سعر الشاهين ال 1400 الفاضية وصل إلى 70 ألف جنيه نتيجة لأنها آخر دفعة

**amir** · 31-08-2008 07:20 PM

المشاركة الأصلية كتبت بواسطة mig44n

هم مبيستغفلوش الشعب.....
الشعب هو الى بيقولهم استغفلونى....
ناس هتموت على شاهين زيرو كانها عربية الاحلام!!!!!

اوجزت فأنجزت

**shady_elkady** · 01-09-2008 11:01 AM

كفايا ابوبها الى مبتقفلش الى بالرزع

**amir** · 02-09-2008 03:35 AM

المشاركة الأصلية كتبت بواسطة HRH_Sameh

يا جماعة انتو زعلانين ليه ماكل واحد حر !!!

احنا النقطه اللي بنتكلم فيها ان خساره المبلغ ده في عربيه زيرو من الموديل ده , لكن كمستعمل او قديم فالعربيات دي شايله ناس كتير و كافياهم شر المواصلات, احنا فقط بنعيب علي اللي بيشتري زيرو بالمبلغ ده شاهين او لادا او 128 في نفس الوقت اللي اسعارهم تجيب بيه مستعمل كوري او حتي ياباني موديلات حديثه نسبيا, ده طبعا غير زيرو صيني زي الاسبيرانزا 516 و 113 و الله برقبه العربيات دي
و بعدين احنا مش زعلانين او حاجه ولا في تار بايت بينا و بين العربيات دي هو بس الواحد بيتكلم عن رأئيه الشخصي ليس الا و بعدين اللي عايز يشتري حاجه هو حر في فلوسه

**فادى** · 02-09-2008 02:56 PM

المشاركة الأصلية كتبت بواسطة amir

احنا النقطه اللي بنتكلم فيها ان خساره المبلغ ده في عربيه زيرو من الموديل ده , لكن كمستعمل او قديم فالعربيات دي شايله ناس كتير و كافياهم شر المواصلات, احنا فقط بنعيب علي اللي بيشتري زيرو بالمبلغ ده شاهين او لادا او 128 في نفس الوقت اللي اسعارهم تجيب بيه مستعمل كوري او حتي ياباني موديلات حديثه نسبيا, ده طبعا غير زيرو صيني زي الاسبيرانزا 516 و 113 و الله برقبه العربيات دي
و بعدين احنا مش زعلانين او حاجه ولا في تار بايت بينا و بين العربيات دي هو بس الواحد بيتكلم عن رأئيه الشخصي ليس الا و بعدين اللي عايز يشتري حاجه هو حر في فلوسه

العربيات الى انت بتتكلم عنها دى زى الفيرنا و الاسبيرانزا و حتى اليابانى المستعمل مش تكنولوجيا أحدث من الشاهين و لا حاجة,
هى مجرد تقفيل لتكنولوجيا أمريكية قديمة بشكل حديث لا أكثر و لا أقل,
و الشاهين برقبة الفيرنا و اللانوس و غيرها من السيارات الأسيوية, لكن هنعمل ايه فى الشعب المصرى الى لما يشوف عربية شكلها انسيابى و فيها تكييف و قزاز كهربا تبقى خلاص عربية قمة فى التكنولوجيا,
أنا موافق انو الشاهين تبقى أغلى من اللانوس و الفيرنا و غيرهم, لأن ده منطقى, و لازم تسوق الشاهين قبل ما تتكلم عنها, واضح انك بتتكلم عن انطباع و ليس تجربة.

**mig44n** · 02-09-2008 03:09 PM

طبعا العربيات الجديدة حتى الفرنا والانوس احدث من الشاهين ومتقدمه عن الشاهين فى التكنولوجيا....
ده الشاهين هى الى بتستخدم تكونولوجيا قديمة....
الشاهين متنفعش غير تاكسى لانها عربية فاضية مفيهاش حاجة يعنى عربية عبارة عن اجزاء ميكانيكية متركبة على شاسية....
انا لو معاي فلوس الشاهين جديدة طبعا مستحيل اشتريها لانى عايز عربية للاستخدام الادامى مش عربية مفيهاش اى وسائل الراحة...
وبعدين انطباع ايه....الواحد بيتكلم عن تجربة يعنى الواحد ركب الشاهين وركب الانوس والفيرنا...
الشاهين عامله زى عربيتى ال 128 بس الفرق انها اكبر منها بره وجوه انما مشى العربية وسواقتها فال 128 احسن واسهل كمان وامتع فى السواقة...
انما طبعا فيرنا او لانوس لا فى فرق كبيييير:-
1-راحه فى القياده مع سهوله الباور
2-عزل للصوت والحرارة بيضيف برضه راحه للركاب والسائق
3-محرك مناسب جدا وله قدرة جميلة على السحب والانطلاق والتسارع فى اى لحظة
وده بيسبب سهولة فى القيادة برضه
4-طبعا تكييف فبريكا بتاع العربية وبيبقى جامد جدا
5-صالون سيارة حديث بتابلوه انيق وحديث
يعنى لو مثلا خيروك بأمانه انك تسوق فيرنا ولا شاهين فى ظروف مصر الزحمة والحر والتكسير والقرف هتختار ايه بأمانه؟؟؟؟؟؟؟؟؟؟؟؟

**فادى** · 02-09-2008 03:35 PM

المشاركة الأصلية كتبت بواسطة mig44n

طبعا العربيات الجديدة حتى الفرنا والانوس احدث من الشاهين ومتقدمه عن الشاهين فى التكنولوجيا....
ده الشاهين هى الى بتستخدم تكونولوجيا قديمة....
الشاهين متنفعش غير تاكسى لانها عربية فاضية مفيهاش حاجة يعنى عربية عبارة عن اجزاء ميكانيكية متركبة على شاسية....
انا لو معاي فلوس الشاهين جديدة طبعا مستحيل اشتريها لانى عايز عربية للاستخدام الادامى مش عربية مفيهاش اى وسائل الراحة...
وبعدين انطباع ايه....الواحد بيتكلم عن تجربة يعنى الواحد ركب الشاهين وركب الانوس والفيرنا...
الشاهين عامله زى عربيتى ال 128 بس الفرق انها اكبر منها بره وجوه انما مشى العربية وسواقتها فال 128 احسن واسهل كمان وامتع فى السواقة...
انما طبعا فيرنا او لانوس لا فى فرق كبيييير:-
1-راحه فى القياده مع سهوله الباور
2-عزل للصوت والحرارة بيضيف برضه راحه للركاب والسائق
3-محرك مناسب جدا وله قدرة جميلة على السحب والانطلاق والتسارع فى اى لحظة
وده بيسبب سهولة فى القيادة برضه
4-طبعا تكييف فبريكا بتاع العربية وبيبقى جامد جدا
5-صالون سيارة حديث بتابلوه انيق وحديث
يعنى لو مثلا خيروك بأمانه انك تسوق فيرنا ولا شاهين فى ظروف مصر الزحمة والحر والتكسير والقرف هتختار ايه بأمانه؟؟؟؟؟؟؟؟؟؟؟؟

أنا فعلا اخترت الشاهين من قبل, الشاهين الى معايا جايبها زيرو موديل 2006, و كانت وقتها أغلى من اللانوس و الفيرنا و رغم ذلك اخترت الشاهين.
1- الشاهين برضو فيها باور!
2- عزل معقول و لكن سوف تستمتع بصوت المحرك القوى و الذى يزلزل قلوب أصحاب الفيرنا و اللانوس.
3- محرك الشاهين أفضل من محرك الفيرنا بمراحل, و أكثر مرونة و تسارعها أفضل و خاصة محرك التمبرا الجديد المزود بحقن اليكترونى, و هو محرك لا يزال يعتمد فى طرازات فيات حتى الأن.
محرك الفيرنا هو نفسه على ما أعتقد محرك الأكسنت, و هو بالمناسبة اعادة تصنيع لمحرك يابانى قديم, الذى هو بدوره اعادة تصنيع لمحرك أمريكى قديم!!
و انا سقت الأكسنت و معجبتنيش.
4- الشاهين 1600 فيها تكييف برضو, بس انت بتشترى عربية مش تكييف!
5- تابلوه الفيرنا مصنوع من مواد رديئة للغاية, و كونه فيه خطوط دائرية ليس ميزة.
6- الشاهين دفع خلفى, أكثر ثباتا و أكثر متانة من الفيرنا.
7- الشاهين معمرة أكثر من الفيرنا, و بالنسبة لواحد مثلى بيعمل 25 الف فى السنة, فانا لو اشتريت فيرنا يبقى هخش فى اسطوانة بعد سنتين على الأكثر, و عفشة بعد 3 سنين, و فى عمرة موتور بعد 4 سنين, انما الشاهين هتوصل معايا ل8-10 سنين بدون أى اصلاحات أساسية.
8- فى النهاية السيارة لا تقيم بحسب كمية الكماليات المتوفرة بها, و الا لأصبحت السيارة الصينية المجهولة الهوية الى فيها دى فى دى من أحسن السيارات بمصر.

**amir** · 02-09-2008 04:16 PM

المشاركة الأصلية كتبت بواسطة فادى

1- الشاهين برضو فيها باور!
2- عزل معقول و لكن سوف تستمتع بصوت المحرك القوى و الذى يزلزل قلوب أصحاب الفيرنا و اللانوس.
3- محرك الشاهين أفضل من محرك الفيرنا بمراحل, و أكثر مرونة و تسارعها أفضل و خاصة محرك التمبرا الجديد المزود بحقن اليكترونى, و هو محرك لا يزال يعتمد فى طرازات فيات حتى الأن.
محرك الفيرنا هو نفسه على ما أعتقد محرك الأكسنت, و هو بالمناسبة اعادة تصنيع لمحرك يابانى قديم, الذى هو بدوره اعادة تصنيع لمحرك أمريكى قديم!!
و انا سقت الأكسنت و معجبتنيش.
4- الشاهين 1600 فيها تكييف برضو, بس انت بتشترى عربية مش تكييف!
5- تابلوه الفيرنا مصنوع من مواد رديئة للغاية, و كونه فيه خطوط دائرية ليس ميزة.
6- الشاهين دفع خلفى, أكثر ثباتا و أكثر متانة من الفيرنا.
7- الشاهين معمرة أكثر من الفيرنا, و بالنسبة لواحد مثلى بيعمل 25 الف فى السنة, فانا لو اشتريت فيرنا يبقى هخش فى اسطوانة بعد سنتين على الأكثر, و عفشة بعد 3 سنين, و فى عمرة موتور بعد 4 سنين, انما الشاهين هتوصل معايا ل8-10 سنين بدون أى اصلاحات أساسية.
8- فى النهاية السيارة لا تقيم بحسب كمية الكماليات المتوفرة بها, و الا لأصبحت السيارة الصينية المجهولة الهوية الى فيها دى فى دى من أحسن السيارات بمصر.

فادي بك
شكلك متعصب قلبا و قالبا لعربيتك الحاليه, و مع ان ده مش عيب بس احنا في منتدي سيارات و الناس بتاخد برأينا, فلما سيادتك تقول الشعر ده في الشاهين و تذم كده في اللانوس و الفيرنا يبقي كلامك مش منطقي, ارجوك العربيات دي كلنا بنركبها و بنغيرها فمش معقول تتحيز لعربيتك للدرجه دي لأن ده بيفقدك مصداقيه حكمك علي العربيه, و ارجوك حاول تفكر في كلامي الاول قبل ما تهاجمني

-

-

-

مشاهدة نتائج الإستطلاع: ماذا سنقول في وداع الشاهين

الموضوع: سعر الشاهين ال 1400 الفاضية وصل إلى 70 ألف جنيه نتيجة لأنها آخر دفعة

LinkBack

أدوات الموضوع

عرض

-

-

-

-

المواضيع المتشابهه

انا عندى مشكله فى كهرباء الشاهين 1400

تقرير مصور لصيانة الشاهين 1400 سي سي

نسبة انضغاط محرك الشاهين ال 1400

الشاهين 1400 ولا اللادا 2107

الشاهين 1400 ولا اللادا 2110

الكلمات الدلالية لهذا الموضوع

المفضلات

المفضلات

ضوابط المشاركة