ما هو احسن شئ واسوء شئ فى شيفوليه افيو وايه الى كنت عاوزه فى العربيه ومكنش موجود انا عن نفسى كنت عايز الكاست Cd الزجاج الخلفى كهرباء
عرض للطباعة
ما هو احسن شئ واسوء شئ فى شيفوليه افيو وايه الى كنت عاوزه فى العربيه ومكنش موجود انا عن نفسى كنت عايز الكاست Cd الزجاج الخلفى كهرباء
:) كل الناس عايزة دولاقتباس:
انا عن نفسى كنت عايز الكاست Cd الزجاج الخلفى كهرباء
و عايزة موتور أحدث
و احلي حاجة فيها علوها و شياكة تابلوها
ماهو العجيب ان منصور بك شايف ان عربيه موديل 2008 زيرو بحاجه و سبعين مش لازم زجاج كهربا خلفي يركب لها ماله البكر هيا الزباين كفرت ماهو اهاليها راكبه عربيات مكنش فيها زجاج اصلا يبقي يعيشو عيشه اهلهم!!!!
ده غباءءءءءءءءءءءءءءءءءءءءءء ءءءءءءءءءءءءءءءءءءء مالوش مثيل, انا كنت رحت منصور الطيران من سنتين و لما فوجئت ان مفيش زجاج كهربا خلفي سألت هل ممكن ادفع زياده و تنزل اسبيشيل اوردر( لما كانت تقفيل كوري) رد عليا البك اللي مفروض انه شغال في صاله العرض لأ طب مينفعش تركبوه انتو هنا لأ
حاجه تنرفز يعني جت علي دي و مش عايزيين يغرمو و يقللو ارباحهم ده حتي لما اتقفلت في مصر فرحت قولت يبقي اكيد هتبقي 4 زجاج كهرباء لكن الجشع و اسلوب التفضل علي العملاء بالاوبشنز ده يعملو عند ادهم
و علي فكره الافيو انا بحبها كعربيه لكن توكيل احمق الي ان يصحح من سياسته التسويقيه و يوفر فلوس احمد و مني و يحطها للعملاء احسنله
ههههههههههههههههههههههههه هههههههههههاقتباس:
يوفر فلوس احمد و مني و يحطها للعملاء احسنله
علي رأيك :)
و كمان مفيش مرايات كهرباء
يعنى كل شويه اقول للى جنبى هاتى المرايه دى كده
انا روحت اتفرجت عليها و عجبتنى فى كل شى ببص الاقى العربيه مفيهاش غير 2 زجاج كهرباء و مفيش مريات كهرباء . مع العلم انى كنت باتفرج على فول اوبيشنز اتوماتيك
صرفت نظر و فكرت فى النوبيرا او الفيرنا علشان الكماليات
لانه مش منطقى ادفع حوالى 80 الف و مفيش كماليات تستاهل
السلام عليكم
الافيو ماشاء الله عربية حلوة جدا و من وجهة نظرى كان ينقصها الزجاج الكهربائى الخلفى
انما هى فى مجملها صالون شيك جدا و تحفة و موتور قوى جدا و تكييف جميل
وبصراحة انا موش شايف فيها حاجة وحشة و من وجهة نظرى التوكيل كويس انا شوفت المعاملة بتاعتهم فى سيارة اخى الاوبترا محترمين جدا الصراحة
ربنا يباركلكم فيها ان شاء الله
فعلا العربية جميلة جدا و انا قعدت شهرين ونصف اعمل مقارنة بينها وبين اللانوس والفيرنا وبصراحة اخترت الافيو ومش مشكلة حكاية الزجاج الخلفي وعلي فكرة انا عربيتي كاملة مانيوال والمرايات كهرياء ، انا مش عارف ازاي تبقي فول اوبشن والمرايات مانيوال
وبصراحة امش كده وانتا راكب العربية جنب الفيرنا واللانوس هتلاقي فرق كبير لصالح الافيو في كل شيء
مميزات العربية دي من رأيي
تابلوه شيك بس كبير زيادة عن اللزوم و مقلل المساحة المتاحة للركاب الاماميين
موتور ذو تسارع كويس قوي لغاية 100 كم / س
مريات كهرباء .... موجودة و شغالة كويس
تقفيل كويس قوي للسيارة
توكيل الناس كلها بتشكر فيه من ناحية خدمة ما بعد البيع
تكييف معقول قوي
عفشتها معقولة جدا في الراحة
شكلها حديث عن اللانوس اللي ورثتها
قاعدة الكراسي مريحة و كويسة
العيوب
لا يوجد زجاج كهرباء خلفي
الثبات ضعيف قوي بعد 100
لا يوجد كاسيت سي دي بس الكاسيت اللي راكب شيك قوي
العربية ضيقة شوية من جوه
التحكم في السيارة في سرعات عالية مش كويس خالص و الدريكسيون ناعم زيادة عن اللزوم بس حلو في الزحمة
شكرا يا tutankhamoun على راييك الجميل
وتقريبا مفيش ريموت كمان في الافيو
يعني المسوجر تقفلو وانتا نازل
أختلف معك 180درجه فيما كبر خطه
أولا التوكيل زى الزفت (أنا تعاملت مع توكيل الكيلو 28 أسكندريه)
ذهبت للصيانه الأولى بعد 4شهور وأشتكيت من تزييقه خفيفه فى العجله الخلفيه وكان أحدهم نصحنى بعمل ضبط زوايا وياليتنى ما سمعت كلامه
خرجت من التوكيل والتزييقه الخفيفه بقت فرقه تزييق بعد ماعملو ضبط زوايا والدركسيون بقى فى وضع غير مضبوط بالأضافه إلى إنى كل ما أشتكى من حاجه يقولى ده طبيعى فى كل السيارات الجديده مثل أن الدبرياج عالى بعض الشئ يوصل التروس قرب ترك القدم الدواسه نهائيا
ثانيا العفشة غير مرنه بالمره (ناشفه جدا)
ثالثا الدركسيون قد يكون بتاع سياره جديده ولكنه ليس دركسيون باوور كما رأيته بكثير من السيارات الأخرى
انا مختلف معاك فى بعض النقاط بس راييك يحترم
ya gama3a....anyone who has a problem with Mansour or any Mansour dealership or service center....write a formal complaint and send it to my email and I will give it to the proper channels to investigate it
my email is
basem.shams@gmail.com
عربية اخويا أتوماتيك من أول خمسين عربية فيها زجاج كهرباء خلفي و فوج لايت
انا شخصيا اري ان الافيو عربية ناشفة جدا عن تجربة في المطبات ............مقارنة بالنوبيرا وحتي بالانوس........
كما ان التابوة شكلة قبيح جدا وكلة بلاستيك مقارنة بتابلوة الاوبترا الجلد ذو اللونيين الاسود والرمادي.........
كا ان الساوند سيستم فيها سئ مقارنة بالنوبيرا .........وسعرها مبالغ فية جدا والمفروض التقفيل المصري منها ينزل ب 68000 بندق .........كفاية عليها خالص....وانا معايا لانوس ولو فكرت اغير مش ها اشتري اوبترا ولا افيو ولكن ممكن ريو او سيراتو........ودول كوري اصلي وتحفة في الشكل والكماليات .......او اللانسر طبعا..........
لو تسمحلى اعرضك فى شويه حاجات اول حاجه العربيه الى انت جربتها كانت موديل كام العربيه لا نشفه ولا حاجه وثانيا من الى قال انت التابلو بتاعها قبيح ده احسن تابلو من موديلات الدايو كلها ده لو كنت ركزت فيه شويه وهات واحد بس من مالكى الافيو يقول الكلام الى انت بتقول عليه ده ثالثا العربيه تقفيل كورى وفى مصرى يعنى مش مصرى بس زى ما انت بتقول مقارنه بالدايو مفيش منها كورى كله مصرى
ولو بتتكلم على الدايو العربيه وطيه جدا على الارض مقارنه بالافيو ودى فعلا الى تقدر تقول عليها التابلو بتاعها قبيح جدا برده بالمقارنه بالافيو يا باشا مفيش مقارنه ما بين الاتنين وشكرا
معاك يا عز في كل الي قولتو :iagree:
معاك لان جربتها لانها قريبة من عربيتى الكورسا 2005
بس فرررررررررررررررررررررق كبييييييييييييييييييييييي ييييييييير
بصراحة قارنت بينها وبين الكورسا لقيت الكورسا اشد بكتيييييييييييييييييييييي يييير
دركسيونها باور اسما فقط
وتحس بكل المطبات من نشوفية العربية بعكس الكورسا ناعمة جدا
بعد 120 ضايعة عكس الكورسا 160 ولا كلمة
معلش يا باشا ختلف معاك انا شايف ان المقارنة بين الافيو والانوس تصب فى مصلحة الانوس
اما مقارنة الافيو بالنوبيرا بتصب فى مصلحة النوبيرا
يكفى اقتراب السعر مع فارق قوة الموتور والكماليات والثبات والوسع لصالح النوبير
انا جربت الاتنين ولاقيت ان النوبيرا احسن واعتقد اكتر الناس ملحظين المبيعات الى حققتها النوبيرا فى اخر سنة لانتاجها واعتقد ان النوبيرا لو استمر كمان كام سنة مع بعض التغييرات هتحقق مبيعات عاليا
الاخ wezaezz
العربية اللي جربتها كانت موديل 2007......
ومشيت بيها حوالي 60 كم.
اما بالنسبة لانخفاض اللانوس......فانا عمري عانيت من المشكلة دي ..
وانخفاض السيارة يساعد بشكل كبير مع وزن العربية في تحقيق الثبات علي السرعات العالية
......اما بالنسبة لشكل العربية او التابلوه ....فدة اذواق ........ومقدرش اختلف معاك فية...............
وبعدين من كتر ما الانوس محققة مبيعات فشركة GMاللي اشترت شركة دايو.حتصنع تاني العربية تحت اسم شيفرولية لانوس في 2009 ولم تستطع الشركة الاكتفاء بالافيو ولكن لن يتم تصنيع النوبيرا بل ستكتفي بالاوبترا.......
آحسن حاجة في الآفيو :
١- المسافة من سقف العربية الداخلي الي آرضية العربية رائعة
٢- المسافة بين رآس السائق الي آقرب نقطة في الزجاج الآمامي كبيرة وده شي مطمئن جدا في الحوادث يعني لو لا قدر الله خبط واحد ونزل علي الزجاج حيرسي علي التابلوه مش في وشك
٣- الشنطة واسعة
اسو حاجة في الآفيو :
موتور جمع بين اسو صفتين ،
اولا سعته كبيرة نسبيا و بيستهلك بنزين رهيب خاصة جوه البلد بالتكييف
ثانيا : عزمه صغير نسبيا والسحب بيموت تماما لما تولع التكييف
في الظروف القياسية يعني ماشي طوالي برة المدينة علي سرعة مائة (القياسي ٩٠ علي ار بي ام ٢.٥) التانك (٤٥ لتر) بيماشييني ٥٠٠ كيلو يعني ٩ لتر لكل ١٠٠ كيلو
آما آخر سفرية ليا كانت سيوة (٣١٥ من مطروح) كنت ماشي ١٤٠ : ١٦٠ (حرق جامد) ومولع التكييف طول الوقت يادوبك التانك كفاني لحد سيوة بالعافية يعني ١٥ لتر لكل ١٠٠ كيلو
اقسم بالله ان الآرقام دي بكل نزاهة وحيادية ومع العلم ان عربيتي سليمة تماما من الناحية الميكانيكية و الكهربية
انا عربيتى افيو 2009 وصفرت العداد عندا فولت التنك وبعد 331 كيلو على العداد فولت تانى أخذت 29 لتر فهل هذه نسبة جيده علمأ بأن أطول مشوار كان 80 كيلو متواصل
طبعاً بدون تكييف انا فى الساحل الشمالى ومش محتاجه بس من وقت للأخر بفتحه علشان الفريون
احب اشارك فى الموضوع مع العلم انى لم امتلك افيو لكنها كانت من المرشحين عند اختيارى للفيرنا
احسن الأشياء :
- اوسع سيارة فى فئتها
-التابلوه شيك و اجمل من تابلوه الفيرنا
اسوء الأشياء:
-لما ركبتها كنت حاسس انى فى سفينة فضاء! زي اليارس كدا مش شايف الكبوت و مش شايف حاجة من موخرة العربية ...و ده طبعا حاجة مش مناسبة لي شخصيا لأنى قصير و غير مناسب فى الزحمة ..بحس ان العربية منفوخة ..ابعادها مش مريحة بالنسبة لى
-السيارات المنافسة تستخدم محرك احدث و اقوى
-سعر غير مبرر
مش هقدر اقول اكتر من كدا لأنى ما اشتريتش الأفيو ...
و مبروك ليك :)
شكرا على راييك
على اعتبار انى معايا لانوس من 98
الحاجات الحلوة:
الشكل الخارجى جميل جدا
الباور خرافى
الفرامل جوووون
صوت الموتور هادى
الصالون واسع و الشنطة
الحاجات الوحشة:
العربية عالية على الارض
السحب فى الضياع مع التكييف
الكاسيت مينفعش يتغير
حوض الموتور ضيق جدا
قطع غيار غالية جدااااا
MMamdouh
هو الاستاذ احمد عز شغال مع منصور ولا ايه؟