انا مش عارف اكتب من كتر ما انا عمال اشتم
بجد ده نصب وبجاحه
عرض للطباعة
انا مش عارف اكتب من كتر ما انا عمال اشتم
بجد ده نصب وبجاحه
يعنى عربيات هيونداى موش اعتمادية علشان مالكيها بيروحوا يعملوا صيانات دورية للعربية
وله علشان لقيت قطع غيار مترمية فى مركز تصليح عربيات تبقى موش اعتمادية
انتا مدخلتش توكيلات هوندا او تويوتا او سكودا عالفكرة هتلاقى برده عربيات كتير بتعمل صيانات وعطلانة وقطع غيار مترمية هههه
هات الاسكودا والجيتا اللى عيب الفتيس اللى نازل حتى فى موديلات 2013 وحتى الجولف وتكلفة عقل الفتيس اللى بتوصل لالف الجنيهات بما يعادل نصف تمن العربية وكان في اكتر من موضوع بشان كده فى قسم الاسكودا والجيتا هى دى الاعتمادية موش علشان ابقى مالك لعربية معينة لازم الناس كلها تركبها غصب عنها
يا ريت يا جماعة نخلينا موضوعين شوية الهيونداى واى عربية تانية بتنزل فى مصر ميهاش عربية خرافية ولا وحشة للدرجة دى
وبخصوص ان قطع غيارها مبالغ فيها لا موش مبالغ فيها ومشكلتك انتا انك روحت للتوكيل فى حين بدل ما هتدفع 20.000 بالكتير اوووى كنت هتدفع بره 1000-2000 بالكتير اووى بس احنا اللى بنحب ينضحك علينا ونقول توكيل
ارجو تقبل كلامى بصدر رحب لكن الهجوم الدائم موش منك تحديدا على الكورى موش عاوزينه وموش عاوزين حد يكرهنا فى عربيتنا
انت صلحتها فى انهى فرع
لان الاكصدام مسعر فى هيونداى بى 1500 و حضرتك بتقول انهم خلو سعره 1850
و الكليبسات برضو الواحد ب 8 جنيخ و حضرتك بتقول ان الواحد ب 75 جنيه الفانوس بيجى باللمبة بتاعته و اغلى لمبه فى التوكيل ب 250 على ما تذكر
كاوتش البرابريز الامامى ب 160 جنيه و مش بيتغير غير و انت بتغير الزجاج و حضرتك بتقول انهم غيروه
حضرتك بتقول انهم غيروا طبله باب احب اقولك انها ملهاش طبله باب فى التوكيل كله
انا مش بقول كده اشكك فى كلامك لكن اكيد ده مش التوكيل ممكن تكون شركه بره و عملت الكلام ده لان زى ماقولتله معظمن الاسعار دى فيها حاجه غلط
و خصوصا حته طبله الباب طبله الباب التوكيل مش بيجيبها اساسا
أستاذ سامح ..
ياريت لو تكلمني علي التليفون ضروري علشان عايز أستفسر منك علي كام حاجة بخصوص الموضوع ده
و أن شاء الله نقدر نعمل حاجة لصاحبك
غبور ده منه لله، الأسعار دي غلبت الياباني في حاجات كتير.. للأسف الكوري فقد ميزة رخص أسعار قطع الغيار
وانا قولت ان الاكصدام مش ب1500 جنية , هتلاقينى قايل كدة فعلا بس خد عندك بقى عشان يركب لازم حاجة اسمها صدادة اكصدام تمنها 650 جنية ومصنعية فك وتركيب 220 جنية تقريبا يعنى دخل فى ال 2300 جنية
وبالنسبة لباقى الاسعار , انا ماقولتش الاسعار اللى حضرتك جايبها دية
وانا هحاول اكلم صاحبى اخلية يجيب الفاتورة وارفعها على الموقع لو نفعت لان الصورة اللى معاة ال print بتاعتها لون الورقة rose والكتابة مكتوبة بالكمبيوتر بلون رمادى خفيف
وعلى فكرة توكيل هيونداى نفسة الفاتورة مكتوب عليها غبور اوتو بالختم بتاعهم فى كل مكان وكمان ال background بتاع الفاتورة علية علامة غبور
وان شاء الله هحاول فى اقرب وقت ارفع الفاتورة على قد اقدر
السؤال بس يارجالة -- واللى بيخلينا نقول ان الزباين بيتضحك عليهم؟!! :bump1::
- هل القطع دى = تسوى الثمن ده؟؟!!!
يعنى: لما يقول فانوس بـ2000 جنيه؟!! وهو -لو نظيف أوى- هيبقى ماندو-hella صينى/كورى...
هل ده ينفع يتقارن بفانوس Marelli AL أو Delphi مثلا؟؟!!!
- ولما يبقى إزاز الهونضاى -الحقير الـtempered بالرقم ده؟؟ وهو أكيد كورى (وممكن يكون جريش ولا تايوانى من الثلاثى)!! lol
أمال البرابريز الـSaint-gobain الفرنساوى الـTriplex يبقى بكام؟؟
>>> ومش هتكلم على صاج أو فيبر؟؟ معروف يعنى ان باب الأكسنت طبقتين كرتون -- مفيش دعامات-بارات، ومن صلب كثافته ضايعة! أيـــــه الأرقام دى؟؟
زى ماكنا بنقول قبل كده: ماتقنعنيش ان طلمبة البنزين الكورى (لو نظيفة أوى هتبقى denso يابانى أو tycho كورى).. هتبقى أفضل من الطلمبة البوش؟!!!
- طب ليه بقى البوش بتتباع -فـ التوكيل الأوروبى- أرخص من الطلمبة الكورى -المضروبة؟؟ :duh2:
بالنسبة للتصليح فـ التوكيلات
أنا إتعاملت مع: أوماترا (ألفا156-برافو تربو) وفولكس (جولف-بورا) وآرتوك-البافارية (أوكتافيا-e90-ميجان بتاع أقارب-أصحاب)..
التوكيلات المحترمة بتعمل الآتى (لما تروح فـ تصليح حادثة: تأمين أو على حسابك -- أو حتى صيانة دورية):
1- يكشف عـ العربية -ويشوف اللى مطلوب (حادثة أو صيانات)
2- يقولك الأول -عشان سيادتك اللى هتدفع- أو ياخد ok من مهندس التأمين-المعاينة
3- يبدأ الشغل: لو ظهرت معاه حاجة تانى.. يستأذنك الأول قبل التغيير!
4- مفيش حاجة إسمها مصنعية فك بكذا وتركيب بكذا؟؟!!!
فيه حاجة إسمها الساعة labor-مصنعيات بكذا -- والشغل ده بياخد x ساعة؟!!
5- بعد ما العربية تخلص: مهندس التأمين يعاين بعد الإصلاح، أو حضرتك تجرب العربية (بعد ماهما يكونوا جربوها وتمام)!!
6- سواء صيانة أو إصلاح حوادث:
القطع القديمة لازم ترجعلك (بيحطهالك فـ الشنطة)؟؟
لو قطع غيار: تتحط فـ العلب الـoem بتاع الجديدة اللى ركبت،
ولو قطع بايظة/مكسورة: بردو يديهالك بمساميرها بكليبساتها بكله؟ مفيش حاجة إسمها هندور عليها؟؟!!!
بس أرجع وأقول: صاحبك اللى غلطان ياسمسم SAMEH_FOUAD
كان المفروض يجيب القطع دى من برا --ويعملها عند ورشة-مركز محترم: والحرفيين فيها شغل أفضل من التوكيلات؟!!!
حصل خير، وربنا يعوض عليه!
شارى بابين استيراد للنيو اكسنت 2011 ب2750 جنية بالعافية الناس كلها ماسكة فى 3500 جنية ومحدش بيفاصل
سعر غماز الرفرف الاصلى 60 جنية
سعر المرايا "تحكم يدوى" اصلى ب750 جنية
لاتعليق على اسعار الكورى دة الالفا روميو ارخص من 100 عربية كوري
امال ايه كوري وسعرها بقي زي الأوروبي والياباني والناس برده تشتري وتقول عشان قطع االغيار
ايه النصب ده ياجدعان
كومنت تانى هههههه
http://www.nilemotors.net/Nile/3874905240-post17.html
وده موضوع عن توكيلات السيارات الاوربى الرهيييييييييييييييييييبة موش عارفين يغيروا زيت للعربية يا اخى ....
؛) http://www.nilemotors.net/Nile/345934-10-000-60-a.html
حبيبى :)
سيستم الـBosch Motronic ME7 الجديد اللى بينزل فـ الأوروبى الجديد.. رقم 1 فـ العالم!
(من أول الـpump لحد الـinjectors)، قبل كده مكانش كله made-in-germany
لكن الجديد كله (بالكنترول ECU) بييجى ألمانى على بعضه، حتى لو العربية فرنساوى أو إيطالى.
- ولا يقارن -فـ أوروبا- إلا بالـSiemens VDO رائع برضه فـ البيمرز!
- أنا عارف ان الـdenso الأفضل فـ آسيا كلها،
btw: تكييف الفيات الجديد كله بقى denso (كذلك مواتير الكهرباء DC والمارش Hitachi كله يابانى أصلى)...
بس مين قالك ان عربية كورى: هيبقى فيها -ولو قطعة واحدة- made-in-japan؟!! دانا بفترض انه جاب أفضل مكونات متاحة؟؟!! ههههههه
لكن الطبيعى هتبقى mando-tycho والحاجات دى.. وأتحدى أى حد من ركيبة الهونضاى-قيا يصورلنا أى قطعة فـ العربية غير الماركتين العيانيين دول! :bump1:
:duh2:
lol
وهو حد قال ان أوماترا أحسن توكيل فـ مصر؟؟!!! هههههههههههه
بس لا خلاف على ان غبو -مثلا- هو الأسوأ؟؟ ولا أيـــــــه؟!!
وبعدين: مفيش رد منطقى على مشاركاتى اللى فوق.. فـ بتجيبلى حاجة من قسم الفيات؟؟!!! :vctry:
- طب أيه رأيك بقى: أحمد هشام صاحب الموضوع صديقى، وإحنا اللى قولناله عـ الـpage إعمل توبيك فـ نايل موتور.. وإشتكى فـ Fiat S.p.A
(آه والصفحة إسمها: Omatra is NOT qualified to carry a name like Fiat)!
هههههههههههههه
أفتكر ده رد كافى اننا بنقول العيوب (فـ العربيات وفـ الوكيل) بصراحة -دون تحيز!
غبور حلو مفيش كلام! :bump1:
FYI: أوماترا الفاشلة دى- بتشتغل فـ أجزاء (مواتير تربو-فتيسات-موديولز ESP) أعتقد هتوصل هونضاى -وبالتالى غبور- بعد 15-20 سنة من النهاردة! Lol
- إنما الفشل فـ أيه بقى: بالنسبة لموضوع أحمد هشام...
ان مفيش فنيين راحوا ياخدوا training عـ الموتور الجديد للـ لينيا فـ تركيا أو إيطاليا
(زى ماحصل فـ الـlaunch بتاع البرافو-تربو selespeed من كذا سنة)؟!!
ده إسمه Epic FAIL -مفيش كلام؟؟!!! :tongue32:
- بس at least -وبعد أسعار قطع غيار الكورى الخزعبلية دى- أوماترا (ومنصور أوبل-ورينو نصير-وفولكس و بيجو أباظة) كده مش حرامية؟!! هههههههههه
عـ الأقل أنا ببقى عارف الفرق الـTechnical/Quality بين القطعة الأوروبى والكورى التقليد!
مش لازم عشان التوكيل "حرامى" يبقى مش محترم -على فكرة! lol
حاجة أخيرة:
- مش بنكره حد فـ عربيته ولا بنعقد حد؟!! بس الصراحة: ان الكورى بدأ يفقد مميزاته فـ مصر:
1- عربيات رخيصة: مبقتش كده! دى بقت أغلى من الأوروبى
2- قطع غيار رخيصة: إضرب كمان عشان أتوب؟!! ههههههههههههه
طب سؤال بقى: اللى عايز يشترى عربية كورى - مفيهاش تكنولوجى، مفيش عوامل الأمان وكلها عيوب هندسية، وسعرها إستهبال -ورضى بيها؟!!
ليـــــه بقى يحصل فيه كده فـ الـafter-sale؟!! :angry35:
Rgds،
مرة تانية أتفق معاك في كل ماقلته
بس للأسف ده مش موجود في مصر حتي مع توكيلات كبيرة و المفترض أنها محترمة و أسألني أنا
أنا علي فكرة بداية حياتي العملية كنت بأشتغل في توكيل لحدي السيارات الاوروبية الشهيرة جدا و كنت أعمل كمهندس أستقبال و ياما عملت مشاكل لأني كنت بأعمل الصح و مش بتاع بيع قطع غيار
أهههههههه و النبي أنت قلبت عليا المواجع
مش شرط .. كل التوكيلات زبالة عامة
البافارية قبل كدا كنت غيرت باب هناك لما جيت استلم العربية قالولى مش لقيين الباب القديم وبتاع وساعتها عملت معاهم مشكلة و بعديين انا دافع labour زى ما بتقول اكتر من 14000 جنيه !!!
وموضوع ان القطع لازم ترجع اعتقد كله بيعمل كدا .. متعملتش انا مع توكيل بيرفض انه يديلك الحاجة القديمة لانها اصلا بتاعتك .. بس هو الاهمال عامل اساسى عندهم كلهم .. وهما دول صنيعية مصر فى كل مكان للاسف.
وبعدين العك اللى حصل فى التوكيل مع صاحب سامح دا السبب فيه التأمين فى حاجات زى طبلة الباب والكلام دا لان التأمين بتحاول يسترخص على فد ما يقدر ...
ويا سامح بدل البربريز اتغير الاحسن طبعا يغير معاه الجلد بتاعه
وازاز السيراتو Triplex وفيه uv protection كمان
أولا : يا كبير الموضوع ده بصراحة الحاجة القيمة اللى فيه مشاركاتك لما تحتويه من معلومات جميلة وجديدة
ثانيا : اسمها هيونداى موش هونضاى ههههههههههههه انا كل ما اقرا الكلمة دى بضرس هههههههههههههههع
ثالثا : يا كبير لا تقارن السيارات الاوربية بسيارات هيونداى اللى بتنزل هنا في مصر ياريت المقارنة تتم بين السيارات الاوربية وسيارات هيونداى اللى بتنزل بالخارج بتكنولوجيا اعلى من السيارات الاوربية والدول الاوربية تفرض حاليا رسوم اغراق على سيارات هيونداى وكيا لما تمثله من تهديد لصناعة السيارات المحلية لديها
رابعا : هيونداى الشركة الرابعة عالميا من منتجي السيارات وتفوقت على الكثير من السيارات الاوربية واليابانية ولك ان تشاهد الاحصائيات التى تم اجرائها حول اعتمادية سيارات هيونداى وتفوقها على كثير من السيارات الاوربية واليابانية
خامسا : هيونداى من الشركة العملاقة فى صناعة السفن العملاقة وحاليا بتعكف على عمل محرك ثنائى الاشواط للسفن العملاقة التجارية التى تنتجها
سادسا انظر لمحرك ثيتا هوندا نفسها هتستعمل تلك التكنولوجيا فى محركاتها
موش فاكر حاجة معينة دلوقتى :)
تحياتى
المحرك بالفعل تم الانتهاء منه و ينتظر أن يتم تركيبه قريبا في أولي ناقلات الحاويات العملاقة
بالاضافة لذلك شركة هيونداي لبناء السفن هي الاولي عالميا والوحيدة التي تستطيع بناء سفينة عملاقة (30,000 طن حمولة) فما فوق خلال مدة لاتتجاوز الشهر
ده كده بما أنك ذكرت صناعة بناء السفن و ده بقي ملعبي :3mla:
حد جاب سيرة النيسان دلوقت يا باشا، وبعدين حضرتك بتقارن أسعار قطع غيار القشقاي بالآر بي، دول فئتين مختلفتين.. وعلى فكرة قطع غيار الياباني غالية أينعم بس في المقابل عمر افتراضي طويل وقطع غيار الصني ممكن تكون غالية بس عمرها الافتراضي أكيد أطول تبقى مش أغلى وشوف تيل فرامل الصني بكام مثلا وبيقعد قد إيه وشوف بتاع الأربي أو الالنترا بكام وبيقعد قد إيه وبكده يبقى إيه الميزة اللي بتتفوق فيها الكوري عن الياباني والأوروبي اللي قطع غيار أغلى من الاثنين ومعمرة أكثر من الاثنين.. تحياتي
نرجع ونقول تانى يا رجاااالة قطع الغيار خارج التوكيل ببلاش وارخص من اليابانى والاوربى متقرنش باسعار التوكيل انا ممكن اجيب فانوس امامى بيدأ من 200 ج
واما حاجة ان قطع الغيار معمرة مثلا فلتر البنزين بيتغير من 20.000 واعرف ناس بتغيره وغصب عنها من عند 40.000 يبقى انا عاوز ايه اكتر من كده
بيتباع بره ب 120 ج فى التوكيل 250 ج فمقرنش باسعار التوكيل
البيجوهات بتباع بره 120 ومككن تفاصل كمان وفى التوكيل ب 200 وحاجة فمقرنش باسعار التوكيل
تعالى بقى للقشقاى اولا اذا لقيت ليها حاجة من بره التوكيل تبقى معجزة
حتى الصنى ( وخلى بالك لولا ان الصنى رخيصة مكنش حد فكر يجيبها ) قطع غيارها غالية وموش منتشرة
:vctry:
@khaabas
@yasserelsayad
عندي سؤال ليكم معلش :)
السؤال للمعرفة بالشيء , مش بكدب حد
الفانوس اللي قلت عليه يا khaabas بـ 200 جنيه ده
هو الأصلي بس بيتباع بره , ولا مضروب ؟؟
ما أنا عندي لل c4 فوانيس بتتباع بـ 300 جنيه
وفيه اكسدام بـ 500 جنيه و كبوت نفس الكلام
بس صيني طبعا و لا يمت بصلة للاصلي
استحالة يبقى الفانوس الأصلي في التوكيل بـ 1500 جنيه و يتباع بره بـ 200
ممكن تلاقيه بـ 1000-1200 مثلا
مظنش ارخص من كده
مين قال قارن qashqai بـ rb ؟!!!!!!!!!
أنا بأتكلم في أسعار نيسان عموما
اشمعنى نيسان ؟
لأن اسعار قطع غيارها مرفوعة هنا على المنتدى
وأنا معرفش في اسعار قطع غيار الياباني عموما
بس حضرتك مالقيتش غير تيل الفرامل :eyecancer:
ده القسم عندكم مليان شكاوي من تيل وطنابير الصني الجديدة ,ولا إيه ؟؟
التيل مصري باين ولا لأ ؟
أما بالنسبة لعمر قطع الغيار ,أنا مجبتش سيرته خالص
مع إن لو قارنت اسعار النيسان باي ماركة اوروبي هتلاقيها معدياها
عشان ماتقولش فرق جودة و عمر و كده
قارن كده حضرتك اسعار الصني بأي عربية في فئثهـا زي ال fiesta مثلا
اسعار ال fiesta موجودة على ال site بتاعهم
ده أسعار الصني الجديدة أغلى من ال C4 بتاعتي :eee:
أنا كنت رافعلكم الفواتير كمان
لو حابب أجيب لحضرتك مشاركتي في الموضوع عندكم و تحكم بنفسك ؟؟
تحياتي ليك
و هوا فى حد عاقل يصلح فى التوكيل دة شغلهم اسؤ من برة
شوف يا باشا انا قولت يبدا من 200 ج وده الصينى اما الاستيراد الاصلى ب 500 أما الاصلى بره جديد بالف ويفرق عن التوكيل 500 جنيه لانه فى التوكيل اعتقد ب 1500 اذا مكنش اكتر بعد هوجة الدولار مع العلم بره الفانوس ابو الف أصلى ( من غير فصال لسه :)
وهكذا اكصطدام امامى صينى ب 350 وميفرق عن الاصلى حاجة فموش معقول اروح اجيبه من التوكيل بمبالغ خرافية كلنا عارفين ان موش ده تمنها الحقيقى بحجة انه الاصلي
موش كده وله ايه :)
تحياتى ليك يا كبير
ألف شكر يا رجالة :)
بس مش غريب يا khaabas إن اكسدام بـ 350 جنيه يبقى ميفرقش عن الأصلي زي ما إنت قلت !!!!!!!!
ربنا يرحمنا من التوكيلات اللي في مصر دول
على فكرة قطع غيار الأوروبي سعرها مش مقرب من الكوري لوجه الله
هم لو عارفين يبيعوا زي الكوري كانوا غلوا برده
موش غريبة وله حاجة لو شوفتهم انتا نفسك هتقول كده وعلى فكرة فيه توكيلات بتجيب المضروب وتبيعه على انه اصلى :(
بالاضافة ان هيونداى نفسها ذكية فى حاجة مهمة جدا انها اسندت تصنيع قطع غيارها لبعض الشركات زى شركة موبس مثلا شركة موبس الكورية مصنع ( بضم الميم ) قطع غيار كيا وهيونداى ليها اكبر مخزن بيخدم شمال افريقيا وافريقيا كلها والشرق الاوسط فى الاسكندرية وجودة منتجاتهم معترف بيها من هيونداى كيا نفسها وأرخص من القطع المصنعة من هيونداى ؟؟ وشركات تانية كتير بتصنع لهيونداى وكيا مختلف انواع قطع الغيار لمختلف موديلاتهم فاستحالة الاوربى يبقى ارخص من الكورى بعد كده لان في مصادر تانية بتصنع حاجتهم وباختلاف الجودة والسعر
واحب احييك على موضوعيتك
ومين تاني جاب سيرة الصني الجديدة، أنا أساسا مش مقتنع بيها، أنا بتكلم عن الشكل القديم اللي هي عربيتي (هاتلاقي موجود تحت الآي دي بتاعي على اليمين صني 2011)، اللي أكيد تيل الفرامل بتاعها ياباني (على حد معلوماتي القليلة)
ومش مشكلتي إن حضرتك مش عاوز تجيب العمر الافتراضي بتاع قطع الغيار، (أنا عاوز اجيب سيرته وأكيد أنا حر) وخد بالك إنك لو اشتريت حاجة بجنيه وقعدت يومين وباظت وجبت نفس الحاجة بـ 2 جنيه وقعدت أسبوع أكيد هاتبقى أوفر
وبالنسبة للصني الجديدة على حد علمي بقت بـ 104 ألف ex هي الفيستا بكام أعتقد بـ 144 ألف والصني السوووووبر صالون بـ 118 ألف !!!!
وبعدين أنا ماليش دعوة بقسمي دلوقت، أنا في قسم هيونداي وبتكلم عن عربيات هيونداي،
والـ c4 بتاعة حضرتك (اللي أنا برضه ما جبتش سيرتها) موديل كام والصني الجديدة موديل كام علشان تقارن بين أسعارهم
وإيه علاقة قسمي وقسمك بالموضوع !!!!!!!