ما هو احسن شئ واسوء شئ فى شيفوليه افيو

**احمد عز** · 14-12-2008 12:19 PM

المشاركة الأصلية كتبت بواسطة rorogogo

هو الاستاذ احمد عز شغال مع منصور ولا ايه؟

هههههههههههههههههههه هو علشان بقول الحقيقه الى انا شيفها ابقى شغال فى منصور طب ياريت الاقى شغلانه بدل ما انا قاعد فى البيت

اولا عربيتى جديده فالحمد لله مفيهاش عيوب واكيد ده واضح من كلامى اما لو ظهرت حاجه ليه مش حقول لا انا مستفاد حاجه لم حد يجيب العربيه ومتعجبهوس ولا اى حاجه فصدقنى كل الموضوعات دى معموله علشان اخواتنا الاعضاء واكيد زى المقوله بتقول (حب لااخيك كما تحب لنفسك ) وانا بعتبر كل الاعضاء الى موجودين فى المنتدى وبلاخص منتدى الشيفروليه اخواتى واوعدك لو ظهر اى عيب حقول على طووووووووول

**saidbakr** · 16-12-2008 02:01 AM

المشاركة الأصلية كتبت بواسطة THEMAYOR

...
لانه مش منطقى ادفع حوالى 80 الف و مفيش كماليات تستاهل

و يا رتها بس على الكماليات، يا جماعة فيه أساسيات، انا موش متخيل إزاي عربية زيرو في القرن الواحد و العشرين ما تبقاش فيها.!!!

نظام فرامل مانعة للانغلاق ABS إزاي ما يبقاش في عربية في القرن اللي احنا فيه؟!!!
سيبك من EBD اة Air Bag ...
يا جماعة اللي (بيصنعوا) العربيات في مصر عندهم جشع فظيع، محميين بالجمارك، و عندهم إعفاءات و بيعملوا عربيات غالية بإمكانيات أقل!!!

لاحظوا إني حطيت بيصنعوا بين قوسين، لأنها في الغالب ورش كبيرة حبتين موش مصانع بالمعنى المفهوم، او بلد مشهورة بنوع عربيات معينة بس متحوطة بصور و شوية هناجر، زي فاقوس شرقية مثلاً، البلد دي لو جبت أي عربية مرسيدس في صناديق، تقدر خلال يومين بس تكون مدور عربيتك و ماشي بيها.

**rorogogo** · 16-12-2008 10:40 AM

لا يا استاذ احمد انا كنت بسأل بس وخد بالك ان ردودك ان دلت على شئ فتدل على التفاؤل المحبوب وتخطى العيوب الخفيفه الغير مؤثره
انا والله بحب الافيو وان شاء الله حشتريها لان العربيه راحه نفسيه وبعض الامكانيات التى تختلف من شخص لاخر

شكرا ليك يا استاذ احمد على المعلومات

**hassanstar** · 17-12-2008 01:51 AM

معلش ليا سوأل يا جماعة قبل ما استعجل واجيب العربية

انا حاطط شرط اساسى انى اشغل اغانى على cd

فهل دة يتناسب مع افيو 2009؟

ولا غصب عنى لازم اشغل شرايط يا ريت اجابة لان دة هيفرق معايا اوووى

**احمد عز** · 17-12-2008 01:57 PM

المشاركة الأصلية كتبت بواسطة hassanstar

معلش ليا سوأل يا جماعة قبل ما استعجل واجيب العربية

انا حاطط شرط اساسى انى اشغل اغانى على cd

فهل دة يتناسب مع افيو 2009؟

ولا غصب عنى لازم اشغل شرايط يا ريت اجابة لان دة هيفرق معايا اوووى

بصراحه فى مشكله فى النقطه دى لان الكاست بتاع الافيو كاست مش CD بس ممكن تجيب mp3 car الى بيركب فى الولاعه

**rorogogo** · 21-12-2008 12:44 AM

سؤال يا جماعه
1)هل الافيو 2009 كامله اوتومايك فيها اختلاف عن 2008 ( اتمنى ان هيكون هناك اى شئ زياده )؟
2)ما هو افضل مكان لشراء الافيو بالتقسيط الاسلامى اى بدون الرجوع الى البنك ؟
3) هل شراء السياره بالتقسيط يتطلب وقت لحجز السياره ؟

شكرا جزيلا للجميع ولكل القائمين على المنتدى

**احمد عز** · 21-12-2008 01:54 AM

المشاركة الأصلية كتبت بواسطة rorogogo

1)هل الافيو 2009 كامله اوتومايك فيها اختلاف عن 2008 ( اتمنى ان هيكون هناك اى شئ زياده )؟

1- لللاسف المواصفات كلها واحده يعنى الافيو ال2008 زى ال2009

المشاركة الأصلية كتبت بواسطة rorogogo

2)ما هو افضل مكان لشراء الافيو بالتقسيط الاسلامى اى بدون الرجوع الى البنك ؟

منصور نفسه بيبيع العربيات بالتقسيط من عنده يعنى دون اللجوء الى بنك

المشاركة الأصلية كتبت بواسطة rorogogo

3) هل شراء السياره بالتقسيط يتطلب وقت لحجز السياره ؟

انت كدا كدا لازم تحجز العربيه الاول ب2000 جنيه وبعدين خلال الانتظار بيكون خلصت اجرات القسط وتستلم العربيه

ان شاء الله

**zeen** · 28-12-2008 07:43 AM

الاسلام عليكم ورحمه الله وبركاته

انا ابو زين ودى اول مشركه ليه فى حياتى على موقع نت انا بحب اقراء ديمن وبس لكن انا عشان بحب الافيو وانا عندى افيو 2009 من حدود 5 شهور وعامل 8500 ك وانا من اسيوط وسفرت مصر 4 مرات خلال الشهر الماضى بجد انا حبيت اتكلم معاكم لانكم كلكم ناس واضح عليكم انكم فهمين

يجماعه فى فروق بين كل واحد والتانى وممكن يكون الاختلاف فى طرقيه القيادة

فمحدش ياخد الكلام بتاعى دة على انه كلام مسلم بيه انت ليك رئيك وزقك وانا كذلك فان هقول رئى بصراح

العربيه 100/100 بس الاستهالك بتاع البنزين مش قوى
لاكن بنسبه للعربيه فى السرعه والسحب انا مشيت على طريق الكرمات بتاع الجيش ( 4حرات) لحد 195 : 200 وطبعن دة مش عادى ولمدة 10 دقايق مش اكتر ولانى كنت مستعجل جدا ودة مش هيتكرر إن شاء الله بس بصراحه انا كنت نفسى اجرب العربيه ثبته لحد 160 ومشعايز اقول اكتر من كدة عشان الحسد

بس طبعن انا فى البنزين كرهت نفسى عمله 9 ك فى اللتر لكن على سرعه 100 ك بدون تكيف بتعمل 12 ك فى اللتر

والتوكيل ملوش اى لزمه ومحستش براحه لانى رحة التوكيل بتاع الكيلو 28 طريق اسكندريه وحسيت انى بتخم وبنصح اللى عاوز يروح يروح مركز خدمه بتكون فضيه شويه وممكن تعرف تاخد وتدى فى الكلام

لاكن العربيه مشاء الله ربنا يحافظ على كل اللى عندة عربيه وكفيه شرة

ويرت لو حد عندة حل لمشكلة البنزين يقولى
اخوكم
ابو زين