ياعباقرة الميجان .... انقذوني بسرعه

**Prince_pc** · 06-04-2013 03:12 AM

ياريت ياجماعه اللي يرد يلحق يرد بسرعه علشان العربية واقفة في حتة وحشة أوووي (في مدينة الشروق) وكمان في منطقة مقطوعه جدااا .....

المهم هادخل في الموضوع على طوول ، عربيتي رينو ميجان 2008 مانيوال ، لسه شاريها من شهرين تقريبا ، السيارة للأمانة تقريبا مافيهاش أي مشاكل ميكانيكية خالص ولا حتى اي مشاكل تانية انما اللي حصل انه بغبائي ركبت فوانيس شبورة بتاعه الاكصدام من أسبوعين تقريبا ، وجت من كام يوم الفوانيس دي فصلت وكان اللي ركبالهي عملي ضفيرة ليها على النور الواطي وجاب كتاوت ، المهم لما فصلت جيت النهاردة علشان حظي قلت انزل كده وأشوف هي فصلت ليه لاقيت الضفيرة بتشعر يعني بتلمس (بتكتك) فقلت مش مشكلة مش هالعب فيها مهي كده كده بقالها فترة بايظة

المهم بقى -بداية الكارثة - بعد مادورت العربية ومشيت بيها مسافه 100 متر لاقيت العربية فجأة فصلت ولمبة العطل نورت(اللي هي لمبة لونها برتقالي على شكل مفتاح) ، والغريب جدا ان مروحة الريداتير اشتغلت وفضلت شغالة مش عايزة تفصل أبدا لغاية مافين وفين لقيت حد معدي وخدت منه مفتاح 10 وفصلت البطارية في الوقت ده كان بدأت تظهر رسالة ان البطارية ضعفت ، ونزلت تحت تاني عند الاكصدام لاقيت الجاكين اللي راكبين جداد مخلوعين من الفانوس وملمسين عملتهم بعازل وفصلتهم خالص

المشكلة بقى انه لحد دلوقتي العربية مش عايزة تدور ، والوضع انه لما اوصل كابل البطارية العربية بتشتغل عادي جدا في كل حاجة في الكهرباء حتى السنتر والاشارات وكله شغال ، انما لو جيت تدور العربية مفيش مارش خالص وتلاقي مروحة الردياتير اشتغلت ومتطفيش الا لو فصلت البطاريه وهكذا وتلاقي رسالة طلعتلي فيها كلمتين على ما أذكر كلمه منهم Natural معرفش ايه كده مش فاكرها بصراحة

..... ايه بقى اللي حصل ؟ وايه الوضع دلوقتي ؟ وهل فيه حاجة ينفع اعملها بسرعه وامشي بيها لحتة أمان شوية .... ملحوظة طبعا العربية مش سخنة خالص علشان لو حد جهه في باله ان العربية سخنت او حاجة

**shawkylotfy** · 06-04-2013 03:58 AM

للاسف المشكلة فى ال upc نفسها او فى الضفيرة حضرتك عربيتك مانيوال هات تاكسى لادا واقطرها عند كهربائى (بيفهم) ..........

**Ahmed Selim** · 06-04-2013 08:38 AM

قيس شحن البطارية الأول..........لو قليل يبقى جرب تدورها بوصلة أو ببطارية تانية.

**Prince_pc** · 06-04-2013 11:16 AM

المشاركة الأصلية كتبت بواسطة shawkylotfy

للاسف المشكلة فى ال upc نفسها او فى الضفيرة حضرتك عربيتك مانيوال هات تاكسى لادا واقطرها عند كهربائى (بيفهم) ..........

طيب ايه الUPS ده ؟؟ والضفيرة لو فيها مشكلة مش المفروض انها تفصل كل كهربة العربية ؟؟ انما المشكلة بس بتحصل لما أدوس Start+Brake

**Prince_pc** · 06-04-2013 11:20 AM

المشاركة الأصلية كتبت بواسطة ahmed a.maksoud

قيس شحن البطارية الأول..........لو قليل يبقى جرب تدورها بوصلة أو ببطارية تانية.

انا فعلا شكيت في البطارية انها ضعفت علشان المروحة قعدت فترة كبيرة اوي شغالة عقبال ماعرفت أبطلها ده غير ان الكمبيوتر نفسة بعد الفترة دي كلها وقبل مافصلها طلعلي رسالة (البطارية ضعيف) ، بس ايه سر اني لما اجي اوصلها تاني وأجي أدور العربية تقوم المروحة تدور تاني والعربية ماتدورش ، انما لو مادوستش على الفرامل وادخل الكارت وادوس ستارت بس كل كهرباء العربية بتشتغل عادي جدااااا ........ انا فعلا شاكك ان فيه قافلة

**Prince_pc** · 06-04-2013 11:23 AM

المشاركة الأصلية كتبت بواسطة nodey

كده كهربة العربية ابرجلت ولازم كهربائي رينو بيفهم جدا انه يشوفها
ويعدين كون المروحة بتشتغل لوحدها معانها انه في حاجة خطأ في التوصيلات الكهربية
ربنا معاك
لو انت قريب من منطقة صقر قريش فيه هناك ناس فاهمة قوووي وممكن يحلوا مشكلتك بكل سهولة

كلامك مظبوط 100% فيه حاجة غلط حصلت خلت كهرباء العربية كلها اتبرجلت ، والمشكلة ان النهاردة عندي شغل ضروري جداااا ومعرفتش أخد أجازة خالص من الشغل وبكرة الأحد وكل بتوع صقر قريش هايكونوا قافلين والعربية واقفة في منطقة مهجورة أووي في الشروووق ...... طيب في حد كويس في الحرفيين حد يعرفة يبعتلي تليفونة

**Prince_pc** · 06-04-2013 11:25 AM

انا فعلا شاكر ليكوا كلكوا على وقفتكوا معايا ، ويارب مايحط حد أبدا في المواقف البايخة دي

**proff** · 06-04-2013 02:09 PM

المشاركة الأصلية كتبت بواسطة prince_pc

كلامك مظبوط 100% فيه حاجة غلط حصلت خلت كهرباء العربية كلها اتبرجلت ، والمشكلة ان النهاردة عندي شغل ضروري جداااا ومعرفتش أخد أجازة خالص من الشغل وبكرة الأحد وكل بتوع صقر قريش هايكونوا قافلين والعربية واقفة في منطقة مهجورة أووي في الشروووق ...... طيب في حد كويس في الحرفيين حد يعرفة يبعتلي تليفونة

01225015925 كلم النمره دي المهندس احمد و هتدعيلي و ممكن يجيلك بس ده مش صقر قريش

**Prince_pc** · 06-04-2013 02:34 PM

المشاركة الأصلية كتبت بواسطة proff

01225015925 كلم النمره دي المهندس احمد و هتدعيلي و ممكن يجيلك بس ده مش صقر قريش

هادعيلك والله من غير أي حاجة ، كتر خيرك وألف شكرهاتصل وأقولك ايه الأخبار

الموضوع: ياعباقرة الميجان .... انقذوني بسرعه

LinkBack

أدوات الموضوع

عرض

-

المواضيع المتشابهه

انقذوني بسرعه

انقذوني يا وحوش الميجان ... اخوكم في مشكله

انقذوني البيتلز بتاعتي اتخبطت من الكبوت اعمل ايه عاوز استيكر

انقذوني من سكودا

انقذوني يا جدعان انا واقع في ورطه

الكلمات الدلالية لهذا الموضوع

المفضلات

المفضلات

ضوابط المشاركة