[QUOTE=zika99_eg;3874913421]
يا باشا ما فيش اي استعجال
ده يكفي ان اشوفكم بس من غير ما نعمل اي حاجه
نشوف هنظبط امتي وان شاء الله هكون معاكم
الف شكر ليك
ياباشا ربنا يخليك يبقى على بركه الله هنظبط كده مع المهندس سيد ونتفق على معاد مناسب ان شاء الله
[QUOTE=zika99_eg;3874913421]
يا باشا ما فيش اي استعجال
ده يكفي ان اشوفكم بس من غير ما نعمل اي حاجه
نشوف هنظبط امتي وان شاء الله هكون معاكم
الف شكر ليك
ياباشا ربنا يخليك يبقى على بركه الله هنظبط كده مع المهندس سيد ونتفق على معاد مناسب ان شاء الله
ربنا يكرمك محمود بيك و انا أسعد و ان شاء الله هتتكرر كتير لأنك قريب جدا من مكان شغلي ... و تأكد طول مانا موجود في المعادي لو عندك وقت في نفس الميعاد انا معنديش مشكلة اتشرف بيك دائما و ربنا يديم الود و الحب و الاخوه و ربنا يوفقنا جميعا لما يحبه و يرضاه
الحمد الله اول مرة اعمل حاجة مفيدة بنفسى فى العربية :vctry: ... احساس تانى ياجماعة انك تعالج عيب او مشكلة محياراك بنفسك ... الحمد الله ربنا وفقنى بفضل توجيهات المهندس ايهاب و المهندس سيد ...
المهندس سيد اول ما قلتله على المشكلة قالى يبقى الثرموستات الكوعة باى باى والاكيد ملغية عندك وفعلاً طلعت ملغية زى ماتوقع
المهندس ايهاب بصراحة هو اللى شجعنى انى اغيرها بنفسى ..
المشكلة كانت فى حجتين 1 : انا معرفش مكان ثرموستات الكوعة دى اصلاً فين ( غير موضوع الفك ) :U_thin1[1]:
2 : لسه مغير المياه بمياه فولكس الحمراء بــ 85 جنيه يعنى نارهم مبردتش زى ما ابو سيد قال :11:
طبعا مقابلة المهندس ايهاب عرفتنى حجات كتيرة وبصراحة هو اللى شجعنى بأنها بسيطة ومش هتاخد غير 10 دقائق محتاجين بس مفتاح بيبه 8 ودى سهلة خالص ... طب هى فين يا عم ايهاب قال اهيه و2 مسمار ببيه 8 وهتفك وتركب الثرموستات وترجع تقفل تانى وشكراً :U_thin1[1]:
طب المياه اللى بــ 85 جنيه اقترح عليا فكرة وتصفيه المياه فى جركن مثلاً بحيث ماتهدرش من طبه كدة جمب حساس الحرارة ...
توكلت على الله ورحت اشتريت ثرموستات الكوعة دى من واحد فى شارع السودان اسمه الالمانى جمب الشغل بتاعى بــ 60 جنيه
ورحت جايب العدة ... جتلى فكرة علشان مخسرش المياه وتهدر معايا وهى انى افك خرطوم المياه اللى فى الشجرة ( الخرطوم اللى بيبقى من فوق فى الردياتير ) ودة معناه ان المياه اللى هاتتصفى هاتبقى المياه اللى جوة الشجرة بس ودى كميه قليلة صفتها فى علبة صغيرة بتاع 1 لتر او 1.5 لتر بكتير وباقى المياه طبعا فى الدورة ( الردياتير والخراطيم ) كل الكلام دة والعربية باردة
تمام كدة ... حد صاحى معايا ولا اية ؟؟ :rfds:
ورحت فاكك الوصلة اللى فى الشجرة وركبت الثرموستات الجديدة وقفل تانى وركبت الخرطوم تانى ودور العربية وزودت المياه اللى انا جمعتها فى علبة .. طبعا كنت فكيت خرطوم الراجع من القربة علشان اخد الهواء منها وتمام تمام ...
جرب يا عم على السلانسية ... الحرارة على النصف فى خلال 7 او 8 دقائق ... شغل التكييف ربع ساعة الحرارة على النصف 100*100 :S_thum1[1]:
10 دقائق كمان والتكييف شغال والحرارة تمام ... بس بعد شوية الحرارة جت عدت النصف بشوية كدة لمدة دقيقة كدة وراحت راجعة للنصف تانى
الفرق عن ماقبل تركيب الثرموستات كان لما التكييف يشتغل مفيش دقيقة ولاقى الحرارة على الربع .. الحمد الله ظبطت شوية وع التجربة فى المشاوير بكرة ان شاء الله وانا رايح الشغل
تحياتى
معلش يا جماعة انا مصورتش العملية الجراحية بتاعت تركيب ثرموستات الكوعة علشان الكاميرا عندى صورها بتبقى مساحتها اكبر من اللى مسموح بيه فى المنتدى ... لازم الحد المسموح لمساحة الصور فى المنتدى تكبر شوية لان المساحة صغيرة قوى
http://nileup.com/up/uploads/nilemotors_13654546131.jpg
ودى شوية اسعار سألت عليها وانا بجيب الثرموستات علشان الكل يستفيد
فلتر هواء 40 جنيه + توبران 50 جنيه
فلتر بنزين 50 جنيه
فلتر زيت علامات 50 جنيه
سير كاتينة المانى علامات فولكس 90 جنيه + اسبانى 70 جنيه
سير دينمو 70 جنيه
يا حوده يا جاااامد
طالما ايدك اتشحمت يبقى انت كده انضميت لورشة سيات وبقيت معلم
بس ياريت تاخد الكلام ده وتعمله فى موضوع جديد
معلش هنتعبك بس عشان الكل يستفيد وعشان نضمه لسلسلة http://www.nilemotors.net/Nile/304855-a.html
وبالنسبة للصور تقدر تنزلها عادى بس الاول افتحها فى برنامج paint واعمل resize هتلاقى حجمها صغر
الله ينور يا محمود و اي حاجه تحب تعملها مافيش مشكلة قول و احنا معاك و كلها حاجات بسيطة و لكن المهم نمشي خطوات صحيحة و نتعلم من تجارب الأخرين و نفكر دائما قبل التنفيذ
و ربنا يوفقنا جميعا لما يحبه و يرضاه
الحمد الله يعنى انا كدة بقيت معلم قد الدنيا :3mla:
مش عاوز اقلك احساس تانى خالص لما تعمل الحاجة بأيدك
للاسف ياكريم انا مصورتش لان صورت قبل كدة وكانت المساحة كبيرة على المنتدى فمصورتش المرة دى معلش تتعوض وشوية كدة بعد فترة التجربة افكها تانى واصور واركب تانى
خلاص بقى دى بقت حاجة سهله جاوى وبسيطة جاوى :Bravo:
يا كبير ممكن تقول مكانها فين او تصورها عشان اعمل الحوار ده
انت محتاج 3 حجات ( بيبة 8 علشان تفك الجزء الموجود فى الشجرة علشان تركب الثرموستات + بيبة 10 علشان توسع لنفسك وتفك وش بلاستيكى كدة راكب على الماتور + زرادية ( الكماشة ) علشان تفك افيز خارطوم المياه
بالنسبة لمكانها شوف خرطوم الردياتير اللى فوق مش اللى تحت وامشى مع الخرطوم دة هتلاقيه واصل للماتور .. هو دة الجزى اللى راكب فيه الخرطوم هتلاقية ممسوك بـ 2 مسمار بيتفكوا ببيبه 8
وانا هصورها ان شاء الله علشان تفيدك اكتر
توكلت على الله ورحت اشتريت ثرموستات الكوعة دى من واحد فى شارع السودان اسمه الالمانى جمب الشغل بتاعى بــ 60 جنيه
فين في شارع السودان بالظبط
فى اخر شارع السودان عند مقار ( من ناحية البحوث ) هيبقى على ايدك اليمين بحوالى 150 متر
طيب هي الترموستات دي بتوصل باي حاجه ولا بتركب كده وخلاص:untitled:
بتركب وخلاص هى بتبقى عاملة زى شكل اسطوانى كدة ( باكو النعناع ) ليها عدلة بتبقى طرفين ( طرف بيبقى عبارة عن قرص نحاسى كدة قد العملة وفيه سن صغير كدة دة بيبقى لــ برة وانت بتركب وبعد كدة تروح مركب الوش اللى انت فكيته بالبيبة 8 وتربط كويس وخلاص ) بس بعد العربية لما تسخن ابقى شيك على المكان اللى فكيتة شوفه فى مياه مرشحه ولا مربوطة كويس
جرب يا عم على السلانسية ... الحرارة على النصف فى خلال 7 او 8 دقائق ... شغل التكييف ربع ساعة الحرارة على النصف 100*100 :s_thum1[1]:
الحمد لله انها ظبطت معاك
الحمد الله عقبالك .. وانا معاك لو عاوز اى حاجة
تعديل بسيط انا اسف ... انا فكيت الخرطوم اللى واصل للماتور وراكب فى الردياتير من تحت مش من فوق زى ما قلت
تانى يعنى خرطوم المياه اللى فى الردياتير من تحت امشى معاة لحد ما يصل الى الماتور واقف هنا وتفك الافيز بتاع الخرطوم دة هيقلل معاك المياه الخارجة يعنى بالكتير لتر واحد بس اللى هيتصفى
ونفس المكان اللى راكب فيه الخرطوم دة هو اللى هيتفك من المسمارين بالبيبه 8 علشان تركب ثرموستات الكوعة
الحمد الله الحرارة على الطريق الطوالى مشاء الله ممتازة على مؤشر النصف على طول بس مجربتش الطوالى بالتكييف لسه ... والمياه فى القربه على مستواها الحمد الله .. بشره خير ان شاء الله
الحمد لله
السلام عليكم
معلش يا جماعه انا جبت الترموستات ومحتار في تركيبها
اولاً
ده الشكل عندي في العربية
http://img43.imageshack.us/img43/350/28464980.jpg
دلوقت انا اشتغل في اي واحد
اللي جي من فوق اللي هو ده مع اني مش شايف فيه اي كوعه
http://img849.imageshack.us/img849/6198/54303126.jpg
واللي اللي جي من تحت
وده اللي شايف فيه كوعه
http://img38.imageshack.us/img38/3416/66476727.jpg
:untitled:
ثانياُ
ده الترموستات اللي جبته
http://img23.imageshack.us/img23/945/calorstate.jpg
يا ترا رقم 1 بيكون فين ورقم 2
اتجاه التركيب ازاي ؟؟ :3mla:
منتظر الرد
والف شكر مقدماً :embarrassed::ma:
الثرموستات ده مش هو اللي بيركب عندنا اللي بيركب عندنا شكله مختلف هدور له علي صورة و اجيبهولك ان شاء الله
تعديل
ده شكل الثرموستات الي يركب عندك
http://i.ebayimg.com/00/s/OTYwWDEyOD...y(g~~60_35.JPG
الف شكر ليك يا هندسه
خلاص انا اروح ارجع الترموستات اللي جبته واجيب زي اللي حضرتك قولت عليه
بس معلش اتقل علي حضرتك
انهي ناحيه اللي تكون في الماتور
http://img692.imageshack.us/img692/821/63378966.jpg
والف شكر ليك يا هندسه
انا تاعبك معي
:S_thum1[1]:
[QUOTE=zika99_eg;3874942213]السلام عليكمهو انا ماتور 1000 مش عارف كل المواتير زى بعضها ولا ايه .. بس من الواضح والاكيد من الصورة ان الخرطوم اللى حضرتك مصورة دة الخرطوم اللى جاى من فوق الردياتير ولو زى ماتورى يبقى المفروض ورا الخرطوم دة فى خرطوم تانى هو دة اللى بيتفك وبيبقى جاى من الجزء اللى تحت فى الردياتير ..
معلش يا جماعه انا جبت الترموستات ومحتار في تركيبها
اولاً
ده الشكل عندي في العربية
http://img43.imageshack.us/img43/350/28464980.jpg
دلوقت انا اشتغل في اي واحد
اللي جي من فوق اللي هو ده مع اني مش شايف فيه اي كوعه
http://img849.imageshack.us/img849/6198/54303126.jpg
واللي اللي جي من تحت
وده اللي شايف فيه كوعه
http://img38.imageshack.us/img38/3416/66476727.jpg
كلام المهندس ايها مظبوط 100 *100
الصورة اللى هو باعتها دى اللى انا اشترتها
وشايف حضرتك البزبوز اللى طالع دة هو دة اللى بيبقى لبرة يعنى وشه خارج الماتور وتركب عليه الكوعة اللى انت فكتها بالبيبه وبعد كدة تركب الخرطوم والافيز بتاعة
الناحية رقم واحد دي بتتركب بالمسمار الصغير ده في الكوعه و الناحية 2 بتبقي راكبه داخل الموتور في شجرة المياة اللي متثبته علي الموتور و الناحيتين ليهم تجويف يناسب شكلهم في كل ناحية
يعني هتلاقي فتحة رفيعه في الكوعه اللي هتفك بيدخل فيها البنز الحديد الرفيع اللي بيلمع ده و ناحية الشجرة (الموتور) هتلاقي تجريف دائري بيسقط فيه الناحية التانية و لو حطيته بايدك هتلاقيه ثبت لواحده داخلها
و خلي بالك انه يكون راكب كويس و ساقط في مكانه من الناحيتين عشان يقفل صح و يشتغل صح و خلي بالك ترطب المسامير و متقرطش عليها جامد عشان متفوتش لأنها مسامير سن خشن و بتربط في فبر و ليس حديد فتربط لحد ما تلاقيها قفلت مضبوط و متقرطش قوي و خلي بالك من الجوان اللي بيركب حوالين الكوعه عشان تمنع مياه اوعي يقع منك او يكون مش راكب كويس عشان ميحصلش تسريب
و اي سؤال في الخدمه
اللي بيحدد شكل الثرموستات هو الكوعه اللي بيركب فيها و شجرة المياة اللي بتتثبت عليها كل ده و تقريبا فولكس موحده كل أشجار المياة لمعظم المحركات لأن نفس الشجرة دي في 1000 و 1400 و 1600 و كذلك المحركات 8 فالف و 16 فالف
و بالتالي نفس الثرموستات بيكرب لكله
اللي شايفه عندك غلط هو خراطيم الدخول و الخروج من الرادياتير ... حاسس انهم معكوسين لكن ده مش هيعملك مشكلة عادي لأنها دورة واحده دخول و خروج و لكن هتفرق في تشغيل المراوح
علي العموم خليني اشوف لما اروح و اقلك الدنيا فيها ايه و لكن ركب الثرموستات مبدئيا و سيب الدنيا كما هي و ربنا يكرم ان شاء الله
ان شاء الله خير .. وتركب وتبقى زى الفل