الموضوع: شرح تفصيلى لشيفورليه افيو Ls من الداخل والخارج

المشاركة الأصلية كتبت بواسطة meemo

طب الافيو الخليجي ايه نظامها وخصوصا انها هنا 1400 سي سي بس فول اوبشن

بصراحه انا مسمعتش عن الخليجى دى خالص بس انا حسال وحرد عليك

المشاركة الأصلية كتبت بواسطة wesh88

مشكور أستاذ أحمد على الموضوع وبالناسبة أنا معاى نفس العربية فى نفس التوقيت تقريبا ولى طلبين
أولا أنا قابلت واحد اسمه أحمد عز فى مركز صيانة رابعة العدوية هل هو انت أم لا
ثانيا ممكن كتالوج العربية باللغة العربية لأنى مقدرتش أتحصل عليه
ولك خالص تقديرى

اولا لاشكر على واجب واطلب الى انت عوزه فى اى وقت انا تحت امرك
ثانيا كنت اتمنى اى اكون هو هذا الشخص لكى اتشرف بمعرفتك بس للاسف مش انا
ثالثا بالنسبه للكتالوج ممكن حضرتك تروح للاقرب توكيل او موزع لمنصور او الفرع الرئيسى الى فى شارع جامعه الدول العربيه وتقلهم انا عاوز الكتالوج وهم حيدهولك على طول وممكن اصورو لحضرتك بس المشكله انه اكتر من 300 صفحه الة يريح حضرتك

المشاركة الأصلية كتبت بواسطة yosri

طب هي فيها تومتيك ممكن ترد عليا ضروري

اسف على التاخير فى الرد ايوه فى من الافيو اوتوماتيك

المشاركة الأصلية كتبت بواسطة akram2010

اخى الكريم
انصحك بالهيونداى النيو اكسنت طبعآ افضل مليون مرة من هذة السيارات شكلآ وموضوعآ . وخلى بالك سعرها عند تاجر الشارع زى الوكيل واضمن لك الوكيل لتضمن سيارة سليمه 100 فى 100

اولا ومع احترامى لك الكلام ده غلط وملهوش اساس انت بتتكلم عن عربيه ب 80000 جنيه مش بالف ولا 2 والا كانت العربيه دى محدش ركبها ولو حضرتك جربتها وجربت النيو اكسنت ممكن تقولى ايه الوحش فيها الى انت بتقول عليه مليون مره على فكره العربيه الى انت بتتكلم عليها مش 128 دى شيفروليه يعنى مش اى كلام

المشاركة الأصلية كتبت بواسطة asd_ra7la

العربية التسرع بتعها مش عالى قوى لكن اعلى من الاوبترا

طب ازاى دى

المشاركة الأصلية كتبت بواسطة asd_ra7la

والله يا جماعة انا شايف ناس بتشتكى كتير
بس عن نفسى العربية معيا موديل 2007 كورى
ولحد تاريخ المشاركة ديه مقبلتش غير مشكلة وحدة
وهى انى قريب لاحظت دردرة مع الفرامل على السرعات اعلى من 120 ولما رحت التوكيل فى العامرية خرطها وراحت
استهلاك البنزين الحمد لله ما بين 220 و 260 حتى الان طبعاعلى حسب الطريق اللى بكون عليه لان طبيعة شغلى مسافات
وده بيخلينى احس بشكل مستمر العداد حاليا 55000
الثبات لحد 160 العربية مستريحة مفيش مشكلة اقصى سرعة حاسس ان عزم العربية قادر عليها 175
نوع البنزين المستخدم 92
قطع الغيار من التوكيل غاليا لكن بره بسعر تانى خالص
ومن الغرائب اللى قابلتها فى اسعار التوكيل للبربيز الخلفى اتكسر سالت فى التوكيل عنه قالو 1200 جنيه
سالت عن نوعه قالو دكتور جريش
وفى الاخر رسيت انى جبته من بره دكتور جريش برده ب 280 جنيه والاريل والسخان شغالين فيه زى الفل
حتى درجة اللون بتاعة البربيز متختلفش عن الاصلى تقريبا
حتى النواكل والاكسسورات بقت متوفر فى السوق وانواع
بعض قطع الغيار نزلت باكتر من تصنيع مختلف
وحاليا جنط العربية جنوط نيكل كروم وناس كتير قالولى كده قضيت على نفسك المشاكل حتظهر
من بعد الجنوط انا مشيت بيها حتى الان 10000 كيلو وفى طرق منيلة بصرحة بطبيعة شغلى
من ملاحظاتى فى العربية التسرع بتعها مش عالى قوى لكن اعلى من الاوبترا
العزم كويس جدا لكن نرد الخبر للوبترا العزم بتاع الاوبترا اقوى بكتير طبعا فرق متور سى سى
بالنسبة للتوكيل مقارنة بالتوكيلات الاخرى انا بروح توكيل العامرية فى الاسكندرية بصراحة ناس ممتازة
ومشتكتش منهم ولا من التعامل معاهم فى شى متفهمين جدا يمكن لانى مقبلتش مشاكل حتى الان
لكن الصيانة الدورية كلها بعملها فى التوكيل
طبعا زودت جهز انذار ومفتاح رموت بره التوكيل عشان فرق التكلفة
ومن الاشياء اللى ركبتها بره التوكيل الفوجات لان فى التوكيل عشان اركبهم عندهم بيتكلف الموضوع 1200 جنيه
لانهم بيغيرو زراع النور المعدل بزر الفوجات وعملتهمبزرار منفصل فى الفرغات الى فى الشمال
زر الانتظار من الحجات فعلا اللى عصبتنى لان فعلا مكانه غلط بالنسبه للناس القصيرة لكن الحمد لله ربنا كرمنى
بطول مش تعبنى قوى وعلى العمةم انا نقلته فى المكان الفارغ فى الشمال بس فيه بروز حوالى4 ملم غير ملحوظ
وده ناتج على ان الزر مخصص للجانب اليمين
من الاشياء اللى مضايقنى ولو انها تعتبر رفهيات شوية
كرسى السائق المقعد بتاعه تحركه فى حدود امام وخلفى فقط لا فيه رفه ولا تغير زوية مع انه مريح برده مش متعب
اتنين زجاج كهربائى امامى فقط الخلفى سعات بنساه *_*
الامامى مركب وحدة رفع ومريحانى بصراحة

يارب اكون وفيت خبرة تعملى مع العربية من تاريخ 14/6/2007 الى 3/6/2009
وادينا بنتابع وربنا يستر

وده اللى بصراحة قبلته لحد الان

الحمد لله اخيرا حد قال نفس الكلام الى انا بقولو بقالى سنه ربنا يبركلك فيها ويكفيك شرها