الموضوع: أرجو المساعده لعمل شكوى لميتسوبيشي اليابان

المشاركة الأصلية كتبت بواسطة dragon78

تم بحمد الله ..

الحمد والشكر لله وحده .. أخيرا خلصت من كابوس ذراع الإشاره العطلان بتاعي
اللي ماكانش متابع معايا من الأول , عربيتي استلمتها بعيب ظهر من أول اسبوع ان ذراع الإشاره لما بجيبه شمال أحيانا كتير مابيرجعش لوحده ومع أول صيانه ليا اشتكيت منه في التوكيل .. قالولي انه محتاج تغيير قاعدة ذراع بس هي مش متوفره , وقالولي نعملهالك الصيانه الجايه , وعلى صيانة الـ 10000 لما روحت قالولي ماجاتش برضه
المهم .. فضلت أماطل فيهم بعد كده مكالمات واقرفهم واتخانق معاهم شويه .. لحد مافي الآخر قالولي تعالى ركب

وروحت امبارح يوم السبت 20-4-2013 عشان يتم التركيب وكنت هناك الساعه 8 وربع الصبح بالظبط .. والمهندس جه استلم مني العربيه على الساعه 8 ونص ودخلت الورشه .. والحمد لله قدرت استلمها بعد 5 ساعات

كانت حاجه تخنق أوي بصراحه .. بس حمدت ربنا ان الموضوع خلص على خير لأني كنت ناوي أعمل معاهم مشكله كبيره ....

آسف على الإطاله

حصل معايا نفس المشكلة والتوكيل صلحها مرة ورجعت تانى وصلحوها تانى واتظبطت الحمد لله
مبروك عالتصليح وربنا يباركلك فى العربية ويديك خيرها ويكفيك شرها