الموضوع: الحمد لله اشتريت عربية ١٢٧ نصر بس عايز اعرف اضحك عليا ولا لا

المشاركة الأصلية كتبت بواسطة aliyehia

اخى الفاضل
الف مبروك و متعك الله بها
احب اديك نصيحه لوجه الله تعالى
العربيه على قد ما تعتنى بيها تسعدك و على قد ما تهينها تهينك
و للعلم انا معايا 127 مو 76 ايطالى 2 باب و بسافر بيها من القاهره للساحل الشمالى و لسه مسافر بيها العين السخنه قرب الزعفرانه ( 180 كم) صده رده في نفس اليوم
لكن اعمل حسابك انك ما تهتمش بالعربيات الى حتعدى منك طول الطريق لان اخرك سرعه من 100 الى 120 كم /س على اقصى تقدير علشان تحافظ على عربيتك
و يمكن اكتر حاجه حتنبسط منها انها فعلا بتشم البنزين
و شكرا

الله يبارك فيك ويطمنك ياباشا وان شاء الله مش ههينها ولا هتعبها باذن الله

المشاركة الأصلية كتبت بواسطة s o p h o s

الف مبروك مدام الماتور سليم يبقي كويس جدا

الله يبارك فيك ياباشا والموتور الحمد لله كويس انا وديته لواحد ميكانيكي صحبي قالي ده الالماني وكويس الحمد لله

المشاركة الأصلية كتبت بواسطة aliyehia

الحقيقه عربيتى ايطالى 900 سى سى رغم ان المكتوب في الرخصه 1050
و هى 4 غيار فقط و اكتر من 120كم/س بيبقى خطر

هي فعلا بتجري معايا الحمد لله بس بصراحة مش عارف بتجيب كام لان العدادات عندي مش شغالة
وعايز اشغلهم كلهم بس مش عارف اروح لكهربائي ولا بتاع عدادات ولا مين وهل ممكن يشتغلو

المشاركة الأصلية كتبت بواسطة aliyehia

بالنسبه لعداد السرعه غالبا السلك بتاعه مش واصل و ده عايز بتاع عدادات و ان كان اى ميكانيكى شاطر ممكن يركب سلك السرعه بسهوله
باقى العدادات ( البنزين-الار بى ام - الحراره) ممكن كهربائى يظبطهم و اهمهم الحراره يليها البنزين
و بالمره تركب انوار داخليه للعدادات (ليدات بيضاء) بتدى فرق جامد في المنظر و تعرف تشوف العدادات بالليل

انا فعلا عايز اظبطهم هروح بكرة ان شاء الله اظبطهم او اجيب عدادات من بتاعت القايم ديه واشغلهم وربنا يسير الامور ان شاء الله
بس انا في سؤال معلش انا رحت اسال علي سير الكاتينة الراجل قالي في بتروس وفي من غير تروس اجيب انهي احسن
عشان الصوت عندي عالي حبتين