الموضوع: تركيب فرش للعزيزة الكارينز من خلال شركة جينز كار

الف مبروك ..

اعتذر عن التاخير فى الرد على العموم اشكركم اخوانى على اهتمامكم
-الفرش بعد الخصم اتكلف 1700 جنيه طبعا الناس هتقول ان هو كتير بس الخامات المستخدمة وتفيل الشغل فوق الممتاز لدرجة ان انت ما تحسش ان فى فرش راكب اصلا و دى التكلفة الاجمالية .
- الارضية عملتها من الخامة التقيلة لان الارضية ما ببتلزقش و لذلك يفضل الخامة التقيلة لانها تستحمل غير انها بعد ماركبت ماتحسش انها راكبة تحس انها فابريكة و تنظيفها سهل جدا الخامة ب 450
- اما الشنطة برضة من خامة الجلد المتين حتى يحافظ عليها و بعدين عشان الشنطة مكشوفة كما هو الحال فى السيارات الهاتش باك فلازم تكون خامة جيدة تتحمل حرارة الصيف الخامة 450
- نصيحة محدش يعمل الدركسيون او عصا الفتيس و ممكن الاستعاضة عن ذلك بتركيب الطار الجاهز لان لو اتعمل جلد لازم يتلزق بكولا اولا ثم يكسى الجلد فوقها و بعد الاستخدام الطويل يقصد به عشر سنوات على الاقل يمكن يؤدى ذلك تلف الجلد الالى الى تأكل الجلد الاصلى و لذلك ينصح باستخدام التارات الجاهزة و ممكن تجيب حاجة نضيفة .
- معلومة عرفتها من اخ كريم كان يعمل فرش لسيارة لانسر ان الاسعار فى شارع دمشق ارخص من التوفقية و خاصة فى الاكسوارات .
- ارجو ان اكون اوضحت الصورة كاملة و الكمال لله وحده سبحانه و تعالى و ان شاء الرحمن تعالى سوف اقوم برفع صور الفرش و العربية فى اقرب وقت ممكن تقبلوا تحياتى