-
لدى مشكلة فى القيادة
سلام عليكم
انا عندى مشكلة فى القيادة
اولا انا بسوق عربيات من عمر صغير من 11 سنه
ودلوقتى انا 19
متمكن جدا فى السواقة
ممكن اكون ماشى على سرعة عالية واعدى مابين عربيتين والمسافة تكون بظبط
بس عندى مشكلة
وانا ماشى على سرعة بطيئة فى المدينه يعنى ساعات مش باخد بالى وبخبط المراية اليمين
مش عارف دة عدم تركيز ولا اية
لكن عمرى ماخبطت االعربية
هو دايما بتكون المرايا اليمين
مالهاش اى حل الحكاية دى
وهى عادية ولا اية
-
في الاغلب انت بتسوق من غير ما تبص في المرايات الجانبيه و احتمال تكون المرايات خاصه اليمين محتاجه تتظبط كويس علشان تسهل لك الرؤيه لأي حاجه معديه جنبك. احسن حاجه تضبط بيها المرايه الجانبيه ان نصفها من الداخل يبقي جايب يادوب الرفرف و بقيه المرايه جايبالك بقيه الشارع و انك و انت سايق تبقي عينك علي المرايه اللي في النص و بعدين تلمح المرايات الجانبيه كل شويه علشان تشوف المسافه اللي بينك و بين العربيات اللي حواليك و كمان لو حد كان بيحاول يطلع من يمينك تبقي عينك عليه علشان تتفاداه لو كسر عليك و كذلك اللي جاي من شمالك. الموضوع بيبقي اسهل في الطرق السريعه لانك بتبقي بتجري براحتك و مفيش زحمه إنما في الزحمه هتلاقي ناس بتحدف عليك و لذلك بتحس اكتر بالمشكله اللي وارد جدا يكون سببها اللي حواليك و لذلك عن طريق النظر في المرايات الجانبيه هتبقي عندك الصوره كامله . نقطه كمان مهمه و نصيحه ما تعديش بين عربيتين من مكان علي قد العربيه بالضبط لانك مش ضامن اللي جنبك مركزين و لا لأ و كذلك مدي قوه أعصابهم فممكن ينزعجوا من الموضوع ده فتختل عجله القياده من أيدهم او قد يقتربوا منك اكتر فالمرايه تتخبط منك فيهم فحاول تسيب مسافه اضافيه بالعرض بينك و بين العربيات اللي حواليك للطوارئ و ما تزنقش نفسك بين العربيات و لا تتخطي من اليمين العربيات اللي ماشيه جنبك
-
والله ببص فى المرايات الجانبيه باستمرار بس ساعات بتيجى كدة
-
مش لواحدك انا لسة بتعلم برده بس مااشترتش لسه عربية بس المرايات الاتنين مجنني
-
عادى بتحصل احيانآ مع عدم التركيز
-
ممكن تكون بسبب انك واخد على ابعاد العربية بالظبط ومش واخد زيادة المراية في ابعاد العربية ..
فتلاقيك بتخبطها غصب عنك لانك متعود على ابعاد العربية بس ..
-
-
زود ابعاد العربية فى مخك شوية
يعنى اعمل حساب 20 سم مثلاًَ لكل مراية يعنى 40 سم
وكمان 40 زيهم للعربيتين اللى جنبك
يعنى لو هتمشي فى شارع ضيق وفيه عربية على يمينك وعربية على شمالك
لازم تاخد بالك ان عندك 4 مرايات لازم يتفادو بعض
مرايتين عندك ومراية اللى على يمينك ومراية اللى على شمالك
-
معالى الباشا
تعمل فى حسابك حجم مراياتك
ولما تمشى فى مكان ضيق وانت بتعدى عدى ببطئ و عينك على مراياتك ولو لزم الأمر اقفلها لو مش حتعديك وانت فاتح المرايه
-
الامر ممكن يحصل
وبيرجع انك فعلا مش عامل حسابك علي الابعاد بوجود المراية اليمين
الشمال جمبك فواخد بالك منها وابعاد العربية معروفة ليك فباقي ايه غير المراية اليمين
الي مش فالحسبان اعتقد
بس لو ركزت الموضوع محلول ان شاء الله
Content Relevant URLs by
vBSEO 3.6.0 PL2