مصيبة كبيرة ... الريو سعرها هيزيد تانى

**mhf_77** · 06-04-2013 10:50 PM

المشاركة الأصلية كتبت بواسطة shaddadfalcon1

بالنسبه لموضوع سعر قطع الغيار والتوكيل شوف الموضوع ده وانت تتكيف :)

http://www.nilemotors.net/nile/345362-rb-6.html

دا انا مش اتكيفت بس دا انا عملت احلى دماغ وعليت لما دماغى خبطت فى السقف ههههه
ارجع واقولك حد يلاقى دلع وميدلعش (ده شعار توكيل كيا وهونداى) لما يديك بضاعة متسواش فى سوق الكارو حاجه وتلاقى الناس بتشترى ويغلى يلاقى الاقبال زاد يبقى غلطان لو معملش اكتر من كده انا عن نفسى كسبان من الزياده دى فى اعادة بيع المحروسه بتاعتى ان شاء الله على خير ومع ذلك مستحرم والله الارقام دى واللى يقولك العربيات كلها زادت ياريت يقولى ال 8 عربيات اللى انا ذكرتهم قبل كده يفكرنى بسعرهم عشان انا بنسى وياريت يكتب بجانب كل عربيه سعرها قبل وبعد الزياده ويكتب مواصفاتها بمقارنه مع المحروسه بنت المحروسه ... وعمار يا كوريا

**essam wahby** · 07-04-2013 12:07 AM

المشاركة الأصلية كتبت بواسطة mhf_77

طيب براحه واحده واحده
لما كيا ريو تبقى 160 الف
طيب نقارن السعر ده قصاد سعر و امكانيات السيارات الاتيه :
1- الفولكس البولو (الالمانى )
2- الاوبل الكورسا (الالمانى)
3- التويوتا الياريس (اليابانى)
4- الستروين الاليزيه (الفرنسى)
5- الاسكودا الفابيا (مكونات الفولكس الالمانى) تقفيل تشيكى
6- السيات الابيزا (مكونات الفولكس الالمانى) تقفيل اسبانى
7- النيسان الصنى ( مكونات يابانى) تقفيل مصرى
8- فيات لينيا - (ايطالى) معرفش ايطاليا بتقفلها فين الصراحه
ومحدش يقولى العربيات دى معظمها هاتش لان الريو الهاتش الناس رفعاها السما برضه
ومحدش يقولى معظم العربيات دى موتورها 1400و صغير لان برضه الريو نفس القصه
ومحدش يقولى عناصر الامان لان معظم العربيات دى اوروبى وانتو فاهمين يعنى ايه عنصر الامان فيها
ومحدش يقولى اوبشنز لان الاوروبى كريم فى الاوبشنز اكتر من الكورى (اللى لو عملك نسخة مفتاح تانيه بيحسبهالك فئه اعلى)
ومحدش يقولى احصنة الموتور لان الكورى بعد 3 شهور لو حطيتو ع الجهاز بتلاقيه بيفقد قوته ( دا لو افترضنا ان الرقم الاولانى صحيح اساسا)
فاضل سعر قطع الغيار ومتهيألى مع الزياده دى الكل بدأ يتساوى
فاضل سعر اعادة البيع
واخيرا المقارنه والاختيار متروك لحضراتكو

استاذنك ممكن نضيف عليهم الاسترا سيدان 2013

**mhf_77** · 07-04-2013 03:31 PM

المشاركة الأصلية كتبت بواسطة essam wahby

استاذنك ممكن نضيف عليهم الاسترا سيدان 2013

طبعا نضيف الاسترا الالمانى ونضيف النيسان التيدا اليابانى والهوندا السيتى اليابانى والثنائى اليابانى بالشكل القديم البوما والكورولا
احنا كده بنتكلم فى اكتر من 13 عربيات
انت بتتكلم فى 160 الف يعنى تجيب عربيتين فيرنا تبدل بيهم كل واحده يوم ويتبقى كمان فلوس من 160 هههههههههههه

**Mo7eb1** · 10-04-2013 02:34 PM

يا ساده البولو الألمانى ب 155 ألف جنيه.... ليه ادفع 160 ألف فى الريو الخليجى!!!

الأبيزا محبتهاش علشان مستريحتش فى قعدتها و الفيستا تحفه بس الخوف من سعر بيعها.

انا شايف ان البولو أختيار قوى جدا , ومبقتش تفرق فى أسعار قطع الغيار

**yasserelsayad** · 10-04-2013 06:50 PM

المشاركة الأصلية كتبت بواسطة mo7eb1

يا ساده البولو الألمانى ب 155 ألف جنيه.... ليه ادفع 160 ألف فى الريو الخليجى!!!

الأبيزا محبتهاش علشان مستريحتش فى قعدتها و الفيستا تحفه بس الخوف من سعر بيعها.

انا شايف ان البولو أختيار قوى جدا , ومبقتش تفرق فى أسعار قطع الغيار

البولو ام موتور 85 حصان وفتيس dsg
وبعدين اصغر من الريو كمان واوبشنز اقل