هوندا اكورد 83 محتاج استشاره سريعه

**sherif0333** · 07-04-2013 11:47 AM

معروض عليا واحده اكورد 83 اوتوماتيك كامله
عايز اعرف اخبارها ايه ومشاكلها وقطع غيارها وصيانتها
وبرده سعرها يعمل كام لو حاله كويسه

**ahmedeihab** · 07-04-2013 12:39 PM

لو حالتها نضيفه من 25 الى 27

بس خلى بالك من كلمه نضيفه دى يعنى العربيه مش ناقصه مسمار

^_^

**sherif0333** · 07-04-2013 01:04 PM

شكرا على الرد ياباشا انا كلمته قاللى محتاجه عفشه ورش حزام يعني عايزه تترش من تحت دوكو وسمكره وكنت عايز اعرف عفشتها تتكلف كام تقريبا هو طالب 22000 كويس ولا لا ولا ابعد عن العربيه دي خالص

**abdo7000** · 07-04-2013 03:52 PM

خد بالك قطع غيارها قليل وصيانتها مكلفة
ابحث عن حاجة تانية احسن
وبالتوفيق

**AHMED REFAT** · 07-04-2013 06:54 PM

نصيحة أخوية ،،، بلاش وأيعد عنها خالص ،،، ومتفكرش فيها أصلا ،، انا كان معايا اثنين قبل كده واحدة كاملة مانيوال سيدان وده فى أواخر التسعينات وكانت مريحانى جدا وبعتها علشان كنت بعمل مشروع ،، وبعدين فى منتصف الالفينات كده جبت واحدة كاملة اتوماتيك كوبيه ،، وكنت جايبها على سمعة الاولى بقى ،،، فوجئت بعدم توفر قطع الغيار وإرتفاع الاسعار بشكل يرعب مقارنة بالقديمة ،،، وورتنى اسوأ ايام حياتى فى الالكترونى وفى الاسبراتير ده غير الاكسسوار بتاعها اللى نادر تلاقيه. ،، بلاش أحسن وإصرف نظر عنها ،،، الاكورد دلوقتى علشان تتركب إبتداء من موديل 95 ممتازة وحاجتها موجودة ومتوفرة فى الحرفيين وعند محمد قورة وحفنى بتاع الاميرية ،،، مش هاتغلب فيها خالص ،، أصبر شوية وجمع فلوسها وريح دماغك من القديم قوى ده

**sherif0333** · 07-04-2013 10:51 PM

فعلا الكلام صح وشكرا على الردود انا رحت اتفرجت العربيه مليانه بارومه ومتمرمطه كارتيراتها دايبه من جوه وواخده معجون وصاحبها بيقوللي عادي دول شويه معجون يعني مش راشه برده فى نظري متساويش 8000 كان عايز فيها 16000 نهائي ولو كنت قرصت عليه ممكن اخدها ب 15000

**AHMED REFAT** · 08-04-2013 06:33 PM

المشاركة الأصلية كتبت بواسطة sherif0333

فعلا الكلام صح وشكرا على الردود انا رحت اتفرجت العربيه مليانه بارومه ومتمرمطه كارتيراتها دايبه من جوه وواخده معجون وصاحبها بيقوللي عادي دول شويه معجون يعني مش راشه برده فى نظري متساويش 8000 كان عايز فيها 16000 نهائي ولو كنت قرصت عليه ممكن اخدها ب 15000

كنبة يعنى ،،، والعربيات بتبقى نكد فى نكد ،،، إعد عن الشر وغنيله ،،، أحسنلك أصبر وهات حاجة فى أواخر التسعينات هاتستمتع بالركوب