يعنى ايه مثبت سرعه وكيف يستخدم

**magedomran** · 08-08-2008 08:38 PM

يعنى ايه مثبت سرعه وكيف يستخدم انا بيسمع ان فى العربيات الاتوماتيك مثبت سرعه وكمان يعنى ايه كيك داوون واهميتها ايه اسف على الاطاله

**KoDaK_Gti** · 08-08-2008 10:37 PM

مثبت سرعة يعنى (مثبت سرعة ) ههههههه مش محتاجة شرح
وانت على الطريق السريع ماشى 140 مثلا بتدوس على زرار فى الدركسيون او فى دراع الاشارات حسب موديل العربية
بيختلف مكانه وهو وظيفته انه بيثبتك على السرعة دى طول الطريق
وبالنسبة للكيك داون فى الاتوماتيك انك وانت ماشى على الطريق مثلا وحبيت تقرص على الغيار تكبس كبسة بنزين مفاجأة
هتسقط معاك ع الغيار اللى تحته يعنى لو ماشى ع الرابع ودوست بنزين فجأة هتسقط معاك على التالت وتحرق
وطبعا تأثيره على الجيربوكس وحش جدا وبيسبب تلفيات للفتيس

**marsguy** · 08-08-2008 10:50 PM

حبيت أضيف بس إن مثبت السرعه ليه سرعه ما ينفعش يشتغل على أقل منها، يعني مثلاً ما ينفعش يشتغل لو العربيه ماشيه على سرعه أقل من 60 كم مثلاً، وعلى فكره مثبت السرعه بيفصل بمجرد اما تدوس على الفرامل.

**NaderNabil** · 08-08-2008 11:45 PM

وعلى فكره مثبت السرعه بيفصل بمجرد اما تدوس على الفرامل.

أو بنزين.... أو ضغط علي زر ايقاف عمله:)

وبالنسبة للكيك داون فى الاتوماتيك انك وانت ماشى على الطريق مثلا وحبيت تقرص على الغيار تكبس كبسة بنزين مفاجأة
هتسقط معاك ع الغيار اللى تحته يعنى لو ماشى ع الرابع ودوست بنزين فجأة هتسقط معاك على التالت وتحرق
وطبعا تأثيره على الجيربوكس وحش جدا وبيسبب تلفيات للفتيس

مافيش أي تأثير سئ و لا يوجد تلفيات تحدث نتيجة لتسقيط الغيارات بالفتييس...و الا الشركات المصنعة مكانتش حاطت الاوبشن ده في العربيات و كانت اكتفت بمجرد وصول العربية للسرعة المطلوبة....

كل حاجة محسوبة بدقة و مهما كنت عنيف في قيادتك هذا أيضا محسوب و مش هاتعرف توصل لتخريب ناقل الحركة أو الموتور الا بقمة الغشومية...و ده وارد جدا مش مستحيل....و ياما نشوف عربيات زيرو بيتعملها عمرات...

بس اللي أقصده هو انه مافيش مشاكل ممن تسقيط النقلة

**حاتم سليم** · 08-08-2008 11:45 PM

المشاركة الأصلية كتبت بواسطة kodak_gti

وبالنسبة للكيك داون فى الاتوماتيك انك وانت ماشى على الطريق مثلا وحبيت تقرص على الغيار تكبس كبسة بنزين مفاجأة
هتسقط معاك ع الغيار اللى تحته يعنى لو ماشى ع الرابع ودوست بنزين فجأة هتسقط معاك على التالت وتحرق

وطبعا تأثيره على الجيربوكس وحش جدا وبيسبب تلفيات للفتيس

كلام سليم جدا و عن تجربة

الافضل حين تكون على الرابع مثلا ( سيارة اوتوماتيك )

و تريد النقل على الثالث

ان ترفع رجلك من على البنزين ( حتى ينخفض ال RPM )

و تقوم بيدك بتغير عصا الفتيس من النقلة الرابعة الى الثالثة

ثم دوس بنزين الى ان تصل الى السرعة التى تريدها ( شرط ان لا يصل ال RPM الى الاحمر)

ثم ارجع عصا الفتيس الى النقلة الرابعة

" الكيك داون " فقط للمواقف الاستثنائية.

مع اجمل الامانى بقيادة غير استثنائية ...

**magedomran** · 09-08-2008 01:52 PM

الف شكر يا جماعه على الرد والايضاح بس هو استفسار صغير
لما بندوس على زرار تثبيت السرعه بشيل رجلى من على البنزين ولا بفضل بردوة دايس على البنزين
وجزاكم الله خيرا

**Adham** · 09-08-2008 02:07 PM

الكيك داون مش حايبوظ الفتيس

و احسن من تغيير السرعات بالسيليكتور

طالما انك مش بتكبس لدرجة ان رجلة تجيب الدواسة للارضية بتاعه العربية و تخللي الار بي ام يوصل 6000 مثلا

و تثبيت السرعه يبقى تشيل رجلك من الدواسات خالص لا تدوس بنزين و لا فرامل و العربية حاتحافظ على سرعتها, بس الار بي ام حايتغير حسب المطالع و المنازل عادي

و اول مانت تلمس اي بدال سواء فرامل او بنزين مثبت السرعه بيفصل

**magedomran** · 09-08-2008 02:51 PM

الف شكر يا جماعه على الرد وجزاكم الله خيرا على الاستفادة

**tomcruies_egy** · 09-08-2008 07:49 PM

**marsguy** · 09-08-2008 10:22 PM

يا جماعه أنا سقت عربيتين فيهم مثبت سرعه والإثنين مثبت السرعه فيهم مش بيفصل أما تدوس بنزين

بالعكس لو إنت مثلاً مشغل مثبت السرعه على سرعة 100 مثلاً ودوست بنزين ووصلت لـ 130 مثلا، لما تشيل رجلك من على البنزين خالص بعد كده العربيه هاترجع تمشي على 100 تاني.

الموضوع: يعنى ايه مثبت سرعه وكيف يستخدم

LinkBack

أدوات الموضوع

عرض

-

-

-

-

-

المواضيع المتشابهه

العربيه بقى فيها مثبت سرعه !!!!!!

مثبت سرعه ؟؟؟؟؟؟؟؟

مثبت سرعه للجيتا ؟؟

مثبت سرعه للاوبترا

نفسي في مثبت سرعه

الكلمات الدلالية لهذا الموضوع

المفضلات

المفضلات

ضوابط المشاركة