النهاردة جربت الكروز كنترول علي الطريق لمدة 20 كيلو والطريق كان فيه مطالع ومنازل، ثبت السرعة علي 100 كيلو وسيبت العربية تزود لفات الموتور في المطالع وتقلل في المنازل، بصراحة وجود مثبت سرعة علي الطرق الطويلة حاجة ممتعة جدا وخصوصا اني من هواة السفر.
الكروز كنترول فيه مميزات تانية انه في امكانية تحديد نوعية السواقة عشان استهلاك البنزين، يعني فيه سواقة اقتصادية بيتحكم في البوابة عشان يقلل استهلاك البنزين، وفيه مود السرعة، وكمان فيه محدد للسرعة لو عاوز العربية ما تعديش سرعة معينة مهما دوست علي البنزين