سعر البنزين من غير دعم

**essam275** · 07-04-2013 02:59 AM

http://www2.youm7.com/News.asp?NewsID=1008767

**ابوهاشم** · 07-04-2013 04:22 AM

معنى كده بقى ان سعر العربيات ال 1600 هينزل جامد والعربيات السى سى قليل هتغلى

**S O P H O S** · 07-04-2013 04:35 AM

لا مش هتنزل مفيش شئ حاليا هيرخص
اعتقد الي فوق ال 1600 هو الي هينزل وبردوا مش كتير
لان الي معاه سعة محرك كبير انصحه انه ميبعش ويصبر لان الدور جي كلها سنة ولا اثنين
والكل يتساوي ..

**محمد طايع** · 07-04-2013 09:10 AM

رفع الدعم عن البنزين بعد 150 لترا للملاكى، لافتًا إلى أن السيارة فوق الـ 1600 سى سى سيتم رفع دعم البنزين عنها نهائيا من أول يوليو 2013 وسيباع لهم لتر البنزين بـ 4.25.

بالذمه ده مش تهريج ؟؟؟

**windofchange** · 07-04-2013 09:18 AM

حسبي الله ونعم الوكيل مينفعش الكلام ده واقتبس "بواسطة: أشرف البنا
بتاريخ: الأحد، 7 أبريل 2013 - 03:03
معروف ان نسبة كبيرة من الموظفين المهندسين والكيمائيين الى اخره بيسافره مسافات كبية من وجه بحرى الى القاهرة او 6 اكتوبر لمقر عملهم او شركتهم يعنى خراب بيوت لهم او يتركوا عملهم والمحظوظ فيهم الشركة مسلماه عربية يسافر بيها ومصاريفها عليه برضه خراب بيوت بمعدل 50 جنيه يوميا 1500 جنيه شهريا بنزين اما يترك العمل او يسكن باكتوبر والاثنيين اصعب من بعض فالحل هو ترك العمل والبحث عن فرصة عمل بالخارج وكده تركنا المهن الهندسية والعقول للهجرة وعلى كده الحكومات السابقة قبل الثورة كانت كفائة عالية جدا جدا جدا لتحملهم الكثير والكثير ولم تستفد الثورة بخبراتهم الاقتصادية بل راحت تحاربهم وتسجنهم وتطفشهم برة البلد واخيرا حرام عليكم معدناش عايزيين نهضة كفاية معدناش قادرين ننهض من مكانا هيجيلنا شلل الهى يشلكوا الاول
" البنزين مش رفاهية العربية مش رفاهية في مصر اه والله واللي فاكر كده ربنا يهديه

**M.Ayman** · 07-04-2013 10:33 AM

طيب لما الواحد يفول التانك ايام لما كان اللتر ب 1.85 كان بيدفع 100 جنيه ... لما يبقي اللتر ب 4.25 هدفع كام ؟

ثانيه كده احسبها !!

معاك عش...ه و تزود عليهم ... يبقي عشين و نضيف عليهم ......... يبقي 230 جنيه !!!!!

ده لو الواحد مرتشي و حرامي و عميل و خاين و ابن 60 ....* مش هيعرف يعيش مع كل حاجه بتضرب في اتنين وتلاته كده في اسعارها :/ لما البنزين يغلي و قطع الغيار في الحرفيين تغلي و اسعار كل حاجه منزليه عاديه بتغلي و الكهربا و المايه بقوا عمالين يتقطعوا علي الناس ! وغيرها بلاوي كتير .... نعمل اي احنا كشعب فهموني

**Habd** · 07-04-2013 10:38 AM

خليهم ماشين ورا صندوق الخراب الدولى و احنا نطلع الاتحادية و المقطم و نعرف الناس دى بقى الفرق بين معارضة عيانة و شعب مش عارف يعيش و ملوش امل

**Egy** · 07-04-2013 11:23 AM

يعني يا جماعة مش الكلام دة لما نكون دولة فيها مواصلات آدمية نقدر نستغني بيها عن العربية ؟؟ هم كدة بيطبقوا سعر البنزين اللي هو علي أساسه المواطن بيدلع و بيختار يركب العربية بدل المواصلات المتوفرة، وأنا هنا بقول المتوفرة مش الآدمية اللي فيها تحرش و تزنيق و قلة أدب و بهدلة و عرق و قرف!!!!
بجد منهم لله، محدش فكر ان مش بس البنزين هم اللي هيغلي و ان اللي هيغلي كمان السلع و الخدمات ؟؟؟ محدش فكر لن البنزين في مصر أصلا مش نضيف و بيسبب مشاكل للعربيات نقوم كمان نغليه ؟؟؟ محدش فكر ان فين ملايين ساكنين في مدن جديدة واستحملوا بعد المسافات عشان يتنيلوا يملوا الصحرا الفاضية نقوم كمان نغلي عليهم سعر البنزين ؟ حسبي الله و نعم الوكيل فيكم، منكم لله

**BMW** · 07-04-2013 11:54 AM

هو الوزير ده كل يوم يطلع بخبر جديد مرة يقولك حنطبق فى شهر اربعة ومرة تانية فى شهر سبعة ومرة تالتة يقولك فى اول السنة الجديدة وبعدين رجع تانى قالك فى شهر سبعة ومرة يقول اللتر حايبقى ب 3 جنيه ومرة تانية مع لميس الحديدى قالك حايبقى ب 3.75 والمرة دى قال ب 4.25 ومرة يقول احنا حنعمل حوار مجتمعى ونشوف اراء الناس ايه ومرة قال حنخليها 5 لتر فى اليوم ومرة تانية قال حنخليها 7 لتر فى اليوم

من ساعة موضوع رفع الدعم وهو فرحان بيه كل شويه يطلع على قناة جديدة بخبر جديد

ربنا يباركلنا فى مشروع النهضة والاخوان ومرسى وهشام قنديل ووزير البترول

**Habd** · 07-04-2013 12:45 PM

لسه شايف الحلقة الوزير عمال يحور من عمرو يقولوه طالما العربيات بتستهلك 150 لتر ف الشهر و انت هاتديهالوه مدعوم انت استفدت ايه يقولى التهريب يقولوه بس انا مش متخيل ان التهريب يوفر ف دا كله و ف الاخر اعترف ان الموضوع كله فيه توفير و ترشيد لان الاستهلاك مش 150 لتر ف الشهر زى ما بيقولوه انا معنديش مشكلة انى ارشد استهلاكى بس الكمية اللى سيادوتو بيقول عليها دى ما تجيش نص استهلاكى الشهرى مثلا و لا بخرج و لا بروح كافيه للمهندسين و لا غيره من الشغل للبيت و البيت للشغل حتى القهوة مبروحش قهوة و لا بشيش و كل كام جمعة زيارات عائلية اوفر فى ايه و ازاى من غير ما نتكلم عالاسعار و النقل و المواصلات و يا عالم ايه تانى