يا جماعة انا صاحب موضوع سحب مقدمات الحجز من كيا.... بعتذر ليكم انا استلمت العربية

اولا عنوان الموضوع شارح نفسة
انا بيج بيج صاحب موضوع سحب مقدمات الحجز من كيا انا حابب اقول النهارده اني بعتزر جدا ليكم علي اني مئدرتش اسحب الحجز بتاعي خصوصا اني المدادم محتاجة عربية جدا لظروف معينة صعب شرحها ولكن ده مش معناه اني مقتنع بان العربية تستاهل السعر بس بصراحة مقارنه بباقيالاسعار والامكانيات هية تكسب انا بعتذر بشده للناس كلها والاعتراف بالحق فضيلة ومن اخطئ فعلية بالاعتذار تمام ارجوكم سامحوني نظرا لظروفي الشخصية النقطه التانية انا استلمتها الاحمد الله امبارح بعد عناء من الوكيل العربية لونها احمر اسف مرة تانية وياريت محدش يزعل مني



اه بالحئ عشان الامانة اكتر العربية هتزيد الاسبوع ده ممكن يكون بكرة من 10000 الي 15000 يعني هتكون بحوالي 16 165الف ج والله اعلم :praying::praying::praying::praying::praying::pray ing::praying::praying:

يا كبير ربنا يديك خيرها ويكفيك شرها وصفقة رابحة ان شاء الله :bravo:

لا طالما المدام يبقى حاجة خارجة عن الاراده انا عارف كويس انما لو كنت انت كان زمانا بنجري وراك بعربياتنا ههههههههههههههههههه

الا قول لي هي ايه العربية اللي حاجزها ؟ ومبرووووووووووووووووووووو ووووك مقدماً ومنقدرش ياعم على زعل المدام :fun_36_3_4[1]:

اقتباس:

---

المشاركة الأصلية كتبت بواسطة khaabas

يا كبير ربنا يديك خيرها ويكفيك شرها وصفقة رابحة ان شاء الله :bravo:

---

165000 ليييييييييييييييييه

مش قصدك على الهاى لاين ؟؟

دى لسه زايده 10000 من اسبوعين


واحنا الى كنا بنقول على توكيل كيا محترم :hugging:

كل شئ وارد فى البلد دى.. ربنا يرحمنا من الجشع دة

اقتباس:

---

المشاركة الأصلية كتبت بواسطة hossam_elwani

165000 ليييييييييييييييييه

مش قصدك على الهاى لاين ؟؟

دى لسه زايده 10000 من اسبوعين


واحنا الى كنا بنقول على توكيل كيا محترم :hugging:

---

اقولك ليه لو صحيت الصبح ولقيت العربية زادت 10.000 كمان تبقى صفقة رابحة وله لا
ولو تلاحظ حاجة تانية ان الزيادات الرهيبة دى مبتحصلش اللى فى العربيات الكورى بس لانها العربيات المطلوبة و:dirol:سيبك من هجص الاوربى والكلام ده

اقتباس:

---

المشاركة الأصلية كتبت بواسطة khaabas

اقولك ليه لو صحيت الصبح ولقيت العربية زادت 10.000 كمان تبقى صفقة رابحة وله لا
ولو تلاحظ حاجة تانية ان الزيادات الرهيبة دى مبتحصلش اللى فى العربيات الكورى بس لانها العربيات المطلوبة و:dirol:سيبك من هجص الاوربى والكلام ده

---

مع احترامى لرأى حضرتك بس العربيات الكورى لا ترتقى أبداً لمجرد المقارنة مع العربيات الأوروبية ، بس أنا طبعاً متفق معاك تماماً فى ان العربيات الكورى مطلوبة فى مصر أكتر لعدة اعتبارات أهمها عقلية المستهلك المصرى اللى طبعاً مرتبطة بتجار قطع الغيار و قدرة الميكانيكية المحدودة على التعامل مع السيارات الأوروبية لأنها الأعلى تكنولوجياً ، أنا عايز أقولك ان أسعار الكورى بالشكل دا هنا بس ، أنا كنت لسة قارى مقال فى أخبار السيارات من أسبوعين تقريباً كان بيتكلم عن أد ايه صناع السيارات الأوروبية بيعانوا بسبب السيارات الهيونداى بالذات بسبب رخص ثمنها الملحوظ بالنسبة للسيارات الأوروبية و اقبال الأوروبيين عليها عشان ركوبة رخيصة مع معدلات أمان حلوة بس على حساب التكنولوجيا و عمر الموتور ، و كانوا عايزين الحكومات بتاعتهم ترفع الرسوم على دخول العربيات الأسيوية للسوق الأوروبى عشان يفقدوا السيارات الكورية الميزة الوحيدة اللى تخلى المستهلك الأوروبى يفضلها على انتاج بلده

اقتباس:

---

المشاركة الأصلية كتبت بواسطة hamaka

مع احترامى لرأى حضرتك بس العربيات الكورى لا ترتقى أبداً لمجرد المقارنة مع العربيات الأوروبية ، بس أنا طبعاً متفق معاك تماماً فى ان العربيات الكورى مطلوبة فى مصر أكتر لعدة اعتبارات أهمها عقلية المستهلك المصرى اللى طبعاً مرتبطة بتجار قطع الغيار و قدرة الميكانيكية المحدودة على التعامل مع السيارات الأوروبية لأنها الأعلى تكنولوجياً ، أنا عايز أقولك ان أسعار الكورى بالشكل دا هنا بس ، أنا كنت لسة قارى مقال فى أخبار السيارات من أسبوعين تقريباً كان بيتكلم عن أد ايه صناع السيارات الأوروبية بيعانوا بسبب السيارات الهيونداى بالذات بسبب رخص ثمنها الملحوظ بالنسبة للسيارات الأوروبية و اقبال الأوروبيين عليها عشان ركوبة رخيصة مع معدلات أمان حلوة بس على حساب التكنولوجيا و عمر الموتور ، و كانوا عايزين الحكومات بتاعتهم ترفع الرسوم على دخول العربيات الأسيوية للسوق الأوروبى عشان يفقدوا السيارات الكورية الميزة الوحيدة اللى تخلى المستهلك الأوروبى يفضلها على انتاج بلده

---

لأ بقى اسمحلي يا فندم دا بيسموه قصر ديل

هو انت هتعوز ايه تاني عربية كماليات ووسائل امان وسعر كويس واعادة بيع ممتاز وثبات على الارض ممتاز جداً على سعرها فعلشان كده العربية ممتازه من كل ناحية اللي بيقول غير كده ده بيكون نايم ان شاء الله

معلش
المهم مبروك علي العربية

مبروك علي العربية

مبروك على السياره و ربنا يديك خيرها و يكفيك شرها

اقتباس:

---

المشاركة الأصلية كتبت بواسطة 2CODE

لأ بقى اسمحلي يا فندم دا بيسموه قصر ديل

هو انت هتعوز ايه تاني عربية كماليات ووسائل امان وسعر كويس واعادة بيع ممتاز وثبات على الارض ممتاز جداً على سعرها فعلشان كده العربية ممتازه من كل ناحية اللي بيقول غير كده ده بيكون نايم ان شاء الله

---

متشكرين يا سيدى على ذوقك ، أولاً أنا ماليش ديل عشان يبقى قصير أنا كان معايا نيو أكسنت قبل كده ، الحمد لله معانديش عقدة يعنى ، ثانياً أنا مش نايم ولا حاجة أنا قبل ما أبيع الحاجة أو أشتريها بادرسها كويس قوى ، ثالثاً دى اراء ممكن نختلف فيها أو نتفق من غير اهانة و لا تلقيح كلام عشان دى حاجة مفيش أسهل منها ، نيجى بقى لكلامك العربيات الكورى ككماليات أنا معاك ، وسائل أمان: فى الكورى بيعتبروها رفاهية و بيحطوها للى يدفع والفئات الاولى مافيهاش حتى اير باج للسواق فى حين ان العربيات الاوروبية فى أقل فئة وفى أقل شريحة سعرية برضه بتلاقى أهم حاجة عندهم الامان (اللوجان المانيوال أبسط مثال ، سعر كويس و اير باج للسائق و دا أضعف الايمان) ، سعر كويس: مش معاك خالص و مش محتاج أشرح النقطة دى أصلاً ، اعادة بيع: معاك طبعاً و أنا شخصياً استفدت من كدة و أنا ببيع ، ثبات: جيد جداً و ليس ممتاز جداً (العربية كانت معايا متنساش و كانت عاملة 61000 كيلو و بحالتها) و لا يقارن بالاوروبى و لو قولت بس كلمة "جولف" هى تشرح فى موضوع الثبات دا ، فى المجمل العربيات الكورى عربيات محترمة مافيش كلام ، انما مغالى فى سعرها لأننا أصلاً بنجيب العربيات غالية بزيادة على قيمتها ، انما توصل انها تبقى فى سعر الاوروبى لأ و تعديه كمان و تعدى اليابانى (سعراً وشكلاً و ليس جودة) يبقى كدة السوق عندنا ليه معايير خاصة مالهاش علاقة بالجودة ، أنا ماتكيفتش من الهيونداى اللى كانت معايا غير و أنا ببيعها (تخيل بقى لما أكبر ميزة فى العربية متاخدهاش غير و انت بتبيعها) ، و فى النهاية متشكر لرد سيادتك الدال على الذوق الرفيع ، هى فى النهاية اراء و كل واحد شايف حاجة من وجهة نظر....
و دا موضوع هدية من عندى للى بيقول قطع غيار الكورى فى التوكيل أرخص من الاوروبى أو للى بيشكر فى توكيل هيونداى اللى كان من أكبر أسباب بيعى للعربية و رفضى انى أجيب مازدا 3 رغم انى بعشقها:
http://www.nilemotors.net/Nile/345362-rb.html

اقتباس:

---

المشاركة الأصلية كتبت بواسطة hamaka

و دا موضوع هدية من عندى للى بيقول قطع غيار الكورى فى التوكيل أرخص من الاوروبى أو للى بيشكر فى توكيل هيونداى اللى كان من أكبر أسباب بيعى للعربية و رفضى انى أجيب مازدا 3 رغم انى بعشقها:
http://www.nilemotors.net/nile/345362-rb.html

---

يا سعادة الباشا اسعار التوكيل طبعا مبالغ فيها بره التوكيل حاجة تانية خالص
ولى ملحوظة احنا للاسف بنقارن الاوربى بالكورى اللى بينزل فى مصر
لا قارنه باللى بينزل فى اوربا بتكنولوجيا اعلى من مثيلاتها من السيارات الاخرى
خلى بالك هيونداى أو كيا بتنزل على حسب مستوى كل سوق وده الذكاء فى حد ذاته انا منزلش عربية بتكنولوجيا معقدة ومحدش يعرف يصلحها زى مشاكل الجيتا والاسكودا فى الفتيس بتاعهم موش لان العربيات دى وحشة لا لانها لا تتناسب مع الاجواء المصرية بالاضافة الى العمالة الضعيفة فنيا اللى مبتقدرش تصلح

اقتباس:

---

المشاركة الأصلية كتبت بواسطة khaabas

يا سعادة الباشا اسعار التوكيل طبعا مبالغ فيها بره التوكيل حاجة تانية خالص
ولى ملحوظة احنا للاسف بنقارن الاوربى بالكورى اللى بينزل فى مصر
لا قارنه باللى بينزل فى اوربا بتكنولوجيا اعلى من مثيلاتها من السيارات الاخرى
خلى بالك هيونداى أو كيا بتنزل على حسب مستوى كل سوق وده الذكاء فى حد ذاته انا منزلش عربية بتكنولوجيا معقدة ومحدش يعرف يصلحها زى مشاكل الجيتا والاسكودا فى الفتيس بتاعهم موش لان العربيات دى وحشة لا لانها لا تتناسب مع الاجواء المصرية بالاضافة الى العمالة الضعيفة فنيا اللى مبتقدرش تصلح

---

دا كلام مظبوط طبعاً ، بس خد بالك مش الشركات المنتجة هى اللى بتعمل كدة ، دا الوكيل بتاعهم فى مصر ، بيشيل حاجات و بيحط البدائل أو مش بيركب الحاجات لو العربية بتتجمع فى مصر و كل دا عشان يزود ربحه ، يعنى مثلاً هيونداى محققة مبيعات كويسة جداً فى أوروبا مش عشان بيحترموا المستهلك الاوروبى أكتر من العربى طب مانتا عندك الخليج بينزل فيه حاجات الأوروبيين ميقدروش عليها و مع ذلك عندهم توكيلات زبالة و كان ليهم فضيحة غش نشرها واحد و صورها على اليوتيوب ، اللى عايز أوصله ان فعلاً كلامك مظبوط من ناحية الفرق بين الكورى اللى هنا و الكورى اللى فى أوروبا ، استحالة حد فى أوروبا يجيب الفئة اللى غبور باشا بيشيل منها الايه بى اي و الاير باج و المستهلك المصرى الغلبان بيضطر انه يشتريها عشان مناسبة لامكانياته قبل الشراء و هيقدر يوديها للميكانيكى أو الكهربائى القريب ليه هيعرف يتعامل معاها و له الله بقا لو لا قدر الله حصل حادث ولا حاجة و مفيش اير باج واحدة حتى تحميه من الدركسيون اللى راسة ممكن تدش فيه و العياذ بالله (ربنا يستر طريقكم جميعاً)

اقتباس:

---

المشاركة الأصلية كتبت بواسطة hossam_elwani

165000 ليييييييييييييييييه

مش قصدك على الهاى لاين ؟؟

دى لسه زايده 10000 من اسبوعين


واحنا الى كنا بنقول على توكيل كيا محترم :hugging:

---

ملحوظة بس انا استلمت علي 147000 ال 160000 ده ال هتزيده علي حسب كلام التوكيل والموزعيين

اقتباس:

---

المشاركة الأصلية كتبت بواسطة hamaka

متشكرين يا سيدى على ذوقك ، أولاً أنا ماليش ديل عشان يبقى قصير أنا كان معايا نيو أكسنت قبل كده ، الحمد لله معانديش عقدة يعنى ، ثانياً أنا مش نايم ولا حاجة أنا قبل ما أبيع الحاجة أو أشتريها بادرسها كويس قوى ، ثالثاً دى اراء ممكن نختلف فيها أو نتفق من غير اهانة و لا تلقيح كلام عشان دى حاجة مفيش أسهل منها ، نيجى بقى لكلامك العربيات الكورى ككماليات أنا معاك ، وسائل أمان: فى الكورى بيعتبروها رفاهية و بيحطوها للى يدفع والفئات الاولى مافيهاش حتى اير باج للسواق فى حين ان العربيات الاوروبية فى أقل فئة وفى أقل شريحة سعرية برضه بتلاقى أهم حاجة عندهم الامان (اللوجان المانيوال أبسط مثال ، سعر كويس و اير باج للسائق و دا أضعف الايمان) ، سعر كويس: مش معاك خالص و مش محتاج أشرح النقطة دى أصلاً ، اعادة بيع: معاك طبعاً و أنا شخصياً استفدت من كدة و أنا ببيع ، ثبات: جيد جداً و ليس ممتاز جداً (العربية كانت معايا متنساش و كانت عاملة 61000 كيلو و بحالتها) و لا يقارن بالاوروبى و لو قولت بس كلمة "جولف" هى تشرح فى موضوع الثبات دا ، فى المجمل العربيات الكورى عربيات محترمة مافيش كلام ، انما مغالى فى سعرها لأننا أصلاً بنجيب العربيات غالية بزيادة على قيمتها ، انما توصل انها تبقى فى سعر الاوروبى لأ و تعديه كمان و تعدى اليابانى (سعراً وشكلاً و ليس جودة) يبقى كدة السوق عندنا ليه معايير خاصة مالهاش علاقة بالجودة ، أنا ماتكيفتش من الهيونداى اللى كانت معايا غير و أنا ببيعها (تخيل بقى لما أكبر ميزة فى العربية متاخدهاش غير و انت بتبيعها) ، و فى النهاية متشكر لرد سيادتك الدال على الذوق الرفيع ، هى فى النهاية اراء و كل واحد شايف حاجة من وجهة نظر....
و دا موضوع هدية من عندى للى بيقول قطع غيار الكورى فى التوكيل أرخص من الاوروبى أو للى بيشكر فى توكيل هيونداى اللى كان من أكبر أسباب بيعى للعربية و رفضى انى أجيب مازدا 3 رغم انى بعشقها:
http://www.nilemotors.net/nile/345362-rb.html

---

وانا مالي بتوكيل غبور اللي الكل بيشتم فيه انا بتكلم عن توكيل كيا اللي بيعد من افضل توكيلات وخدمات صيانة في مصر وراجع قسم كيا وشوف اراء الناس في الوكيل الخاص بكيا

انا سمعت على اي حال ان غبور خلصت الوكالة بتاعته وباين هيجيبوا حد مكانه

ههههههههههههههههههههههههه

165 الف يعنى بقت بثمن الـ New C4

و الله العظيم لولا انى بحترم المنتدى و الاعضاء كنت قلت كلام كتير اوى

بس و الله العيب على اللى يروح يجيب Rio و قدامه c4 بنفس الثمن .. و احنا اللى مكانش عاجبنا ان سعر العربية الكورى بقى بثمن نفس الفئة فى الاوروبى .. بقت الفئة الاقل فى الكورى بثمن الفئة الاعلى فى الاوروبى ..

انا عايز بس حد من المدافعين عن الكورى يروح يركب الريو و يركب الـ c4 الجديدة كده و يشوف الفرق الرهييييييييييييييييييييب بين الاثنين و للعلم بس انا مش كاره للكورى و لو حد بيشارك هنا من زمان هيعرف انى كتير اوى كنت بدافع عن الكورى بس لما الاقى ناس بتقول الـ RIO بثمن الـ C4 و صفقة رابحة بصراحة مقدرش امسك نفسى

و الف مبروك لحضرتك على العربية كل واحد بيجيب العربية اللى على مزاجه و تريحه

اقتباس:

---

المشاركة الأصلية كتبت بواسطة 2CODE

لأ بقى اسمحلي يا فندم دا بيسموه قصر ديل

:U_thin1[1]:

هو انت هتعوز ايه تاني عربية كماليات اللي هي ايه يعني غير شوية شبابيك كهربة وتكييف وسنتر وباور وكاست سديهات وبكرة تعلي الصوت وتوطيه من الدريكسيون وتسموه مالتي فانكشن !! وفتحة سقف بتهنج بعد فترة !!؟ ووسائل امان اللي هما مين بالظبط غير الـ 2 ايرباج والـ abs اللي موجود في الصيني والهندي !! وسعر كويس طبيعي لأنها كوري !! واعادة بيع ممتاز طبيعي لأن دي ثقافة شعبك..زي اللي يقولك أنا عاوز أشتري مرسيدس زلمكة .. تقوله اشتري c200 kompressor يقولك لا عم ماركبش غير أبو نجمة !!! وثبات على الارض ممتاز جداً لا يا راجل !! على سعرها فعلشان كده العربية ممتازه من كل ناحية اللي بيقول غير كده ده بيكون نايم ان شاء الله حضرتك متأكد إنك صاحي !!

---

أما بالنسبة للي أنا وغيري عايزه في العربية...

lane assistant
front assistant
crew assistant
brake collision assistant

وكفاية دول بلاش الباقي...لما القيا أو الهونضاي يوصلهم فقط الفكر في الحاجات دي..ابقي تعالي ناقشني وقولي ديل وودن ومناخير !!
مش كفاية الإشتغالات اللي بيعملوها في الناس وبياخدوهم علي أد عقلهم .. يحوطلهم بدالين زائد وناقص ورا الدريكسيون ويقوله دول بقي عشان تبدل من الدريكسيون والعربية تطير معاك !! علي أساس إن أصلاً ستيبترونيك الفتيس ده ستيبترونيك بجد ومؤثر !!

- أسلوبك الغير لائق دفعني للرد عليك بهذا الأسلوب اللائق علي أسلوبك !

علي فكرة..في العيلة عندنا 3 عربيات قيا راكبهم شباب صغير في العشرينات..معنديش عقدة أنا كمان يعني ولا حاجة :vctry:

اقتباس:

---

المشاركة الأصلية كتبت بواسطة inspiron

أما بالنسبة للي أنا وغيري عايزه في العربية...

Lane assistant
front assistant
crew assistant
brake collision assistant

وكفاية دول بلاش الباقي...لما القيا أو الهونضاي يوصلهم فقط الفكر في الحاجات دي..ابقي تعالي ناقشني وقولي ديل وودن ومناخير !!
مش كفاية الإشتغالات اللي بيعملوها في الناس وبياخدوهم علي أد عقلهم .. يحوطلهم بدالين زائد وناقص ورا الدريكسيون ويقوله دول بقي عشان تبدل من الدريكسيون والعربية تطير معاك !! علي أساس إن أصلاً ستيبترونيك الفتيس ده ستيبترونيك بجد ومؤثر !!

- أسلوبك الغير لائق دفعني للرد عليك بهذا الأسلوب اللائق علي أسلوبك !

علي فكرة..في العيلة عندنا 3 عربيات قيا راكبهم شباب صغير في العشرينات..معنديش عقدة أنا كمان يعني ولا حاجة :vctry:

---

ههههههههههههههههههههههههه ههههههه
بصراحة يا باشا "شابو" للمشاركة دى ، أنا بقالى 3 ساعات بضحك على الحتة بتاعة "أبو نجمة دى" :d

الف مبرووووووووووووووووووووك

اقتباس:

---

المشاركة الأصلية كتبت بواسطة hamaka

ههههههههههههههههههههههههه ههههههه
بصراحة يا باشا "شابو" للمشاركة دى ، أنا بقالى 3 ساعات بضحك على الحتة بتاعة "أبو نجمة دى" :d

---

ههههههههههههههه..والله يا باشا هو ده اللي بيحصل..مستوي الإدراك عندنا يختلف عن الآخرين :ma:

أنا حقيقي مش قادر أفهم احنا ليه مبنعرفش نعبر عن رأينا الا بالغلط فى الناس , ممكن جداً نشرح وجه نظرنا ببساطه وبشكل كويس من غير تريقه او اهانه للطرف التاني , الموضوع ده فعلاً لازم يتغير فينا عشان يتغير حالنا, انا ملاحظ ان الموضوع ده بقي ثقافه عامه مش فاهم ليه ؟؟
ربنا تبارك وتعـالى في سـورة الرعـد قال : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

اقتباس:

---

المشاركة الأصلية كتبت بواسطة inspiron

أما بالنسبة للي أنا وغيري عايزه في العربية...

Lane assistant
front assistant
crew assistant
brake collision assistant

وكفاية دول بلاش الباقي...لما القيا أو الهونضاي يوصلهم فقط الفكر في الحاجات دي..ابقي تعالي ناقشني وقولي ديل وودن ومناخير !!
مش كفاية الإشتغالات اللي بيعملوها في الناس وبياخدوهم علي أد عقلهم .. يحوطلهم بدالين زائد وناقص ورا الدريكسيون ويقوله دول بقي عشان تبدل من الدريكسيون والعربية تطير معاك !! علي أساس إن أصلاً ستيبترونيك الفتيس ده ستيبترونيك بجد ومؤثر !!

- أسلوبك الغير لائق دفعني للرد عليك بهذا الأسلوب اللائق علي أسلوبك !

علي فكرة..في العيلة عندنا 3 عربيات قيا راكبهم شباب صغير في العشرينات..معنديش عقدة أنا كمان يعني ولا حاجة :vctry:

---

معلش سؤال بس هى الحاجات دى موجودة فى اﻷوكتافيا أصلها مش عندى ( هو التوكيل باعلى عربية مضروبة ) هه هه هه هه
و يا جماعه خفو شوية بلاش تهكم على بعض و علموم كل العربيات حلوة و مفيش حد أهبل الزمن دة كل واحد بيجيب العربية وفقا لإحتياجاته و لولا إختلاف اﻷراء لبارت السلع و كل عربية لازم يكون فيها عيب و مفيش عربية هتعجب الناس كلها و كل واحد بيشوف إن عربيته أحسن عربية فى فئتها و علشان كدة بيجبها

اقتباس:

---

المشاركة الأصلية كتبت بواسطة sherif shaheen

معلش سؤال بس هى الحاجات دى موجودة فى اﻷوكتافيا أصلها مش عندى ( هو التوكيل باعلى عربية مضروبة ) هه هه هه هه
و يا جماعه خفو شوية بلاش تهكم على بعض و علموم كل العربيات حلوة و مفيش حد أهبل الزمن دة كل واحد بيجيب العربية وفقا لإحتياجاته و لولا إختلاف اﻷراء لبارت السلع و كل عربية لازم يكون فيها عيب و مفيش عربية هتعجب الناس كلها و كل واحد بيشوف إن عربيته أحسن عربية فى فئتها و علشان كدة بيجبها

---

فى فئتها مش فى الفئة اللى فوقيها

لما الـ rio تخبط فى الـ European C-Segment Hatchbacks يبقى عيب

لما الـ cerato تخبط فى الـ c5 يبقى عيب

يعنى كل فئات كيا ماشاء الله جابت الفئة الاعلى منها و فى ماركات اوروبية ، سرقة علنى ديه ولا لا ؟

اقتباس:

---

المشاركة الأصلية كتبت بواسطة Mohab.Nabil

فى فئتها مش فى الفئة اللى فوقيها

لما الـ rio تخبط فى الـ European C-Segment Hatchbacks يبقى عيب

لما الـ cerato تخبط فى الـ c5 يبقى عيب

يعنى كل فئات كيا ماشاء الله جابت الفئة الاعلى منها و فى ماركات اوروبية ، سرقة علنى ديه ولا لا ؟

---

كلامك كويس بس ليه تحفظ عليه أنا معايا أوكتفيا و بسبب ظروف شغلى إنى بسافر كتير بالعربية قررت أجيب عربية تانية علشان أبدل بينهم فى السفر و سألت هنا فى المنتدى على السيراتو لقيت الجميع معترض على العربية بسبب السعر و طبعا محدش يعرف إمكنيتها علشان محدش ركبها و قالو ليا على بدايل كتير منها c 5 بس بردوا قررت إنى أجيب السيراتو
أنا عارف أن c5 أثبت و تكنولجى أعلى و عفشة أحسن معرفش ماتورها عامل أة أما قصة فرنساوى و كورى متفرقش معاياالمهم عندى إمكانيات العربية ﻷن دى شركات عالمية و لازم اﻷمكانيات إلى فى العربية تكون موجودة ﻷنه مبيصنعش عربية علشان مصر ده بيغزوا بيها العالم و بتخضع ﻹختبارات عالمية
بس أنا كان عندى زمان سيتروين إكسارا 2 كانت عربية جميلة و طبعا كلن فيها عيوب زى أى عربية و كنت ببيعها علشان أجيب c 4 بس و أنا ببيعها أتزلت فى بيعها ما بين سوق السيارات و التجار
و كل واحد يدخل يتفرج و يتريق شوية و يقولى سعر يفور الدم و يقولى أصلك مش هتعرف تبعها إلا بالسعر دة و أنا أولى و أنت عارف التجار و كلامهم إلى يحرق الدم و من ساعتها إختافت إتجهاتى و مرديتش أجيب c4
و أنا بصراحة مكنتش عاوز أكرر التجربة دى و علشان كدة جبت السيراتو ر غم أنى عارف إن c 5 عربية جميلة بس دة نظام السوق المصرى

اقتباس:

---

المشاركة الأصلية كتبت بواسطة sherif shaheen

معلش سؤال بس هى الحاجات دى موجودة فى اﻷوكتافيا أصلها مش عندى ( هو التوكيل باعلى عربية مضروبة ) هه هه هه هه
و يا جماعه خفو شوية بلاش تهكم على بعض و علموم كل العربيات حلوة و مفيش حد أهبل الزمن دة كل واحد بيجيب العربية وفقا لإحتياجاته و لولا إختلاف اﻷراء لبارت السلع و كل عربية لازم يكون فيها عيب و مفيش عربية هتعجب الناس كلها و كل واحد بيشوف إن عربيته أحسن عربية فى فئتها و علشان كدة بيجبها

---

لا يا باشا مش مضروبة متخافش..الحاجات دي في الـ 2013 الجيل الثالث
وطبعاً أنا معاك في باقي كلامك..وأي حد لو معاه حتي سيات زيستافا..بيبقي تعبان في فلوسها وجايبها بعد شقا..وأكيد هي نعمة من ربنا عليه ومريحاه.لكن مش معني كده..إن الناس يتضحك عليها بعربيات مينفعش توصل للفئة السعرية دي..وفعلاً ده إسمه سرقة !

اقتباس:

---

المشاركة الأصلية كتبت بواسطة mohab.nabil

فى فئتها مش فى الفئة اللى فوقيها

لما الـ rio تخبط فى الـ european c-segment hatchbacks يبقى عيب

لما الـ cerato تخبط فى الـ c5 يبقى عيب

يعنى كل فئات كيا ماشاء الله جابت الفئة الاعلى منها و فى ماركات اوروبية ، سرقة علنى ديه ولا لا ؟

---

+1111111111111111111111111

اقتباس:

---

المشاركة الأصلية كتبت بواسطة sherif shaheen

كلامك كويس بس ليه تحفظ عليه أنا معايا أوكتفيا و بسبب ظروف شغلى إنى بسافر كتير بالعربية قررت أجيب عربية تانية علشان أبدل بينهم فى السفر و سألت هنا فى المنتدى على السيراتو لقيت الجميع معترض على العربية بسبب السعر و طبعا محدش يعرف إمكنيتها علشان محدش ركبها و قالو ليا على بدايل كتير منها c 5 بس بردوا قررت إنى أجيب السيراتو
أنا عارف أن c5 أثبت و تكنولجى أعلى و عفشة أحسن معرفش ماتورها عامل أة أما قصة فرنساوى و كورى متفرقش معاياالمهم عندى إمكانيات العربية ﻷن دى شركات عالمية و لازم اﻷمكانيات إلى فى العربية تكون موجودة ﻷنه مبيصنعش عربية علشان مصر ده بيغزوا بيها العالم و بتخضع ﻹختبارات عالمية
بس أنا كان عندى زمان سيتروين إكسارا 2 كانت عربية جميلة و طبعا كلن فيها عيوب زى أى عربية و كنت ببيعها علشان أجيب c 4 بس و أنا ببيعها أتزلت فى بيعها ما بين سوق السيارات و التجار
و كل واحد يدخل يتفرج و يتريق شوية و يقولى سعر يفور الدم و يقولى أصلك مش هتعرف تبعها إلا بالسعر دة و أنا أولى و أنت عارف التجار و كلامهم إلى يحرق الدم و من ساعتها إختافت إتجهاتى و مرديتش أجيب c4
و أنا بصراحة مكنتش عاوز أكرر التجربة دى و علشان كدة جبت السيراتو ر غم أنى عارف إن c 5 عربية جميلة بس دة نظام السوق المصرى

---

تخيل يا باشا و الله انا مخدتش بالى خالص ان حضرتك معاك new cerato و الرد جيه صدفة و اسف لو حضرتك حسيت ان كلامى موجه هجوم ليك بس و الله انا مشفتش ان حضرتك جبت السيراتو خالص .. اكيد موضوع اعادة البيع ده مشكلة فى الفرنساوى و مش هقدر اقولك لا بس الفكرة كلها اللى بتكلم فيها ان احنا مش مختلفين ان الـ c5 فئة تانية غير السيراتو يعنى لو قلنا مثلا ان السيراتو تمنها برة x طبيعى جدا ان c5 تمنها يبقى اغلى لأنها عربية اعلى كتكنولوجيا و تقفيل .. لما الوكيل هنا بقى يستغل موضوع ان الناس فى مصر بتحب الكورى و ان سوقها ماشى و يقوم ضارب مكسب اضعاف يبقى فعلا بيسرق و الضحية فى الاخر هو اللى بيشترى اللى بيبقى بين نارين انه يشترى عربية تمنها مش فيها من الاصل عشان يعرف يبيعها بعد كده او انه يشترى عربية تمنها معقول بس ميعرفش يبيعها بعد كده

اقتباس:

---

المشاركة الأصلية كتبت بواسطة inspiron

لا يا باشا مش مضروبة متخافش..الحاجات دي في الـ 2013 الجيل الثالث
وطبعاً أنا معاك في باقي كلامك..وأي حد لو معاه حتي سيات زيستافا..بيبقي تعبان في فلوسها وجايبها بعد شقا..وأكيد هي نعمة من ربنا عليه ومريحاه.لكن مش معني كده..إن الناس يتضحك عليها بعربيات مينفعش توصل للفئة السعرية دي..وفعلاً ده إسمه سرقة !


+1111111111111111111111111

---

كل واحد دماغه مريحاه و زى ما أنت شايف إنها سرقة غير شايف إنها كويسه و بعدسنتين تلاتة هيبعها و هتجبله سعر كويس يعرف يعلى بالعربية بعدها لغايت ما يوصل بي إم أو مرسيدس و أحسنله ما يجيب نوع تانى أفضل حاليا بس هيبعها بعد كده و يخسر جامد فيلاقى نفسه عاوز يدفع فلوس كتير علشان يعلى بالعربية
و الدليل على كدة اﻷلنترا شوف إعادة بيعها عامل إزاى و هى تعتبر من نفس فئة السيراتو هو ده نظام السوق المصرى فى حين تلاقى أودى و فولفو و هى عربيات عالمية جامدة جدا بس ملهاش سوق فى مصر
كل واحد عارف هو عايز أه من العربية

اقتباس:

---

المشاركة الأصلية كتبت بواسطة mohab.nabil

تخيل يا باشا و الله انا مخدتش بالى خالص ان حضرتك معاك new cerato و الرد جيه صدفة و اسف لو حضرتك حسيت ان كلامى موجه هجوم ليك بس و الله انا مشفتش ان حضرتك جبت السيراتو خالص .. اكيد موضوع اعادة البيع ده مشكلة فى الفرنساوى و مش هقدر اقولك لا بس الفكرة كلها اللى بتكلم فيها ان احنا مش مختلفين ان الـ c5 فئة تانية غير السيراتو يعنى لو قلنا مثلا ان السيراتو تمنها برة x طبيعى جدا ان c5 تمنها يبقى اغلى لأنها عربية اعلى كتكنولوجيا و تقفيل .. لما الوكيل هنا بقى يستغل موضوع ان الناس فى مصر بتحب الكورى و ان سوقها ماشى و يقوم ضارب مكسب اضعاف يبقى فعلا بيسرق و الضحية فى الاخر هو اللى بيشترى اللى بيبقى بين نارين انه يشترى عربية تمنها مش فيها من الاصل عشان يعرف يبيعها بعد كده او انه يشترى عربية تمنها معقول بس ميعرفش يبيعها بعد كده

---

يا باشا متشكر جدا لزوقك بس على فكرة أنا مكنتش زعلان و لا حاجه
و كلامك مظبوط أنا فعلا مقتنع بكلامك أن فعلا فى عربيات مظلومه فى مصر رغم كفائتها بس هذا ما وجدنا عليه أجدادنا

بس فى الهاية أنت مرتبط بالسوق ﻷنك لازم هتبيع العربية بعد كدة
فى واحد دماغه تخلى يضحى بالفلوس بس المهم أتمزج دلوقتى و واحد تانى يقولك أمسك فلوس و أنا ببيع علشان أعرف أعلى عربيتى بعد كده
و متشكر على زوقك بجد