الموضوع: غيرت لكونتينتال

المشاركة الأصلية كتبت بواسطة Elsebily

من كام يوم تخطيت حاجز الخمسين الف كيلو وحسيت اني خلاص جه ميعاد تغيير الكاوتش وكمان لاني فيه كاوتش عندي من الخمسه طرقع وانا ماشي عليه وهو نايم ومكنتش واخد بالي ده غير اني سمعت اني فيه زياده نازله علي اسعار الكاوتش 10% من يوم الاتنين الجاي المهم تشجعت وخدت قرار اني اغير اربع كاوتشات وبصراحه لقيت ناس كتير شكرتلي في كونتيننتال فقررت اني اغير لكونتيننتال فلقيته موجود عند وكيل بيريللي اللي في الخلفاوي وكان ContiEco.......™ 3

195 65 R15 91H وسعر الفرده كان 550 ومن هنا لهنا وصلنا اني اخد الاربعه ب 2150 بالترصيص بس فيه شوية استفسارات عندي:-

1- دلوقتي انا كان الكاوتش اللي عندي 185 وغيرت ل 195 وصاحب المحل قال عادي مفيهاش حاجه واني ده بيدي ثبات اكتر للعربيه فهل ده فيه اي مشاكل؟

عادي مافيش فيها مشكلة وفعلا هيحسن الثبات ولكن الاهم تتاكد انك ركبت المقاس المناسب لعربية مع العرض 195

2- سعر الكاوتش كده مناسب ولا غالي ؟؟؟

مش عارف والله

3-رأيكم في كاوتش كونتيننتال وتجاربكم ليه من حيث الصوت والفرامل؟؟

انا ماليش تجربة شخصية معاه لكن الناس بتشكر فيه بس خلي بالك انه انواع فيه كونتي بريميم وفيه ايكو وفيه اسبورت

4-دلوقتي انا سبتله الاربع فرد القديمه وكان فيهم واحد بايز ورجعت وواحد صاحبي قالي كنت خدهم منه وبيعهم لاي محل او بيعهملو فانا بصراحه اول مره اغير كاوتش فمش عارف المفروض ايه اللي بيحصل؟؟؟

عادي كدة كدة الكاوتش المستعمل سعره في الارض !! يعني كان ممكن الفردة بالكتير تتباع على 50 / 75 جنيه ان ماكنش اقل من كدة على حسب الحالة

5-انا قلتله يشوف انضف كاوتش في الاربعه القدام من ناحية الحاله ويخليه استبن مع العلم اني القديم ده عرضه 185 ولا الاستبن كمان لازم اغيره واخليه 195 زيهم ؟؟؟

مش هتفرق هو كدة كدة استبن بس الاهم يوم ماتركبه تمشي براحة لحد ماتعالج المشكلة في الكاوتش الاصلي بتاعك وتقوم مرجعه

انا عندي الفردتين اللى قدام 195/50/15 واللى ورا 205/50/16 ومرة الفردة اللى قدام بقت على الجنط قمت حاطط الاستبن اللى هو 185/60/15 !! ؟ تخيل كنت ماشي بفردتين قدام واحدة 195/50/16 والتانية عرض وارتفاع وجنط مختلف !! ؟ 185/60/15

وجريت بيها كمان ووصلت لسرعة 130 تقريبا !!

6- الكاوتش مكتوب عليه Germany وواحد قالي اني كونتيننتال فرنسي فقلتله ازاي ده الكاوتش مكتوب عليه الماني وحسيت اني اتلغبطت؟؟؟
7- تاريخ الكاوتش الاسبوع 44 من 2012 فكده تاريخ انتاجه قديم ولا كويس ؟؟؟

اتمنى اكون افدتك