محدش عايز يبيع مازدا 3 يا ولاد الحلال :)

**zell** · 03-04-2013 02:11 PM

السلام عليكم
الصراحة العربية خلاص خمرت في دماغي
و بدور على حاجة تكون كويسة و سعرها مايزدش عن 75000
لو حد يعرف طريق وحدة تكون كويسة ياريت يدلني و له الاجر و الثواب عند الله :)
و ياريت متكونش ماشية كتير علشان انا طريقي بعيد و همشي بيها كتير
http://www.nilemotors.net/Nile/images/smilies/help1.gif

**Kareemoov** · 13-04-2013 05:52 PM

بقولك ايه يابنى الناس ، نصيحة اخوية العربية جامدة وكل حاجة ومعايا بس انا ندمت على ام اليوم اللى جبت فيه العربية دى من قطع غيارها اللى مش موجودة ولو موجودة غالية جدا انا عامل حادثة بيها بعيد عنك وطلع مايتين اهلى بقالى شهر راكنها عند السمكرى مش عارف اشتريلها حاجة من كتر اللى بشوفه وبسمعو ولاسعار الفلكية، انا قلتلك اللى فيها وانتا حر

**dr_magedzidan** · 13-04-2013 10:25 PM

بلاش مازدا يا باشا هى عربية حلوة وناعمة وكل حاجة .. بس صيانتها مقرفة جداااا وقطع الغيار غالية والصنايعية اللى بيفهموا فيها مش كتير ( نصيحة اخوية بعد عذاب سنة مع المازدا ) ولعلمك عربيتى 2009 وفبريكة ومع ذلك لما تجى تعمل اى حاجة لازم يطلع عينك فيها ... وربنا يوفقك انشاء الله وتاخد القرار الصححح

**gb auto** · 13-04-2013 11:25 PM

يا جماعة العربية حلوة وقطع غيارها متوفرة وزيها فى السعر زى الهوندا واقل
ولو عايزين اى صيانة بجهازها الاصلى من الالف للياء اتصلو على الرقم ده
01016323580

**elekiaby** · 18-04-2013 07:58 PM

انضم لكل الرجاله اللى قالت ان العربيه مقرفه انا كان معايا مازدا 3 موديل 2008 اقسم بالله العظيم تلاته فشختنى فشخ اخر الشارع ومصاريفها كتير جدا وقطع غيار ناااااااااااااااااااااااا ار دة غير بلى العجل اللى كنت بغيره كل كام يوم لانها عربيه واطيه وبلدنا بنت حلال كبارى علوى مش مطبات
نصيحه ليك يابن الناس راجع نفسك وبلاش العربيه دى

**medokassem** · 19-04-2013 03:00 AM

جرا ايه يا جماعة الخير انتم شككتوني انكم بتتكلموا علي المازدا ٣ ؟؟؟؟؟
كريم باشا انا استنيت منك تاكد عليا بس انتا مش كلمتني علي العموم روح لاحمد جابر في الحرفيين وكلمني وانتا هناك وانا هخلي الناس تعمل معاك الصح في اسعار قطع الغيار بعيد عن جلب الصنايعية .
العربية واطية ده مش عيب فيها ده عيب في مطبات بلدكم علي كده بقي الجيتا والسيفك والبي ام والميني كوبر و ...... وحشين والانوس والفيرنا والادا هما الحلوين مع احترامي للعربيات دي ؟
ياباشا انا عربيتي ماشية ٢٥٢ الف وماشاء الله مغيرتش بلي عجل !!!
بس اقولك علي حاجة لو بترفع هاندات كتير بتجيب بلي عجل وخلفي بالذات وده مش عيب في العربية .ده عيب في طريقة السواقة !
اسعار ايه اللي نار انا جايب فتيس اتوماتك ب ٢٨٠٠ يعني بحق فتيسين لانوس !
بلاش ونبي سمعة علي العربية وخلاص اه في حاجات هبل زي اكصدام امامي استيراد ب ٣٥٠٠ بس عندك البديل تايواني و .... واقل من ٧٠٠ جنيه .
اللي ركب مازدا استحالة هيعرف ينزل لحاجة اقل واسال اي حد معاه بي ام ومازدا وشوف هيقلك ايه ( بي ام الصغيرة ، اخت البي ام بس علي صغير ،....)
مش معني كده انها احسن عربية في الكون لا
الكنبه اللي ورا ديقة واستهلاك بنزين عالي نسبيا
والوطيان ده مش عيب ده ميزه للبيجري وعيب للي مش بيجري
مفيش عربية كاملة .
تحياتي .

**boosy** · 29-05-2013 02:20 PM

يعني اخر كلام العربية كويسة ولا لا وقطع غيارها ايه ظروفها لان في حد عندي برضه بيفكر فيها جامد :) اصحاب الخبرة افيدونا

**MahmoudDX** · 29-05-2013 04:43 PM

هي العربية تكنولوجياً ممتازة .. إنما إقتصادياً صعبة اوي اوي

وخلي بالك من المطبات

**amz2011** · 31-05-2013 11:40 PM

بص العربية مع اخويا
العربية جميله
ثبات عالى
عزل جميل
فخامة عاليه
مستواه فى كل حاجه العلى من الانسر
موتورها سحبه شديد
تكييفها كويس
اضاءه فوانيسها تحفه على الطرق السريعه و بالذات لو مركب زينون فى العالى هتخلى الدنيا نهار
العيوب
- الكنبة اللى وره ضيقه
- اسعار قطع الغيار غاليه جدا و داه السبب اللى مخلى اخويا عايز يبعها

**pioneerahmed** · 02-06-2013 10:28 AM

هى صحيح اسعار قطع غيارها غالية بس انت فين و فييييييييين على ما تغيرلها حاجة
هى فيها فخامة الاوروبى و اداء البى ام و اعتمادية التويوتا و غلو اسعار المرسيدس
يعنى مش حارماك من حاجة
بصراحة عربية اعتمادية جدا
و فكك من الى بيقول انها بتحك فى المطبات و قولة دة عيب مساعدين يا باشا
هى ممكن اقولك العفشة بتاعتها عيب فيها اة ماشى و دة عشان العربية تقيلة و ناشفة فتتهبد كتير فى المطبات و طبعا التزييئة الى فى العفشة الى ورا الى محدش عارف سببها اية بس غير كدة العربية حلوة جدا
و بعدين قولى كدة ال 75000 الى انت بتقول عليهم دول ممكن يجيبولك اية؟؟؟ طبعا مش هتلاقى حاجة اقل شوية من المازدا
انا بفكر اغير عربيتى بس مش عشان وحشة لا بس عشان زهقت منها بس مش لاقى حاجة اركبها و محسش انى قليت فى رنج ال100000
من الاخر المازدا عربية احسن من فلوسها