بسم الله الرحمن الرحيم
أرجو الإفادة / ممكن شرح لكيفية تنظيف البوابات وعمل ايدل ليرن لا نسر 2008 وياريت أي صورة توضيحية .. جزاكم الله خيرا ويارك الله فيكم
بسم الله الرحمن الرحيم
أرجو الإفادة / ممكن شرح لكيفية تنظيف البوابات وعمل ايدل ليرن لا نسر 2008 وياريت أي صورة توضيحية .. جزاكم الله خيرا ويارك الله فيكم
متابع
هى العمليه متشابهه بين كل العربيات الأنجيكشن تقريبا فانت ممكن تشوف اى صور او فيديو لعربيه تانيه وتطبق الموضوع عندك
مثلا الفيديو ده لعملية تنظيف البوابة
How To Quick Clean a Throttle Body - YouTube
مع مراعاة ان معندكش الجزء البلاستيك الى هيشيله من فوق الموتور فى اول الفيديو
فى المقابل انت هتفك الخرطوم الى جاى من فلتر الهوا الى البوابه علشان توصل للبوابه زى الفيديو
http://nileup.com/up/uploads/nilemotors_13653478981.jpg
بعد كده طريقة التنظيف واحده
بالنسبة للأيدل ليرن
* افتح الكونتاكت لمدة خمس ثوانى واقفله تانى ( كرر ثلات مرات )
* دور الموتور و بعد 3 دقايق على السلانسية شغل التكييف و سيب العربية دايرة دقيقتين كمان
* اطفى التكييف و بعدين بطل العربية
لو سمحت يا استاذ محمد ادور الموتور وهو واقف انتظر 3 دقايق واشغل المكيف والموتور واقف برضو .. ولا السلانسيه يعني امشي عالسلانسيه بدون ما المس دواسة البنزين.؟؟
لأ مش هتتحرك بالعربيه خالص ولا تلمس دواسة البنزين
هتعمل كل الخطوات والعربيه واقفه
معلش هوة اية فايدة تنضيف الايدل دا وهل لية فرق مع العربية يعني بيفرق في السحب ولا في اية ممكن توضيح بفائدة الموضوع دا لاني معايا لانسر 2007 وهل ينفع فيها تنضيف الايدل دا وياريت مكانة فين
علي فكرة ياجماعة انا اول ماقريت الموضوع دا قولت اما اسأل الميكانيكي بتاعي وهوة تحت البيت المهم قولتله قالي بسيطة الموضوع مش هياخد ساعة اشتريت اسبري منظف رشاشات وقومت نزلت عند الميكانيكي وعملي التنضيف بتاع الايدل دا وعلي فكرة والله العربية فرقت بصراحة مش مية بلمية اة بس خلاها كدة نشيطة شوية لاكن الي حرق قلبي انه كان اول مرة يفك الايدل والبوابات بس كدة
الايدل ليرن ده غلط مش نفس اللي مكتوب في الكتالوج
كل الشكر والتقدير للأستاذ / محمد طايع على المرور الكريم والمساعدة بارك الله فيك وجعله في ميزان حسناتك