مشكلة غريبة بالكاسيت!

**NaderNabil** · 08-08-2008 12:46 AM

من اسبوعين كده كنت مشغل الكاسيت عادي بس العربية كانت مقفولة و جيت دورت عادي....المفروض ان الكاسيت بيفصل لمدة ثانيتين لحد العربية ما تدور و بعدين يشتغل تاني...بس المرة دي مارجعش يشتغل....قولت أكيد الفيوز ضرب...المهم فضلت عايش من غير كاسيت لمده 3 أيام و مكسل أعمل الفيوز...بس جيت في يوم قلت أجرب أحط الوش و أشوف....حطيته و دوست باور ....لاقيته اشتغل!!!!

بس من ساعتها بقي فيه مشكله.....الصوت بقي يقطع كتير قوي قوي.....يعني طول ما انا ماشي و فيه سي دي أو الراديو شغال الصوت يقطع و ممكن يقطع نص دقيقة كاملة...مع العلم ان ال العداد تاع الدقائق شغال عادي و لما الصوت بيرجع بيكون عند الحتة في الأغنية اللي المفروض هاتكون فيها مش عند مكان ما قطع...يعني معنها السي دي بيلف و ماشي عادي!!!

مشكلة كمان ....لما الموضوع بيتمادي...ألاقي الشاشة بتاعة الكاسيت بتور و تطفي في أجزاء من الثانية كتير ورا بعض...!!!زي ما تكون الكهرباء بتفصل و ترجع علطول.

في حاجة غريبة مربوطة بالموضوع ده ....لو انا ماشي علي طريق سريع....و اجي أهدي أو أدوس دبرياج الصوت يفصل...و لو طولت يعمل حوار الرعشة ده....و جربت مثلا أدوس بنزين و انا ممور ألاقي الصوت رجع تانتي...

بس الحكاية دي مش بتحصل علطول....يعني برده ساعات كتير يفصل و انا ماشي بسرعة....

مع العلم ان البطارية جافة جديدة مقلهاش شهرين.... وبسيب العربية بالاسبوع و برجع أدور تاني مافيش مشاكل فيها

هل من حل أو نصيحة لهذه المشكلة؟؟؟

**pointer** · 08-08-2008 12:54 AM

نادر باشا عندك حاجه من 3
1- سلك مهزوز وده يحتاج فك الكاسيت ومراجعه الاسلاك او الوش بتاع الكاسيت مش متركب صح وبيتهز
2- لحام فك جوه الكاسيت وعموما هيكون في الوصلات اللي ورا بتاعه الباور
3- عيب الله اعلم بيه
بس خلاص

**NaderNabil** · 08-08-2008 12:59 AM

المشاركة الأصلية كتبت بواسطة pointer

نادر باشا عندك حاجه من 3
1- سلك مهزوز وده يحتاج فك الكاسيت ومراجعه الاسلاك او الوش بتاع الكاسيت مش متركب صح وبيتهز
2- لحام فك جوه الكاسيت وعموما هيكون في الوصلات اللي ورا بتاعه الباور
3- عيب الله اعلم بيه
بس خلاص

شكرا يا بوينتر باشا علي الاقتراحات...

بس نسيت أقول ان الكاسيت لسه جديد..مبقالهوش شهرين في العربية...و ماتفكش من مكتانة من ساعتها.....

غير اني قعدت العب في الوصلات بتاعته من ورا..لاقيت كله متثبت تمام و مافيهوش تلميس أو حاجة

**pointer** · 08-08-2008 01:14 AM

معلش يا باشا فك الكاسيت تاني وهز الاسلاك وهو شغال لو بيقطع يبقي الاسلاك
تمام لو ما قطعش شوف تاني هو بيقطع امتي لما يتهز مثلا ولا لما يتخبط ولا ايه النظام لو قطع يبقي
اما الفيوز مش متركب كويس -اللي في الكاسيت من ورا- فابيفصل او الاسلاك بتاعته
لو بيفصل بس مالوش دعوه بهتزاز الكاسيت يبقي راجع علي الفيوز بتاع الكاسيت اللي في علبه الفيوزات او الاسلاك اللي وصلاله هز برضو وشوف لو قطع يبقي من الحته دي لو لا
يبقي الله اعلم

**NaderNabil** · 08-08-2008 01:18 AM

هو فعلا أكتر حاجة انا شاكك فيها هي الفيوز...بس لو فيوز يبقي هايقطع خالص ..مش هايروح و يجي؟!.
بس هو مش بيقطع مع الاهتزازات....و لما بيقطع بيبقي صوت بس مش باور....يعني كل حاجة شغالة ماعدا الصوت مش طالع....

و اوقات بيهيس برده الاقي السي دي وقف....كأنك دوست pause...

انا حاسس ان الكهرباء اللي داخلاله قليلة....

**pointer** · 08-08-2008 01:34 AM

ممكن يا نادر تقول لي مكونات العده اللي عندك علي شان اعمل لك تصور للوصلات بتاعته
الفيوز بيكون مهزوز لو مافيش باور يبقي ضرب
لو الكهرباء قليله بيقطع مع الصوت العالي وبذات البييز لما يعلي
ياريت تقول لنا الوصله متركبه ازاي يعني جاك ولا الراجل قطع الاسلاك ووصلهم
لما بيقطع او بيعلق بيرجع نفس التراك وبيجي من الاول ولا مكان ما بيقف
نوع السي دي ايه الجهاز و السي دي نفسه لان سمعن ان الدسكات المضروبه بتعمل مشاكل

**NaderNabil** · 08-08-2008 01:41 AM

السي دي نوعه Lg من انجلترا....
السي دي جربت أكتر من واحد....غير أصلا ان المشكلة بتحصل برده و الراديو شغال

لما بيقطع و السي دي شغال بيرجع عند الجزء من الأغنية اللي كان هايوصله لو الصوت فضل مكمل....فاهم؟؟؟يعني مش بيرجع للاول ولا بيرجع عند نفس النقطة اللي قطع منها

مش بيقطع مع البيز أو الصوت العالي خالص....هو بجنونة كده...و أكتر الوقت اما أدوس فرامل أو أهدي...أو دبرياج...

مكونات العدة بسيطة جدا...هيد يونيت...و سماعتين أبواب و سماعتين بيضاويتين في الرف...و شكرا

أصلا الكاسيت عمري ما اشتكيت منه...و المشكلة دي عمرها ما كانت موجودة...هو فجأة كده بعد ما دورت العربية بدأ يعمل الموضوع ده

**pointer** · 08-08-2008 02:09 AM

شوق يا نادر
اولا هنستبعد حكايه الفيوزضرب ده لانه بيكمل عادي وبيقطع صوت بس
هنستبعد حكايه ان الوصلات مش ركبه حلو لانه المفروض يفصل خالص ويبتدي من اول التراك او الcd حسب نوعه ده لو ما كنش بيقطع بسرعه بحيث ان الجهاز ما يحسش بانقطاع الباور
كمان نستبعد ان ال cd مش اصلي لانه بيعمل كده مع الراديو اهم حاجه انه بيعمل كده مع الراديو
يبقي امامنا حاجه من انتين ان الباور بيقطع بسرعه وده من الوصلات او الفيوز مهزوز
او ان ده حاجه عديه لما السي دي بيتعرض لاهتزازات كتيره متتاليه بيفقد معاها التراك وبيحتاج لفتره يرجع للتراك تاني وده بيعتمد علي البفر بتاعه- الذاكره الوسيطه اللي بتغطي فتره البحث عن التراك- جرب تسوق بطريقه عاديه دون السواقه الرياضيه وشوف و انا معاك خطوه خطوه لغايه ما نلاقي السبب ولو حتي نتفابل بس انت ااشر

**NaderNabil** · 08-08-2008 02:20 AM

يا باشا ما انا قولتلك بيبان وانا مهدي خالص بالعربية....يعني لو جيت وقف في اشارة و جايب أول في تاني أو مش بمشي خالص يقوم عاملها....و في نفسي الوقت برزع في أقذر و أعنف المطبات ولا بيتأثر...

انا أول حاجة هاعملها هاشوف الفيوزات...بتاع الهيد يونيت نفسها اللي ورا و اللي في حوض الموتور...و هاغيرهم أحسن

**dr_abooody** · 08-08-2008 03:06 PM

فيووووووووووووووووووووووو وووووز

غير الفيوزات الاول و جرب بدل ما تفك الكاسيت و الوصلات و تعمل حوارات و دة حاجة سهلة اوي
و لو غيرتها و المشكلة لسة موجودة يبقة كدا لاقدر الله حصل حاجة للكاسيت

بس ان شاء الله هتبقى فيوزات بس

المهم غيرها دلوقتي و يبقى طمني عملت اية

الموضوع: مشكلة غريبة بالكاسيت!

LinkBack

أدوات الموضوع

عرض

مشكلة غريبة بالكاسيت! - انشر الموضوع فى :

-

-

-

-

-

-

-

-

-

المواضيع المتشابهه

مشكلة غريبة في a5

مشكلة بالكاسيت...أتمنى ان أجد لها حلاً!!

مشكلة بالكاسيت

مشكلة غريبة

مشكلة بالكاسيت

الكلمات الدلالية لهذا الموضوع

المفضلات

المفضلات

ضوابط المشاركة