التيل الخلفي المصري زبالة

**hesham1978mmmm** · 05-04-2013 03:16 PM

انا كنت اول امس في التوكيل بالصحراوي وكنت باغير تيل فرامل خلفي عشان خلص وعامل بيه 25 الف كم بس التوكيل معندوش غير البوش او المصري مفيش حتي الماليزي فركبت المصري وصوت الصفارة ايه شغال زي الفل حاجة بجد مقرفة جدا وكمان اول ما أكون ماشي ببطء بامسع صوت احتكاك من العجلة الخلفية مش عارف ده ايه وحرام اروح مشوار التوكيل تاني انا زهقت بجد

**Land_Cruiser** · 05-04-2013 03:20 PM

ما ينفعش يا فندم تسترخص في تيل الفرامل او حتي الكاوتش. دول يا فندم امان العربيه و لازم تركب انضف حاجه لان الموضوع ما يستحملش تجربه

**S O P H O S** · 05-04-2013 03:41 PM

للاسف الواحد يجرب المصري ويحصل كده
والمشكلة ارجع واقول فالتوكيل
حاول تغيره قريب امان ليك اكتر

**eng.m7md.ali** · 05-04-2013 04:07 PM

ياجماعة احنا حذرنا بدل المرة الف مرة من الاتيال دي

التيل المصري زفت .. والتوكيل زفت معندهمش ضمير

بما ان العربية عملت 25 الف يبقى الطنابير والتيل برة الضمان يعني حضرتك تغيرهم احسن عند اي حد برة بالنوع اللي تحبه

**mhf_77** · 05-04-2013 05:09 PM

باستثناء الملابس الداخليه اى حاجه مصرى زباله
وبعدين التيل اللى ورا لو بيصفر من غير ماتمسك فرامل يبقى عايز اعادة رجرشه يخف السوسته شويه على الاقل هيصفر فى الفرامل بس مش مع المشى

**tutankhamoun** · 05-04-2013 06:54 PM

المشاركة الأصلية كتبت بواسطة mhf_77

باستثناء الملابس الداخليه اى حاجه مصرى زباله
وبعدين التيل اللى ورا لو بيصفر من غير ماتمسك فرامل يبقى عايز اعادة رجرشه يخف السوسته شويه على الاقل هيصفر فى الفرامل بس مش مع المشى

حــــــــــــــــــــــــ ـــــــــــــــــــــــــ ــــرام ندمر بلدنا و نطلع سمعة مش كويسة و خلاص
أنا عندي كل الأجهزة الكهربائية مصري ............ و الحمد لله مبسوط منها و زي الفل .

بالنسبة للتيل

طبيعـــــــــــــــــــــ ـي يصفر عند بداية التركيب و لغاية التطبيع .

أنا معرفشش عن التيل ده حاجة و مش مجربه و لكن أي تيل جديد لازم يطبع الأول .

و أعرف ناس كتيرة معاها جين 2 و أشتروا اتيال أسباني و تركي و صيني و فيه منهم الحلو و فيه منهم الوحش

و الناس لما بتيجي تقول وحش بتقول اسم الماركة مش بلد النصاعة

رفقا ببلدكم

**tamerosman** · 05-04-2013 08:12 PM

ازاى تيل خلفى يخلص فى 25الف كم بس !!!

**hesham1978mmmm** · 06-04-2013 10:10 PM

المشاركة الأصلية كتبت بواسطة eng f3lix

ياجماعة احنا حذرنا بدل المرة الف مرة من الاتيال دي

التيل المصري زفت .. والتوكيل زفت معندهمش ضمير

بما ان العربية عملت 25 الف يبقى الطنابير والتيل برة الضمان يعني حضرتك تغيرهم احسن عند اي حد برة بالنوع اللي تحبه

طب حضرتك تنصحني بأيه واجيب منين وايه احسن الأنواع وسعرها كام يا استاذ فيلكس

**tutankhamoun** · 07-04-2013 07:09 AM

المشاركة الأصلية كتبت بواسطة hesham1978mmmm

طب حضرتك تنصحني بأيه واجيب منين وايه احسن الأنواع وسعرها كام يا استاذ فيلكس

أستاذ هشام ... السلام عليكم

أتفق أغلب ملاك الجين 2 منذ فترة كبيرة جدا أن التيل الخلفي الأفضل (هو الماليزي أبو 250 جنيه )
أما الامامي هو اللي ممكن تختار من كذا نوع

بس تعالى نرجع للتيل المصري اللي أنت ركبته

بقاله أد أيه راكب ؟
طبع و لا لسه ؟

مع تحياتي لك و للأستاذ فيليكس

**hesham1978mmmm** · 08-04-2013 11:40 PM

المشاركة الأصلية كتبت بواسطة tutankhamoun

أستاذ هشام ... السلام عليكم

أتفق أغلب ملاك الجين 2 منذ فترة كبيرة جدا أن التيل الخلفي الأفضل (هو الماليزي أبو 250 جنيه )
أما الامامي هو اللي ممكن تختار من كذا نوع

بس تعالى نرجع للتيل المصري اللي أنت ركبته

بقاله أد أيه راكب ؟
طبع و لا لسه ؟

مع تحياتي لك و للأستاذ فيليكس

ازيك يا استاذ توت
اولا التيل الماليزي الخلفي مش موجود في التوكيل
ثانسا التيل المصري مجرد ما تركبه بيصفر مع اي فرملة وبصراحة مزعج جدا جدا وانا مركبه وعمل معايا 5 الاف والنهاردة روحت التوكيل عشان كنت باسمع احتكاك جامد في الفرامل وغيرولي ديسكات امامية في الضمان وقالوا عشان التيل المصري بيقضي علي الديكات وده والله كلام الناس اللي في التوكيل