كــــــارثة النمر الجديدة تحتاج تخريم جديد بالسيارة

**أبو عبدالله** · 09-08-2008 10:15 PM

المفروض ان غالب العربيات الجديده ده اذا مكنتشي كلها اماكن المسامير متحدده فيها بمقاسات ثابته
طيب انا عندي في العربيه من ورا بتتثبت في مكان حديد من ورا الاكصدام ومثبت في عضم العربيه
لو متطلعشي مظبوط هيعمل وا فيها ايه دي بقه
اما بخصوص الجنايه
فأنا معاكم

**Ahmed Samy** · 09-08-2008 11:17 PM

المشاركة الأصلية كتبت بواسطة Ahmad Allawy

هو الظاهر و الله اعلم..
انك لو حبيت تفك النمر دي.. المسمار هو اللي هيتكسر..
مش النمرة نفسها.. يمكن!!!
و بالنسبة لموضوع مقاسات النمر دي..
انا مع احمد و سمسم في موضوع الجناية.. عشان انا كمان مشارك فيها.. :) :) :)
هاجهز المطوة في جيبي..

بس خلي بالك النمر الجديدة مجهزة بنظام كشف الأسلحة

المشاركة الأصلية كتبت بواسطة أبو عبدالله

المفروض ان غالب العربيات الجديده ده اذا مكنتشي كلها اماكن المسامير متحدده فيها بمقاسات ثابته
طيب انا عندي في العربيه من ورا بتتثبت في مكان حديد من ورا الاكصدام ومثبت في عضم العربيه
لو متطلعشي مظبوط هيعمل وا فيها ايه دي بقه
اما بخصوص الجنايه
فأنا معاكم

كده بقينا أربعة
ممكن نعمل عرض للأعضاء للانضمام للجناية

**amir** · 10-08-2008 01:22 AM

و كله كوم في شويه ناس فاقدي العقل لا يلامو علي شيء و الكلابشات دي كوم تاني مالوش مثيل
منين انا راكن في امان الله و واحد معندوش ريحه الدم او الاخلاق ييجي يقفل بعربيته عليا , و علي حظي الهباب ييجو الهليبه يكلبشو الزبون و هو قافل عليا!!!
عبقري مين قعد في جلسه انس و استخدم عقله التعيس و قال ياللا نجيب الكلبشات و نقرف بيها الناس؟!!!
انا حاسس انه من اذكي شباب الوطن
طب ماهو يا عفريت يا خلبوص انت ما انت عندك الاختراع القديم بتاع التيكيت اللي بيتلزق علي العربيه و النمر اللي بتتكتب و تتاخد مخالفه ولا انت لسه يا دوبك محطوط علكرسي و عايز تفتكس افتكاسه محدش سبقك ليها
طب و ذنب البني ادم اللي راكن صح ايه يا اقل ذكاء من البرغوت, علي الاقل البرغوت بيشفط شويه دم صغيرين مش بيمص دم البني ادم للنهايه!!!!
و ييجي القانون الجديد لانج يجرم ازاله الكلابش بارك الله فيه , الكلابش ده مش مجرد عقاب ده شعار علشان الرعاع اللي ماشيين في الشارع يعرفو انهم ميفرقوش حاجه عن الرعاع اللي في السجن.
بالذمه دي بلد, واحد تطق في دماغه حاجه يقوم عاملها من دون الرجوع لأحد و تيجي العزه بالاثم تركبو و ميقولش انه غلطان و يتراجع, و النوع ده من العند بيورث الكفر, غالبيه قصص الكفار و المشركين بتتضمن عظات و عبر من موضوع العند و الاصرار علي الخطأ
يارب ارحمنا من اللي فاكرين نفسهم ابو العريف

**AHMEDCAR** · 10-08-2008 01:40 PM

مين اللى قال انها لازم تتركب من نفس المكان انا كنت فاكر كده برضوا لحد مالقيت واحد امور خارمها من نصفها بالظبط و مخلى شكلها زباله اكتر ماهيه زباله و مبرشبها بالبرشام بتاع المرور و ده دليل على انه ركبها فى المرور يعنى عادى فاتحيا الكوسه

**iBiZa** · 10-08-2008 04:08 PM

ظبط الراجل بخمسة جنية و يركبهالك على الزجاج لو حبيت و طبعا لو مش عاجبك ممكن

**hazem_khidr** · 10-08-2008 04:13 PM

انا فعلا شفت 505 في المحله هنا
كانت اول مره اشوف النمر دي علي عربيه فعلا
و كان مركب اللوحه الخلفيه علي الاكصدام مش في مكانها الطبيعي بين الفانوسين

**Defender** · 13-08-2008 01:52 AM

النمر التي لاتقبل التلاعب

يعني لو العربيه عملت حادثه وولعت النمر هتفضل زي ما هياا
هههههههههههههههههههه الظاهر شغالين رعب في الناس وشكلها هتطلع فيالاخر نمر تعبانه اي حد يعرف يفكها هي شغلانه

يعني هما جايبين جهاز مخصوص لفح وتركيب النمر

**AHMEDCAR** · 13-08-2008 10:12 AM

يا جماعه فكها و تركيبها حاجه فكسانه خالص بس عايز مخ شويه مش غشوميه المسمار موجود جوه الطابه البيضه اللى موجوده على النمره و عليه غطاء المهم تعرف تشيل الغطاء من غير ماتجرحه و بعد كده المسمار هايبان عادى

**Matrixawy** · 20-08-2008 07:48 AM

للاسف شكل النمر الجديدة سيىء جدا
و لا يتناسب مع كثير من الوان السيارات

و المسامير فعلا يصعب فكها
و لكن مع مرور الوقت اعتقد سيجدوا حل لفكها

الموضوع: كــــــارثة النمر الجديدة تحتاج تخريم جديد بالسيارة

LinkBack

أدوات الموضوع

عرض

-

-

-

-

-

-

المواضيع المتشابهه

النمر الجديدة

فك لغز النمر الجديدة......!

النمر الجديدة

حد يعرف النمر الجديدة وصلت مرور القوات المسلحة فى مصر الجديدة

هل السيارات الجديدة تحتاج الي تليين؟

الكلمات الدلالية لهذا الموضوع

المفضلات

المفضلات

ضوابط المشاركة