مشكلة في كيا ريو

**user0** · 07-04-2013 04:52 AM

السلام عليكم ورحمة الله و بركاته

انهاردة لما نزلت بالعربية في نص الطريق وأنا ماشي كنت مشغل التكييف و بعدين حسيت إنو بيسخان شوية و بعد كدة بيسئاع شوية وأنا واقف أو ماشي في الحالتين بيهايس و شوية لقيت علامة الحرارة ظهرة عند العداد و فضلت تقريبا ربع ساعة بعض كدة إختفت ...و بعدين وأنا مروح تاني مشاغلتش التكييف يمكن يكون هو السبب و بعد مسافة طويلة لحد موصلت البيت العربية ماسخنتش لحد وأنا بدخلها الجراج لقيت علامة الحرارة طلعت تاني...إيه مشكلة الحرارة والتكييف دول ؟؟
آسف لو كنت طولت عليكم و أرجو المساعدة

**2CODE** · 07-04-2013 09:00 AM

العربية عاملة كام الف واخر صيانة اتعملت امتى (مستوى المياه, الزيوت .... الخ) ؟ انا كنت لسه مشغل التكيف امبارح وانا جاي على الطريق وانا في الصعيد عموماً يعني مهما كان هكون في حرارة اكثر منك

حاجة تاني عايزك تعملها لما تلاقي العلامة دي ظهرت (اول حتى من غير العلامة مش لازم تستناها) اقف وهات الفتيس على p ومتطفيش العربية وارفع فرامل اليد لو العربية سخنة شوية هتسمع صوت مروحة كبيره وهوا سخن طالع كتير من العربية اتأكد ان ده بيحصل عندك علشان تعرف المروحة شغاله تمام ولا لأ

**john55** · 07-04-2013 09:44 AM

الافضل الذهاب للتوكيل فورا علشان الحراره ممكن تعمل حاجه في الموتور وشكرا

**user0** · 07-04-2013 11:17 AM

المشاركة الأصلية كتبت بواسطة 2code

العربية عاملة كام الف واخر صيانة اتعملت امتى (مستوى المياه, الزيوت .... الخ) ؟ انا كنت لسه مشغل التكيف امبارح وانا جاي على الطريق وانا في الصعيد عموماً يعني مهما كان هكون في حرارة اكثر منك

حاجة تاني عايزك تعملها لما تلاقي العلامة دي ظهرت (اول حتى من غير العلامة مش لازم تستناها) اقف وهات الفتيس على p ومتطفيش العربية وارفع فرامل اليد لو العربية سخنة شوية هتسمع صوت مروحة كبيره وهوا سخن طالع كتير من العربية اتأكد ان ده بيحصل عندك علشان تعرف المروحة شغاله تمام ولا لأ

العربية عاملة ٨٨٠٠ و شوية أخر صيانة كانت عند ٥٠٠٠ كيلو و كانو كاشفين على السوائل الفي العربية و مندفين فيلتر التكييف يعني المفروض كله تمام ...
أه شفت ساعتها المروحة شغالة و كله تمام يعني المفروض ماتسخانش بس عندي سؤال أعرف منين كمية المية الفي العربية خصوصا إن مفيش اربة مية ؟؟ ... و التكييف ده كمان إيه مشكلته ؟؟

**user0** · 07-04-2013 11:19 AM

المشاركة الأصلية كتبت بواسطة john55

الافضل الذهاب للتوكيل فورا علشان الحراره ممكن تعمل حاجه في الموتور وشكرا

لو العربية فضلت كدة حواديها التوكيل و أمري لله..

**Rsarabia** · 07-04-2013 01:05 PM

حضرك هتشغل التكييف جوة البلد و تشوف لو الحرارة زادت تانى
فورا عالتوكيل لكن كدا هتبوظ الموتور

**ahmed_doudi** · 07-04-2013 07:56 PM

الذهاب للتوكيل هو خير حل و انشااللة خير

**khaabas** · 08-04-2013 10:52 AM

المشاركة الأصلية كتبت بواسطة user0

السلام عليكم ورحمة الله و بركاته

انهاردة لما نزلت بالعربية في نص الطريق وأنا ماشي كنت مشغل التكييف و بعدين حسيت إنو بيسخان شوية و بعد كدة بيسئاع شوية وأنا واقف أو ماشي في الحالتين بيهايس و شوية لقيت علامة الحرارة ظهرة عند العداد و فضلت تقريبا ربع ساعة بعض كدة إختفت ...و بعدين وأنا مروح تاني مشاغلتش التكييف يمكن يكون هو السبب و بعد مسافة طويلة لحد موصلت البيت العربية ماسخنتش لحد وأنا بدخلها الجراج لقيت علامة الحرارة طلعت تاني...إيه مشكلة الحرارة والتكييف دول ؟؟
آسف لو كنت طولت عليكم و أرجو المساعدة

مع احترامى انتا فضلت ماشى بالعربية وعلامة الحرارة ظهره فى العداد ربع ساعة ؟؟؟؟
روح التوكيل دلوقتى قبل بكرة من فضلك

**big big** · 08-04-2013 02:03 PM

انا رايي كده برضه التوكيل ثم التوكيل والمفروض كمان توديها علي ونش

**2CODE** · 08-04-2013 04:32 PM

المشاركة الأصلية كتبت بواسطة big big

انا رايي كده برضه التوكيل ثم التوكيل والمفروض كمان توديها علي ونش

او يمشي بيها على سرعات منخفضة مش لازم يشد على الموتور لغاية مايوصل للتوكيل

الموضوع: مشكلة في كيا ريو

LinkBack

أدوات الموضوع

عرض

المواضيع المتشابهه

جنوط كيا ريو 2012 17 للبدل بجنوط 16 2012 كيا ريو الاصلية

إلنترا ولا كيا سول ولا كيا ريو ولا أكسنت rb

كيا ريو ام كيا سيفيا

مشكلة فى كيا ريو!

شيفروليه اوبترا & كيا سيراتو & كيا ريو (اوتوماتيك)

الكلمات الدلالية لهذا الموضوع

المفضلات

المفضلات

ضوابط المشاركة