مشكله في سكودا فليشيا 99

**yasser dyboo** · 07-04-2013 11:34 PM

بسم الله الرحمن الرحيم
انا اشتريت سكودا فليشيا وش اوكتافيا موديل 99 من شهر وديه اول مشاركه ليا وانا مبسوط بالموقع جداا ومشتاق اني استفاد من خبراتكم
واول مشكله ليا مع العربيه حصلت انهارده
انا اول مره اشغل التكييف وكان شعال كويس ودرجه الحرار بعد حوالي 45 دقيقه وانا مشغله وصلت 90 لاول مره وصلت مشواري وطفيت العربيه ورحت جبت حاجه وبعد ربع ساعه جيت اشغل العربيه لقيت مؤشر الحراره واصل 100 درجه استنيت شويه وشغلت ومشيت رجع تاني ل90 فتره كبيره وبعدين قلت لدرجه 88 ( الطبيعي) بس انا طفيت التكييف ومش عارف اعمل ايه الغيه ومشغهلوش تاني ولا ليها حل
المشكله التانيه ( انهارده برده) اني لما عديت سرعه 100 كيلو فيه دبدبه جامده فالعربيه واهتزاز مش عارف سببه ايه
اتمني الافاده ولكم جزيل الشكر

**sakr_skoda** · 07-04-2013 11:43 PM

المشاركة الأصلية كتبت بواسطة yasser dyboo

بسم الله الرحمن الرحيم
انا اشتريت سكودا فليشيا وش اوكتافيا موديل 99 من شهر وديه اول مشاركه ليا وانا مبسوط بالموقع جداا ومشتاق اني استفاد من خبراتكم
واول مشكله ليا مع العربيه حصلت انهارده
انا اول مره اشغل التكييف وكان شعال كويس ودرجه الحرار بعد حوالي 45 دقيقه وانا مشغله وصلت 90 لاول مره وصلت مشواري وطفيت العربيه ورحت جبت حاجه وبعد ربع ساعه جيت اشغل العربيه لقيت مؤشر الحراره واصل 100 درجه استنيت شويه وشغلت ومشيت رجع تاني ل90 فتره كبيره وبعدين قلت لدرجه 88 ( الطبيعي) بس انا طفيت التكييف ومش عارف اعمل ايه الغيه ومشغهلوش تاني ولا ليها حل
المشكله التانيه ( انهارده برده) اني لما عديت سرعه 100 كيلو فيه دبدبه جامده فالعربيه واهتزاز مش عارف سببه ايه
اتمني الافاده ولكم جزيل الشكر

مرحبا بك اسكدياوى عزيز نورت القسم....

بالنسبة للتكيف نصحتى بلاش تشغلة وانتا داخل المدينة لأنة داخل المدينة زحمة ومن غير تكيف العربية بتسخن فحضرتك لما تشغل التكييف اقل حاجة تكون ماشى على 90/80 كيلو علشان نضمن سرعة حركة المياة فى دورة التبريد واندفاع الهواء من مقدمة السيارة لامتصاص وتبديد حرارة ساربنتينة الكييف....

اما بالنسب للدبدبة اعتقد انها مش بالظبط دبدبة هى اهتزاز خفيف مع السرعات العاليا بكد يبقى حضرتك عاوز تروح تعمل ترصيص للعجل....

**yasser dyboo** · 08-04-2013 12:02 AM

وكماان معلش كنت عايز اسال هل طبيعي تزيد درجه الحراره والعربيه مبطله ولا ده عيب في طباع الحراره ----انا شايف ان ده شويه مش منطقي

**medo_msa** · 08-04-2013 08:33 AM

حضرتك بالنسبه للتكيف زي مااستاذ صبحي قالك ..اما بالنسبه للهزه انا كان عندي نفس المشكله وصنايعيه كتير قالولى ترصيص بس طلع ف الاخر بلى العجل غيرته والحمد لله بقت زي الفل والبلى اشتريته الجوز القدام ب100 واهم حاجه بما انك لسه شاريها جديد تغير زيت الموتور والفتيس وتكشف ع الفرامل وان شاء الله العربيه هتعجبك وهتستمر معاك

**المنسي** · 08-04-2013 12:07 PM

العربية لو بطلتها بعد اى مشوار والمفروض انها لسه سخنة مبردتش اوى لو الترموستات اللى راكب فيها واطى هتلاحظ الاتى دور العربية واستنى لغاية المروحة ماتشتغل وتبرد العربية وبعد ين بطل العربية وتعالى دور تانى هتلاقى مؤشر الحرارة بدأ من عند علامة تشغيل المروحة وهيفضل ينزل تدريجي لغاية مؤشر فصل المروحة فالحركة دى بتحصل فى حالة تركيب ترموستات واطى فالعربية وده اكيد اللى موجود عند حضرتك
بالنسبة للمشكلة التانية محتاج ترصيص وظبط زوايا

**yasser dyboo** · 08-04-2013 09:59 PM

المشاركة الأصلية كتبت بواسطة المنسي

العربية لو بطلتها بعد اى مشوار والمفروض انها لسه سخنة مبردتش اوى لو الترموستات اللى راكب فيها واطى هتلاحظ الاتى دور العربية واستنى لغاية المروحة ماتشتغل وتبرد العربية وبعد ين بطل العربية وتعالى دور تانى هتلاقى مؤشر الحرارة بدأ من عند علامة تشغيل المروحة وهيفضل ينزل تدريجي لغاية مؤشر فصل المروحة فالحركة دى بتحصل فى حالة تركيب ترموستات واطى فالعربية وده اكيد اللى موجود عند حضرتك
بالنسبة للمشكلة التانية محتاج ترصيص وظبط زوايا

اولا شكرا لاهتمامك يا استاذ منسي
ثانيا انا لما ابطل العربيه بسمع المروحه لسه شغاله دقيقتين كده وبعدين المروحه بتفصل فبعتقد ان كده المفروض الحراره قلت ولما افتح الكونتاكت الاقي المؤشر فوق التسعين مع ان المروحه بطلت بس فعلا لما اشغل العربيه المروحه بتشتغل تاني ( بس اللي محيرني انهارده ان وانا قبل ما ابطل العربيه المؤشر بيكون تحت التسعين ولما ابطل العربيه شويه وافتح الكونتاكت الاقي المؤشر فوق التسعين هوه ده اللي مجنني علي العموم هكشف علي الترموستات وهشوف

**sakr_skoda** · 08-04-2013 10:16 PM

المشاركة الأصلية كتبت بواسطة yasser dyboo

اولا شكرا لاهتمامك يا استاذ منسي
ثانيا انا لما ابطل العربيه بسمع المروحه لسه شغاله دقيقتين كده وبعدين المروحه بتفصل فبعتقد ان كده المفروض الحراره قلت ولما افتح الكونتاكت الاقي المؤشر فوق التسعين مع ان المروحه بطلت بس فعلا لما اشغل العربيه المروحه بتشتغل تاني ( بس اللي محيرني انهارده ان وانا قبل ما ابطل العربيه المؤشر بيكون تحت التسعين ولما ابطل العربيه شويه وافتح الكونتاكت الاقي المؤشر فوق التسعين هوه ده اللي مجنني علي العموم هكشف علي الترموستات وهشوف

سلامتك ياحبيبى من الجنان الموضوع ابسط مما تتخيل بص مؤشر الحرارة بيشتغل ازاى يعنى بياخد اشارتة من فين طبعا من حساس الحرارة اللى راكب على كوعة المية تمام كدا..........طيب الكوعة دى بتستقبل الميه من الموتور بحرارتها العاليا مش كدة يعنى قبل ما تتدخل على الريداتير اللى هو مسؤل عن تبريد الميه صح كدا.............. طيب تخيل حضرتك ان الميه خارجة من الموتور وقبل ما تتدخل على الريداتير بتبطل العربية ولما تيجى تدور تانى حتبقى قرائة المؤش ايه طبعا مرتفعا لأن حساس الحرار مغموس بالماء الساخن الخارج من الموتور لاكن لما بتدور العربية طلومبة الميه بتسحب الميه من الريداتير وتدخل على الموتور ومن ثم تخرج من الموتور تروح على الريداتير ولو ارتفعت الحرارة المروحة بتبرد افتكر الموضوع بسيط ....*

وانا تحت امرك اخى فى الله....

**aw2100** · 08-04-2013 11:09 PM

1000 مبروك على العربية كنت شاريها بكام ؟
طبعا فية شوية صيانات لازم تكشف على الكاوتش وترصيص وزبط زوايا وتغير زيت الموتور والفلتر وانصحك بالشل الأصفر لو الموتور كويس وتغيره على 4000 ك او الشل الأحمر وتغيرة على 2000 ك وتغير فلتر الهواء والبنزين وتغيير زيت الفتيس وزيت الفرامل تحط dot .4 وتعمل غسيل لدورة التبريد واهم حاجة تحط مية خضراء لاحظ احنا داخلين على الصيف .
بالنسبة للدبدبة ممكن تكون كبالن داخلية او اكس فية عوجة وعادة بيكون من الأكس اليمين الطويل لما بيتعوج خفيف بيعمل دبدبة بتظهر مع السرعة وممكن تكون عندك فردة كاوتش بايظة فمكن تبدل الكاوتش الخلفى مكان الامامى اولا قبل ماتعمل حاجة وبالنسبة للحرارة انت ممكن لو راكن فى حتة شمس والعربية سخنة من مشوار ووقفت والمروحة مبطلة تلاقيها دارت لوحدها بعد دقيقتين وانت راكن وتبطل تانى كل ده عادى وربنا يقويك !!