مية تكييف وعلبة مياة تبريد خضرا مركزة من البنزينة
عرض للطباعة
باشا ماتحطلهاش مايه خضرا
حطلها مايه حمرا g 12 هاتلاقيها فى الهاشمية (( افضل من المايه الخضرا بكتيييير )) سواء علشان الحرارة او علشان الصدا
بس اتاكد انك ظبطت موضوع تسريب الماية ده لان المايه الحمرا غاليه شويه
اللتر بـ 55 جنيه
هات جركن مية خضرا اسبانى ب 35 جنيه اسمه ايادا وده شكل الجركن http://t2.gstatic.com/images?q=tbn:A...kI9WwtcpzHza-t
انا بستخدمه بقالى فوق السنة ونص
فى بحثى على النت شوفت ان المية g 12 الحمراء موصى بيها للاوكتافيا اخت الفليشيا الكبيرة ولمنتجات الvw والتويوتا اليابانى بس السعر عالى شوية وخصوصا ان الفليشيا بتاخد 5 لتر * 55 جنية =275 جنية موجوده فى توكيل سكودا فى الأسكندرية فى محطة الرمل عموما حافكر ؟؟؟
فى محل مين انا من سيدى بشر برضة ؟؟
انا شوفت النوع دة وعلى فكرة فية منه مية حمرا كمان بس على ضمنتك اشترية مابيعملش صداء ؟؟؟؟
بص هو بيحط جاز وايريال وحجات تانية بس مابيحطش مية نار غير فى القربة وغطاها برة العربية علشان يشيل الصداء منها وانا بروح لية مرة كل سنة من ايام ال 128 قبل الصيف من حوالى 12 سنة كصيانة وبعدين احط مية عادية يومين وافك كولية الرادياتير وانزل بقايا الصابون والجاز واشطفها تانى وبعدين احط مية خضراء فى ال128 كانت المية الخضراء الأبرو usa 10/10 بس فى الأسكودا لقيت صدا كتير نازل تقريبا خامة موتور الاسكودا مختلفة علشان كدة قولت اسئلكم كخبرة فى الاسكودا انهى افضل وخد 10 جنية على فكرة مية الحنفية حتى بعد الفلتر بيبقى فيها نسبة ضئيلة من الأملاح وده كلام المهندسين لحاجة جسم الأنسان لنسبة من الأملاح فى المية فمتنفعش حتى المية اللى بترشح من الزير برضة بتبقى فيها املاح مذابة فى المية برضة ماتنفعش افضل مية المية المقطرة بتاعة البطاريات ثم مية التكييف او الميه اللى بتتواجد لما تسيح الثلج اللى فى فريزر ثلاجة البيت
ياحضرات انا كنت فى احد شركات فلاتر المياه وعملوا اامامى تجربه على كوبين من المياه واحد فيه مياه من الحنفيه والاخر مياه منتجه من احد الفلاتر
ووضعوا سخان فى الكوبين والنتيجه بعد غليان المياه فى الكوبين
مياه الحنفيه تخلف عنها رغاوى ورواسب سوداء بشعه
مياه الفلتر لم يصبها شىء وظلت نقيه شفافه
الخلاصه
انا شايف ان المطلوب من مياه التبريد فى الردياتير حاجتين :-
1- تأخير نقطة الغليان للمياه حتى لاتتبخر سريعا .
2- عدم تخلف رواسب وشوائب نتيجة تسخين المياه وغليانها نتيجة وجود املاح غير مرغوب فيها .
علشان كدا انا شايف ان منتجى مياه الردياتيرات بتحاول تحقق الشرطين السابقين
وكلها تجارة وكله بيرزق من فضل الله