ايه رأيكم فى كاسيت أدريان؟؟؟

**samihanwar** · 05-04-2013 12:08 AM

ايه رأيكم فى كاسيت أدريان؟؟؟
أنا شوفت كذا موديل منو النهارده عندنا فى حلوان
ولاقيت موديل منو شكلو شيك جدا وبيشغل فلاشه وتقريبا كارت ميمورى بس مش فاكر بيشغل سيدى ومش فاكر كان فيه راديو لا لأ
المهم سألت الراجل عليه قالى ب 275 جنيه
بس الل مريحنيش فيه لاقيت كلمه made in china
طبعا نفسى اتسدت وعرفت انو مش حيكمل شهر على بعضو
ايه رأيكم فى الكلام ده

**mody_mt2007** · 05-04-2013 04:41 PM

فى عضو زميلنا هنا فى المنتدى عامل تقرير كامل صور + فيديو ياريت تراجعو و هو اكيد هيساعدك اكتر من اى حد

**ahmedazabreno** · 07-04-2013 10:56 AM

انا عندى نفس الكاست ادريان m9 بس صوتة تحفة و فية راديو وكل حاجة ومعاية بقالة 6 شهور ولا جرالة اى حاجة

**akmm** · 07-04-2013 11:19 AM

مش كل المنتجات الصينى رديئه ... وخاصه لو كانت عن طريف وكيل جيد زى ادريان للحفاظ على سمعته وبعدين اخبار الضمان ايه من ادريان للكاسيت

**samihanwar** · 08-04-2013 06:54 PM

طيب هو فى سيدى كمان
ويعنى على كلامكم كده انو كويس ومش فلوس بتترمى

**mous6fa** · 08-04-2013 09:39 PM

حضرتك أنا اللى عامل تقرير عن الكاسيت الأدريان أول لما أشتريته ... الكاسيت ما شاء الله عليه ممتاز ممتاز ممتاز .. وأعضاء كتير هنا ف المنتدى أشتروه بعد التقرير بتاعي وعجبهم اوووي ودخل دماغهم .. ويمكن بسبب الإقبال عليه سعره أرتفع من 180 جنيه وبيوصل لـ 275 زي ما حضرتك لقيته.
الكاسيت بيشغل فلاشة وكارت وaux وفيه راديو .. ولكن مش بيشغل سيديهات .. وكمان فيه rca لو عاوز تزود إمبلفاير.
وأحد الأعضاء قال إنه الكاسيت من الداخل فيه بعض الأجزاء من بايونيير كمان وعشان كده الجودة بتاعته عالية جداااااا ومتحسش إنه صيني نهائيا .
أتكل ع الله لو ناوي ع الأدريان ولكن أخر وأقل سعر شافوه الأعضاء كان 195 جنيه فى شارع الأزهر وكان للموديل m9 اللى عملت عنه التقرير .. إنما ف التوفيقية هتلاقي موديلات m1 - m2 شكلها مختلف وسعرها أغلى .. ولكنها نفس الإمكانيات بالظبط .

**samihanwar** · 10-04-2013 02:35 PM

المشاركة الأصلية كتبت بواسطة mous6fa

حضرتك أنا اللى عامل تقرير عن الكاسيت الأدريان أول لما أشتريته ... الكاسيت ما شاء الله عليه ممتاز ممتاز ممتاز .. وأعضاء كتير هنا ف المنتدى أشتروه بعد التقرير بتاعي وعجبهم اوووي ودخل دماغهم .. ويمكن بسبب الإقبال عليه سعره أرتفع من 180 جنيه وبيوصل لـ 275 زي ما حضرتك لقيته.
الكاسيت بيشغل فلاشة وكارت وaux وفيه راديو .. ولكن مش بيشغل سيديهات .. وكمان فيه rca لو عاوز تزود إمبلفاير.
وأحد الأعضاء قال إنه الكاسيت من الداخل فيه بعض الأجزاء من بايونيير كمان وعشان كده الجودة بتاعته عالية جداااااا ومتحسش إنه صيني نهائيا .
أتكل ع الله لو ناوي ع الأدريان ولكن أخر وأقل سعر شافوه الأعضاء كان 195 جنيه فى شارع الأزهر وكان للموديل m9 اللى عملت عنه التقرير .. إنما ف التوفيقية هتلاقي موديلات m1 - m2 شكلها مختلف وسعرها أغلى .. ولكنها نفس الإمكانيات بالظبط .

ألف شكر لمساعده حضرتك

**essam_shaaban** · 10-04-2013 05:26 PM

انا امبارح عديت علي ادريان المعادي شوفت الكاسيت راكب هناك ع البورده المجهزة بسماعات ادريان والله الكاسيت جامد جدا كان معروض موديل m2 بوش سنتريت بيتخلع و صوته حلو جدا جدا و نقي و تحكم بسيط و لذيذ و تحس ان السوفت وير بتاعه زي البايونير الكتابة اللي بتجري و بيقرا اسامي الاغاني و اسامي الفولدرات الانجليزي فقط مش بالعربي طبعا او الفرانكو

السعر النهائي له في ادريان المعادي للموديل M1 - M2 كان 265 جنيه بالتركيب

أما عند ارخصهم التوفيقية فانا اتصلت بيهم فعلا و قالولي نفس الموديلين موجودين بسعر 190 جنيه بدون تركيب

وانا ناوي انفذ عند ادريان عشان هما هايلين في التركيب بصراحة وناس فاهمة وعاوز كمان اغير اسلاك السماعات بأسلاك جديدة عشان حاسس انهم بيخروشوا ............

واي ااستفسار انا تحت الأمر ......