الموضوع: مساعدة عاجلة في السيراتو 2011

المشاركة الأصلية كتبت بواسطة ahmedhossam86

السلام عليكم يا اهل الكيا و السيراتو

دلوقتي انا عندي حبة مشاكل كدة و مش عارف ايه اسبابها او حلها.. يا ريت تفيدوني..

انا معايا سيراتو وكيل 2011.. كنت لسه عاملها صيانة الـ 50000, هي عاملة 52 دلوقتي:

1- و انا واقف في اشارة سواء جايب الـ n او الـ d و دايس فرامل صوت كركبة واضح من العجلة اللي علي اليمين قدام؟؟ في اخر صيانة قالولي يستحسن تغير التيل بعد 5000 كم "وارد يكون التيل او البلى الامامى ولو انى مستبعد البلى شوية"

2- و لو انه مش دايما - بعد ما ادور العربية صوت - كركرة - في الموتور من قبل حتي ما اتحرك.. سيور؟! " ممكن محتاجة تنضيف بوابة وتغيير بوجيهات لان ده ظبط موتور"

3- الطارة بعد الـ 100 او الـ 120 في السلامة.. اهتزازات غير عادية و كنت لسه عامل من قربب ترصيص " لازم تغير الكاوتش وتكشف على الجنوط"

4- عمري ما غيرت الكاوتش.. المفروض يتغير علي كام.. انا لقيت البيردجستون 16-205/55 عامل 900 جنيه و شوية!! هل ينصح بيه و لا خلينا في الكومهو او هانكوك؟ " خليك فى البريدجستون فى نقشة رياضية جديدة اسمها MY02حلوة جدا وناعمة الجنط ال17 بتعمل 800 جنيه افتكر ال16 هتقل شوية"

5- الكلاكس بقي مخنوق جدا هل ينفع يتغير؟ " يتغير مافيش مشاكل "

6- العربية يوم بتبقي بطة بلدي و يوم تاني طلقة.. ايه السبب؟ " ممكن محتاجة تنضيف بوابة وتغيير بوجيهات لان ده ظبط موتور"

7- و اخيرا ايه نظام المساعدين و البطاحات و الكبالن.. هل ليهم عمر افتراضي؟ " انت وسواقتك"

شكرا مقدما

اعتقد تغيير الكاوتش اول حاجة لازم تعملها
وهيحل اكتر من نص مشكلك مع العربية
بس السعر دي عالي شوية شوف حد تاني
اما عن رقم 6 / متهيالي كل اللي معاه سيراتو عنده نفس الاحساس .. مش عارف ليه