كــــــارثة النمر الجديدة تحتاج تخريم جديد بالسيارة

**Matrixawy** · 08-08-2008 01:28 AM

علمت اليوم ان النمر الجديدة لها فتحات بمقاسات ثابتة لن يتخلوا عنها فى المرور

و سيتم تجاهل فتحات النمر القديمة عند التغير و سيتم تخريم السيارة من جديد حسب مقاسهم

و المشكلة ان معظم السيارات لها اماكن تخريم محددة و مختلفة عن مقاسات النمر الجديدة مما سيتسبب فى اتلاف الاكصدام و شنطة السيارة

مع البحث عن وسيلة لغلق الفتحات الخلفية القديمة لعدم تسرب الماء منها للداخل

كما علمت انه سيتم وضع طربوش معين فوق مسامير التثبيت حتى لا يستطيع احد فكها بعد ذلك

اتذكر اننى عندما استلمت النمر زمان فضلت اركبها بنفسى تلاشيا لمساوىء التركيب فى المرور
حتى تكون مظبوطة تماما و غير مائلة

اما الان فسيكون الامر كله تحت رحمة المرور فى التخريم و التركيب و ربنا يستر و تطلع سليمة

**fahd_628** · 08-08-2008 01:36 AM

:( :( :( :( :( :(

لا تعليق

**Eng.Mina** · 08-08-2008 01:36 AM

حاجة غريبة جدا يا استاذ matrixawy يعني لاقدر الله لو الاكصدام اتحك او حصل فيه اي مشكلة وحبيت افكه علشان يترش لازم اخد اذن من المرور وللا ايه ؟؟؟؟

**Eng.Mina** · 08-08-2008 01:51 AM

وبعدين معروف ان اللي بيعلقوا النمر في المرور بيبقي شغلهم زي الزفت وكان بالنسبة للنمر القديمة كان الاحسن انك تاخدها وتخلي سمكري نضيف يعلقهالك لكن النمر الجديدة دي انت مجبر انك تعلقها في المرور وكمان حايعمل اخرام جديدة يعني مليون في الميه حاتحصل بهدلة للعربية وبعد ده كله اللي بيعلقها حايطلب منك اكرامية عيني عينك

**hahahahahaha** · 08-08-2008 02:03 AM

يا عمي دول جزارين.

**ENG\AHMED** · 08-08-2008 02:06 AM

من كام يوم جة على بالى الموضوع دة ان ممكن اماكن التركيب والمسامير بمقاسات معينة
انا عندى قواعد لتثبيت النمرة فى الاكصدام والشنطة ففكرت بردو ان ممكن واحد فلحوس يجى يقولى لأ مينفعش ولازم يتشالوا ويخرم فى العربية علشان يركب النمر اللى مش بتتشال دى !!! انا ممكن ساعتها اخرملة عينية واركبلة فيهم النمر وافضل ماشى بالنمر بتاعتى مريحانى

المشاركة الأصلية كتبت بواسطة mina87

حاجة غريبة جدا يا استاذ matrixawy يعني لاقدر الله لو الاكصدام اتحك او حصل فيه اي مشكلة وحبيت افكه علشان يترش لازم اخد اذن من المرور وللا ايه ؟؟؟؟

على كلامهم اة لازم المرور هو اللى يفكها ويركبها ولو انت لعبت فيها بتتكسر !!!! مش فاهم ازاى يعنى هى هتتكسر لو لعبت فيها ومش هتتكسر لو واحد ريح عليك وهو بيركن !!!!
كمان يقولك لا بتتمسح ولا بتقبل دهان ولا بيتلزق عليها حاجة ولا ولا ولا !!! لا سحر ولا شعوذة... الظاهر مش واخدين بالهم انهم فى مصر

كمان شوية هتلاقى فى الحرفيين مسامير صينى زى بتاعة المرور ونمر صينى كمان لو حبيت

وتلاقى واحد متخصص فك وتركيب ودهان النمر الجديدة مش بعيد كمان تلاقية امين ولا حاجة وبيشتغل فى الحرفيين بعد الضهر ..سبوبة يعنى

**Dr Ahmed** · 08-08-2008 02:10 AM

نـــــــــهــــــــــــــ ــارنـــــــــــــــــــا فــــــــــــــــــــل

**Eng.Mina** · 08-08-2008 02:20 AM

ناس بتستهبل يعني لو واحد عايز يعمل شغل في العربية يعمل ايه؟؟؟؟؟
اكيد حانلاقي بعد فترة حايطلع افتكاسة جديدة في المرور (طلب فك نمرة ) وندفعله رسوم 50 جنيه و 5 جنيه للعبقري اللي حايفكها وبعد ما الشغل اللي في العربية يخلص ترجع تاني المرور وتجيب ( طلب تركيب نمرة مفكوكة قبل كده ) لكن المرة دي تدفع 75 جنيه لان التركيب اصعب من الفك وبرده تلاقي نفس العبقري بجشعه بسلاطاته ببابا غنوجه (علي رأي المناضل هيثم دبور في فيلم مرجان ) يطلب منك اكرامية علشان التركيب وتبقي مشكلة لو حد ريح عليك والنمرة اتكسرت ومتهألي موضوع الترييحات ده بيحصل كتير اوي في الحالة دي حاعمل ايه ؟؟؟؟ حامشي من غيرها لغاية ماروح المرور ويركبوها تاني وفي الفترة دي حاعمل ايه لو كمين قابلني حاقول للظابط معلش يا باشا اصل النمرة اتكسرت مالقيش عندك امير الزقها بيه ؟؟؟؟؟؟
متهيألي يا جماعة الموضوع عايز شوية توضيح

**Dr Ahmed** · 08-08-2008 02:23 AM

بالمواصفات دى مش تبقى معمولة فى مصلحة سك العملة
دى تبقى معمولة فى مصنع بسكوت أو مصلحة سك المواطنين

**Matrixawy** · 08-08-2008 02:53 AM

من جريدة الاهرم الاحد
يتم دفع مبلغ‏130‏ جنيها قيمة تأمين للوحة المعدنية الجديدة‏.‏
اللوحة المعدنية تعتبر نقلة حضارية وتكنولوجية حديثة بحيث لايستطيع أحد ان يعبث فيها واذا فعل ذلك فسوف تظهر علي الشكل الخارجي حيث يتم تركيبها باستخدام مسامير معينة‏,‏ ومفاتيح خاصة لاتوجد سوي في الإدارة العامة للمرور وهذه المسامير يتم تركيبها مرة واحدة وإذا تم تغييرها فان هذا المسمار يتلف ولايستطيع احد ان يقوم بتركيبه سوي الإدارة العامة للمرور‏.‏
و هناك عقوبة اذا تم العبث بها .

الموضوع: كــــــارثة النمر الجديدة تحتاج تخريم جديد بالسيارة

LinkBack

أدوات الموضوع

عرض

-

-

-

-

-

-

المواضيع المتشابهه

النمر الجديدة

فك لغز النمر الجديدة......!

النمر الجديدة

حد يعرف النمر الجديدة وصلت مرور القوات المسلحة فى مصر الجديدة

هل السيارات الجديدة تحتاج الي تليين؟

الكلمات الدلالية لهذا الموضوع

المفضلات

المفضلات

ضوابط المشاركة