الموضوع: يا تري ممكن عمل ارباح من تحويل الدولار لمصر؟

لو عايز تسثمر فى الدولار وفى نفس الوقت تفيد البلد افتح حساب بالدولار فى مصر وسيبه شوية ولما تحتاج الفلوس هتلاقي الدولار ساعتها ب 10 جنيه على الاقل وخلى بالك اسعار العقرات او الاراضي والشقق مش هاتزيد بنفس النسبة بسبب الركود

المشاركة الأصلية كتبت بواسطة sherif_hafez75

انا ملاحظ ان بعض الاخوة بيتكلموا علي اساس ان الموضوع حرام وان الواحد يرضي بالقليل الحلال احسن علشان كدة حبيت اوضح ان:
اولا: بيع وشراء العملة خارج الصرافة الرسمية ليس فيه ايه شبهة حرام بل هي عملية بيع وشراء حلال 100% بفتوي العلماء طالما توفرت فيها شروط البيع والشراء كالايجاب والقبول ويشترط فيها ان يتم البيع والتسليم في نفس جلسة العقد وليس اجلا
ثانيا: السعر الحقيقي للدولار يقاس بالسعر الذي يستطيع المشتري ان يحصل به علي الدولار فعلا وليس ما يعرضه البنك علي شاشته ولكن لا يستطيع توفيره فعلا
يعني ايه الفايدة لما يقولك سعر بيع الدولار 6.8 وبعدين تقوله طيب اديني 1000 دولار يقولك مفيش لكن برة البنك يقولك السعر 8 جنيه وتقدر تشتري فعلا يبقي أي واحد فيهم الي بيعكس السعر الحقيقي للدولار؟
ثالثا: انت مازلت تدعم الاقتصاد المصري عندما ترسل الدولارات الي مصر حتي لو قمت ببيعها في السوق السوداء لان الدولارات التي دخلت للبلد حسبت بالفعل في رصيد احتياطي العملة الصعبة للبلد وتساهم في رفع الاقتصاد فزيادة المعروض من الدولار للبيع حتي في السوق السوداء يساهم في خفض قيمة الدولار امام الجنيه حسب قانون العرض والطلب (الكلام للاخ بتاع البلد بقت خرابة وكل واحد عايز يعمل مصلحة علي حساب البلد)
رابعا: من المفهوم ان اسعار كل شيء في مصر زادت بسبب زيادة الدولار مثل اسعار السيارات مثلا يبقي انا لما ابيع الدولار لازم ابيعة بالسعر الي ترتبت عليه زيادة الاسعار ولا ابيع الدولار بالرخيص واشتري السلع الي زادت بسببه بالغالي؟
خامسا:انا ما رضيتش اعلق علي الموضوع اصلا الا بعد ما تم الموضوع وارسلت الدولارات لمصر فعلا وتم بيعها بسعر 7.92 جنية ومن شركة الصرافة نفسها (الكلام للاخ بتاع شركات الصرافة المحترمة والسعر زيادة ربع جنيه)
هذا للعلم وشكرا للاخوة الذين لم يبخلوا علي بأرائهم والله الموفق

حضرتك الموضوع مش حرام وحلال الموضوع كله انك لما بتحول الفلوس على البنك فده بيزود احتياطى النقد الاجنبى فى البنوك وبالتالى فطبقا لقاعدة العرض والطلب كلما زاد المعروض كلما قل الثمن وفى الاخر الموضوع يخضع لرايك انت بس

المشاركة الأصلية كتبت بواسطة hobiko

الحقيقة ان الغلط هنا يقع على الحكومة ........ مش على المواطن العادى

الأصلا فى فكرة تعويم سعر الجنيه و جعل قيمته خاضعة لقواعد السوق الحر و على رأسها أليات العرض و الطلب هو القضاء على السوق السوداء ...... لأنكك ببساطة مش حتبقى فى حاجة اليها لأن سعر الجنيه امام الدولار مثلا بيتغير كل يوم حسب العرض و الطلب فما فيش سوق سودة كده اصلا

و ده اللى نظريا المفروض ان مصر عاملاه من زمان ........ هنا بقى بييجى دور الحكومة هى و شطارتها ازاى تخلى عملة صعبة كتير تدخل البلد و فى نفس الوقت تعمل صناعة و زراعة و تجارة محلية تغنى عن الأستيراد و تعمل رقابة داخلية على اسعار السلع المستوردة و بالتالى استهلاك الدولار يقل فبالتالى برده سعر الدولار قدام الجنيه ينزل

اللى حاصل طبعا العكس بس ماعلينا ........ المشكلة ان الحكومة لجئت لخدعة قديمة قدم السنين فى محاولة لتجميل وجهها ليس أكثر و هى خدعة تثبيت سعر الدولار امام الجنيه بقرار منها بعيدا عن قيمته الحقيقية او مدى توفره فى السوق او اى حاجة تانية

و طبعا نتيجة ان السعر اللى فرضته الحكومة فرضا ده لا يعكس وضع السوق الحقيقى بأى حال من الأحوال ........ ازدهرت بشكل كبير و مفاجىء ما يطلق عليه السوق السودة و هى فى الحالة ديه بصراحة لا يطلق عليها سوق سوده قد ما يطلق عليها سوق حقيقية ........ لأنها بتعكس بشكل حقيقى قيمة الجنيه امام الدولار و مدى توفره استنادا لأليات العرض و الطلب و السوق الحر

الناس فاكرة كلمة سوق سودة يعنى مثلا كأننا بنشترى مخدرات و ده مش صح ..... روح اى مكتب صرافة عادى و مرخض و كل حاجة و قله معايا 3 الاف دولار مثلا ....... تشتريهم منى بكام و من غير ولا كلمة تانية ........ و اسمع هو لوحده خالص حيقولك ايه

اما حتة الوطنية و عشان خاطر مصر و يا حبيبتى يا مصر و اصله ماعداش على مصر و الكلام الجميل ده كله ........... للأسف مالوش مكان فى الوضع ده لأنه ببساطة مش حيكون مؤثر بالشكل اللى بتتخيلوه

ليه ؟؟؟؟

عشان ببساطة انت ممكن تحول فلوسك على البنك (و لا زم يكون بنك حكومى على فكرة) و تحول فيه الدولار بسعر البنك المركزى و عشان خاطر عيون مصر ........ ممكن و بقول ممكن مش دايما ييجى رجل اعمال او مستثمر ياخد الدولارات ديه من البنك على اسا انه حيستورد حاجات و كده و ممكن يطلع نصاب حياخد الدولارات من البنك بالسعر القليل و يبيع بالغالى فى السوق السودة و يكسب هو او يروح يستورد حلبسه مستوردة بالفلوس ديه

و عظيمة يا مصر :)

متفق مع كلامك جزئيا بس انا لو عملت كل حاجة زي ما الناس بتعملها حتى لو غلط يبقى لما ربنا يحاسبني هاقوله اصل الناس كانت بتعمل كدة وانا عملت زيهم !!! الناس دي حسابها على ربنا انا اعمل اللي انا شايفه صح واللي ربنا هايسالني عليه حتى لو خسرت شوية فلوس فربنا هايكرمني فى حاجات تانية اكتر بكتيرر

والا ايه رايك

المشاركة الأصلية كتبت بواسطة walidzakzok

متفق مع كلامك جزئيا بس انا لو عملت كل حاجة زي ما الناس بتعملها حتى لو غلط يبقى لما ربنا يحاسبني هاقوله اصل الناس كانت بتعمل كدة وانا عملت زيهم !!! الناس دي حسابها على ربنا انا اعمل اللي انا شايفه صح واللي ربنا هايسالني عليه حتى لو خسرت شوية فلوس فربنا هايكرمني فى حاجات تانية اكتر بكتيرر

والا ايه رايك

+1111111111111
نفس اللى كنت هاقوله

المشاركة الأصلية كتبت بواسطة hobiko

انا معاك مش معترض ......... بس اصلا الناس مش بتعمل حاجة غلط

شوفها من زاوية تانية ............ز انت دلوقتى راجل مستثمر و محترم و عارف ربنا و كل حاجة .........ز محتاج دولارات عشان تمشى شغلك ........ رحت البنك قلتلهم هاتوا دولارات بالسعر الرسمى قالك مافيش

حتعمل ايه ؟؟؟؟؟

حتاخد بعضك و على السوق السودة ............ تمام كده

لكن لو البنك التزم بسعر الدولار الحقيقى فى السوق ....... حتروحله تقوله هات دولارات حيقولك اتفضل و بالسعر الفعلى ...... يبقى ايه اللى يخليك تروح السوق السودة اصلا

وصلت ؟؟؟؟ ................... اللى بيحصل ده اصلا من تثبيت سعر الصرف بعيدا عن قيمته الحقيقية مسخرة فعلا


المسخرة الأكبر ان حتى الحكومة بتقيس سعر الصرف الحقيقى من السوق السودة مش من السعر الرسمى ............. زى كانوا لسه مطلعين تصريح و فرحانين اوى ان سعر الدولار بدأ ينزل فى السوق السودة بعد مليارات قطر و ليبيا

يعنى الحكومة بذات نفسها معترفة بأن سعر الدولار الحقيقى هو سعره فى السوق السودة الحقيقية مش السعر الرسمى اللى هى محدداه

نقطتك صح فعلا فى استهبال الحكومة فى وضع سعر للدولار غير حقيقي ووهمي بس كمان فيه شركات صرافة كتير بتضارب بالدولار عن طريق الاحتكار وماسكين شركين عاملين ربح 56 مليون جنيه !!! فلوس حرام فى حرام

يعني سعر الدولار العادل والحقيقي زي ما قال الخبراء حوالي 720 قرش شركات الصرافة والسوق السودة رفعته لحد 850 طيب دة يرضي ربنا يبقى احنا نبعد عن دايرة الشبهات دي لان انا حتى لو بعت ليهم ساهمت فى انعاش التجارة دي

انت ممكن تلم قرشين زيادة وفى الاخر ربنا يضييعهم فى حاجات انت نفسك تستغرب بس لو كل واحد دور على مصادر فلوسه هيلاقي فيها حاجات مشبوهة

انا كنت شغال مع ناس بتعمل اوفر تايم اد مرتبها واقوله بتقعد 4 ساعات يوميا اوفر تايم تعمل فيهم ايه يقولي بفرد شغل اليوم على 12 ساعة بدل 8 ساعات وهو مستحل الفلوس دي ويقولك حلالالالالالالال انا اشتغلت بيهم!!!!