يعنى ايه مثبت سرعه وكيف يستخدم انا بيسمع ان فى العربيات الاتوماتيك مثبت سرعه وكمان يعنى ايه كيك داوون واهميتها ايه اسف على الاطاله
عرض للطباعة
يعنى ايه مثبت سرعه وكيف يستخدم انا بيسمع ان فى العربيات الاتوماتيك مثبت سرعه وكمان يعنى ايه كيك داوون واهميتها ايه اسف على الاطاله
مثبت سرعة يعنى (مثبت سرعة ) ههههههه مش محتاجة شرح
وانت على الطريق السريع ماشى 140 مثلا بتدوس على زرار فى الدركسيون او فى دراع الاشارات حسب موديل العربية
بيختلف مكانه وهو وظيفته انه بيثبتك على السرعة دى طول الطريق
وبالنسبة للكيك داون فى الاتوماتيك انك وانت ماشى على الطريق مثلا وحبيت تقرص على الغيار تكبس كبسة بنزين مفاجأة
هتسقط معاك ع الغيار اللى تحته يعنى لو ماشى ع الرابع ودوست بنزين فجأة هتسقط معاك على التالت وتحرق
وطبعا تأثيره على الجيربوكس وحش جدا وبيسبب تلفيات للفتيس
حبيت أضيف بس إن مثبت السرعه ليه سرعه ما ينفعش يشتغل على أقل منها، يعني مثلاً ما ينفعش يشتغل لو العربيه ماشيه على سرعه أقل من 60 كم مثلاً، وعلى فكره مثبت السرعه بيفصل بمجرد اما تدوس على الفرامل.
أو بنزين.... أو ضغط علي زر ايقاف عمله:)اقتباس:
وعلى فكره مثبت السرعه بيفصل بمجرد اما تدوس على الفرامل.
مافيش أي تأثير سئ و لا يوجد تلفيات تحدث نتيجة لتسقيط الغيارات بالفتييس...و الا الشركات المصنعة مكانتش حاطت الاوبشن ده في العربيات و كانت اكتفت بمجرد وصول العربية للسرعة المطلوبة....اقتباس:
وبالنسبة للكيك داون فى الاتوماتيك انك وانت ماشى على الطريق مثلا وحبيت تقرص على الغيار تكبس كبسة بنزين مفاجأة
هتسقط معاك ع الغيار اللى تحته يعنى لو ماشى ع الرابع ودوست بنزين فجأة هتسقط معاك على التالت وتحرق
وطبعا تأثيره على الجيربوكس وحش جدا وبيسبب تلفيات للفتيس
كل حاجة محسوبة بدقة و مهما كنت عنيف في قيادتك هذا أيضا محسوب و مش هاتعرف توصل لتخريب ناقل الحركة أو الموتور الا بقمة الغشومية...و ده وارد جدا مش مستحيل....و ياما نشوف عربيات زيرو بيتعملها عمرات...
بس اللي أقصده هو انه مافيش مشاكل ممن تسقيط النقلة
كلام سليم جدا و عن تجربة
الافضل حين تكون على الرابع مثلا ( سيارة اوتوماتيك )
و تريد النقل على الثالث
ان ترفع رجلك من على البنزين ( حتى ينخفض ال RPM )
و تقوم بيدك بتغير عصا الفتيس من النقلة الرابعة الى الثالثة
ثم دوس بنزين الى ان تصل الى السرعة التى تريدها ( شرط ان لا يصل ال RPM الى الاحمر)
ثم ارجع عصا الفتيس الى النقلة الرابعة
" الكيك داون " فقط للمواقف الاستثنائية.
مع اجمل الامانى بقيادة غير استثنائية ... :thumbsup:
الف شكر يا جماعه على الرد والايضاح بس هو استفسار صغير
لما بندوس على زرار تثبيت السرعه بشيل رجلى من على البنزين ولا بفضل بردوة دايس على البنزين
وجزاكم الله خيرا
الكيك داون مش حايبوظ الفتيس
و احسن من تغيير السرعات بالسيليكتور
طالما انك مش بتكبس لدرجة ان رجلة تجيب الدواسة للارضية بتاعه العربية و تخللي الار بي ام يوصل 6000 مثلا
و تثبيت السرعه يبقى تشيل رجلك من الدواسات خالص لا تدوس بنزين و لا فرامل و العربية حاتحافظ على سرعتها, بس الار بي ام حايتغير حسب المطالع و المنازل عادي
و اول مانت تلمس اي بدال سواء فرامل او بنزين مثبت السرعه بيفصل
الف شكر يا جماعه على الرد وجزاكم الله خيرا على الاستفادة
يا جماعه أنا سقت عربيتين فيهم مثبت سرعه والإثنين مثبت السرعه فيهم مش بيفصل أما تدوس بنزين
بالعكس لو إنت مثلاً مشغل مثبت السرعه على سرعة 100 مثلاً ودوست بنزين ووصلت لـ 130 مثلا، لما تشيل رجلك من على البنزين خالص بعد كده العربيه هاترجع تمشي على 100 تاني.
نظرا ان عندى مثبت السرعه فعايز اضيف حاجة
لو مثبت سرعه على 100 مثلا
-ضغط بنزين السرعه هتزيد معاك ولو سبت البنزين السرعه هترجع تانى ل 100 وتثبت على كده
- دوست فرامل او ضغط على زرار ايقاف المثبت العربيه هترجع للوضع الطبيعى ويبقى انت المتحكم فى السرعه من دواسه البنزين
فى كمان خاصيه انك ترجع للسرعه اللى انت كنت مثبت عليها
يعنى لو انت كنت مثبت على 100 ودوست فرامل والسرعه نزلت ل 60
بتضغط زرار (حسب موديل المثبت بيختلف الزرار اللى تضغط عليه) هتلاقى العربيه بتشد لوحدها لغايه ما توصل ل 100 وتثبت عندها
طبعا فى زرار بيزود السرعه وزرار بيقلل السرعه (يعنى تقريبا هتحس انك بتلعب بلاى استيشن :))
بعض الموديلات فى تحديد السرعه
يعنى بتحدد السرعه القصوى
مثلا لو ظبط السرعه القصوى على 120
مهما دوست بنزين العربيه مش هتجيب معاك اكتر من كده
+1000000000000
بس برده اسلوب القياده بيفرق فى العمر الافتراضى للموتور
اللي اعرفه ان مثبت السرعة بيفصل عند استخدام الفرامل ... اما البنزين فهو بيزود السرعة ولو شيلت رجلك بتنخفض السرعة لغاية ما توصل للسرعة اللي انت مثبت عليها ....وتثبت عليها تاني
...الكلام دة موجود في التويوتا أفالون
يا احمد باشا انت تستاهل كل خير
بكره ان شاء الله نباركلك علي الشيفروليه كابريس ولا اللومينا كده
يا جماعة عندنا في الأوكتافيا أول ما تدوس بنزين أثناء تشغيل المثبت....اللمبة بتاعته بتطفي تماما...و ما بيشتغلش تاني غير ما تدوس علي الزرار بتاعه عشان يرجع للسرعة الأصلية....و برده لو دوست فرامل و جيت تشغله تاني هايقوم بالتسارع لوحده دون تدخل منك...
جزاكم الله خيرا
يبقي كدة حاتخيش العربية كل ماتشغل مثبت السرعه
هههههههههههه
لازم يخللوا المثبت يفصل مع الفرامل او البنزين
علشان لو انت مثبت السرعه في طريق سفر و فوجئت بعربية او شخص طالع قدامك فجأة مش حاتلحق تدوس الزرار و ممكن ماتفكرش فية ساعتها
و حاتبقى محتاج الثانية دي علشان تلحق تفرمل السيارة
او علشان تلحق تدوس بنزين بسرعه و الكيك داون يشتغل مثلا و تتخطى عربية بسرعه لو عربية تانية ظهرت فجأة جاية في وشك في المعاكس
هههههههه
جامده جدا يا باشا
ههههههههه
يا باشا انا كنت بهزر
بس المثبت فعلا لازم يفصل من زرار الفصل او الفرامل او تغيير نقلة الفتيس
موضوع البنزين ده انا شايفه مالوش لازمه
انا عندى اضغط بنزين السرعه بتزيد
اشيل رجلى من على البنزين السرعه بترجع لسرعه المثبت عليها سابقا
لاقيت حتى خروف جاى جرى قدامك اكيد هتشيل رجلك مع البنزين والمس بس الفرامل برجلك هتفصل التثبيت
يبقى ليه تخلى البنزين كمان يفصل التثبيت؟
اناجربت مرسيدس و كان نثبت السرعة بيثبت الحد الأقصى
يعنى لو مثبت على 100 ممكن لما تخف رجلك على البنزين السرعة تنزل 80 لكن مهما تدوس لاتزيد عن 100
ده محدد سرعه فقط
كل مثبت وليه خصائصه
مثبت السرعه بيكون فيه خصائص كتير
مثلا نشوف اللى فى الستروين C4
- تحديد السرعه القصوى (مهما ضغط بنزين مش هتزيد عن السرعه دى)
- الثبات على سرعه معينه (تفضل ماشى على نفس السرعه من غير ما تدوس بنزين خالص)
- زياده السرعه المثبت عليها (زرار + بيزود حوالى 2 كم/س على السرعه المثبتة سابقا)
- تقليل السرعه المثبت عليها (زرار - بيقلل حوالى 2 كم/س على السرعه المثبتة سابقا)
- الغاء التثبيت (بيفصل التثبيت وترجع دواسة البنزين لحالتها الطبيعيه)
ويمكن فصل التثبيت ايضا عن طريق الفرامل او الفتيس (اوتوماتك او ستيب ترونك لو غيرت النقلة)
وده اللى موجود كمان فى الاوبل
فى المرسيدس شوفت اللى فى موديل 2000 كان مجرد محدد للسرعه القصوى فقط
ده Speed Limiter....معظم المرسيدس بيبقي فيه الخاصية دي...بس ممكن يشتغل cruise Control بردهاقتباس:
اناجربت مرسيدس و كان نثبت السرعة بيثبت الحد الأقصى
يعنى لو مثبت على 100 ممكن لما تخف رجلك على البنزين السرعة تنزل 80 لكن مهما تدوس لاتزيد عن
مابيفصلش من تغيير نقلة الفتيس, بس حايخللي الار بي ام يعلى قوي لأنك حطيت نقلة اقل عالفتيس(الاوتوماتيك)
ايوة بس المهم لما تضغط بنزين المثبت يفصل علشان تقدر تزود السرعه (الفجائية) في حالة الاحتياخ لتخطي مفاجيء
ولو الخروف جاي قدامك و انت مثبت السرعه يعني مش حاتكون حاطت رجلك اصلا عالبنزين ساعتها (لأنك أساساً مثبت السرعه و بالتالي شايل رجلك من عالدواسة)
دى انا مش متأكد منها عشان ما ركبتش عربيه فيها مثبت وفيها فتيس من الجديد (استبترةنك - ايزى ترونك- ....)
مهو يا باشا وانت مثبت دواسه البنزين شغاله معاك عادى بعد مستوى الدوسه اللى انت مثبت عليها
يعنى لو انت مثبت السرعه على سرعه تقريبا نص مسافه دواسه البنزين
هتلاقى نص المسافه اللى فى الاول الدواسه فى الطراوة خالص
لكن لو ضغط اكتر هتلاقى العربيه بتستجيب معاك
عايز كيك دوان ارزع الدواسه فى الارض :)
خف رجلك شويه هتلاقى العربيه هدت السرعه شويه
شيل رجلك خالص الدواسه هترجع لنص المسافه وتثبت تانى(تدريجيا)
يبقى فين المشكله :)
موضوع الكيك داون ده خلانى اشك ان فعلا لو غيرت نقله بالفتيس الجديد ممكن المثبت ما يفصلش
تاني
ماهو لو دواسة البنزين ماتفصلش التثبيت يبقى السرعة مش حاتزيد معاك لما تدوس دواسة البنزين
لأن مجموعه مثبت السرعه بتبقى هي المتحكمة في الاكسراتير وقتها مش البدال بتاع البنزين
يبقى بالتالي لازم يتفصل التحكم دة لما تدوس بنزين علشان العربية تستجيب معاك
و بعد ماتشيل رجلك يرجع تاني للوضع اللي كان علية (في بعض موديلات مثبتات السرعه)
واضح اننا بنتكلم عن نفس الحاجة بس بطريقه مختلفه
انا بقول ان لو دوست هتستجيب معاك ولما تشيل رجلك هترجع للسرعه المتثبت عليها تانى
انت لو قصدك بكده انا بتفصل التثبيت وترجعه تانى لوحدها يبقى انا وانت بتكلم زى بعض
لكن لو قصدك ان دواسه البنزين لما تدوس عليها تفصل التثبيت خالص بمعنى انك لو شيلت رجلك العربيه تهدى لغايه ما تقف!!!!
كده يبقى انت تختلف عنى وده مش صح عشان مش ده اللى بيحصل وده اللى انا بحتج عليه