الموضوع: ما هي معلوماتكم عن موقع linkedin إذا تكرمتم

المشاركة الأصلية كتبت بواسطة nadernabil

linkedin في رأيي المتواضع أفضل وسيلة حالياً للباحثين عن عمل...و حتى لو مش في دماغك تغيير شغلك في الوقت الحالي... كون انك مهتم بتظبيط البروفايل و إضافة ناس جديدة...هايفتح قدامك سكك بشكل غريب

البروفايل القوي على الموقع ده ممكن يجبلك فرص مكنتش أصلاً تحلم بيها...قوة البروفايل بتعتمد على تفاصيل شغلك الحالي و السابق...الدراسة و الدورات التدريبية...المشاريع اللي إشتركت فيها...و أخيراً وليس أخراً الrecommendations...أو بإختصار اللي الناس بتكتبه عنك لما كنت شغال الشغلانة الفلانية في المكان الفلاني...و دي في رأيي المفتاح للي بيدور على واحد يشتغل شغلانة معينة...لما يلاقي ناس كاتبة كلام إيجابي بتعزز أكتر قراره انه يبعتلك علشان مقابلة او في بعض الأحيان بيبعت عرض التوظيف علطول!

الموقع ده أصبح أداه ممتازة للشركات انها تشوف الشخص اللي هايعينوه عامل إيه في حياته العملية خارج بقى الcv و الإنترفيو ...اللي في كثير من الأحيان بيكونوا مضللين و غير عاكسين للمستوى الحقيقي للشخص

اهتموا بالlinkedin....جداً!

كلام حضرتك مظبوط
وانا فعلا جالى فرصتين عمل منه