى كنت بقصده من كلامى اللى عايز يبيع بيخسر فعلا جامد لكن لو مش محتاج البيعه فده مش وقت بيع خالص

شوفت بقى ان الاسعار فعلا غليت جامد لسه واحد صاحبى جاى له فليشيا 96 مطلوب فيها 30 و فيها بارومه و فيها شغل انا كنت بايبع 95 ب 24 الف و كانت حاله ممتازه من سنتين

شوفت فيستا 2000 مركونه من فتره و تقريبا عايزه كل حاجه تتخيلها مطلوب 24

كل العربيات الجديد زادت من 15 الف و انت طالع و ده اكيد ليه تاثير جامد على المستعمل مش اقل من 5000 جنيه
و طبعا الى بيشترى مستعمل عامل ميزانيه معينه و الوضع ده بوظ له حسبته فاكيد مش حيشترى و الى بيبع مش عايز يضحك عليها و الجديد اسعاره بقت هبل

عشان كده مفيش ولا بيع و لا شراء
انا كنت بروح عند الطارق الى فى كارفور تحس انك داخل سوبر ماركت من كتر الناس الى فيه و كل ما تروح تلاقى العربيات اتغيرت دلوقتى لو رحت كل شهر حتلاقى هى هى العربيات و مفيش اساسا ناس حتى بتتفرج