ياللا نعمل جــــروب GeN 2 ---> في اسكندريه

**Victor Alex** · 12-08-2008 04:00 AM

فكره حلوه منك عشان نثبت وجود العربيه دي في اسكندريه برضو.........
ونا من اشد المعجبين بالعربيه دي وإن شاء الله لو ربنا سهل هجيبها علي شهر 12 كده
ونبقا نشوف مالكي الجين2 في اسكندريه ونعمل شغل كويس

**haneena** · 13-08-2008 02:18 PM

العربية دى مش موجودة فى اسكندرية كتير
مش هتلاقى ملاكها فى اسكندرية يكملوا عشرة
مع انها بقالها تلات سنين

**Islam_galal** · 13-08-2008 02:24 PM

العربية منتشرة في اسكندرية بقوة يعني ممكن تصور عشرين عربية مختلفة في يوم واحد

**haneena** · 13-08-2008 02:30 PM

المشاركة الأصلية كتبت بواسطة Islam_galal

العربية منتشرة في اسكندرية بقوة يعني ممكن تصور عشرين عربية مختلفة في يوم واحد

طيب لو صورت العشيرن دول حاديك 75 قرش

**Islam_galal** · 13-08-2008 02:51 PM

للأسف سرعة الرد و تعمد الإشتراك في مواضيع جين 2 يفقد ردود العضو haneena الموضوعية

جين ليست أمي و لا أبي لكي أتعصب لها و لا ضدها
رأينا في هذا المنتدي أمانه
أما الهجوم بدون داعي و في المواضيع التي يشكر فيها الاعضاء في السيارة و بدون خبرة عملية هو تضليل للأعضاء و احتقار لمشاعرهم

**haneena** · 13-08-2008 03:10 PM

المشاركة الأصلية كتبت بواسطة Islam_galal

للأسف سرعة الرد و تعمد الإشتراك في مواضيع جين 2 يفقد ردود العضو haneena الموضوعية

جين ليست أمي و لا أبي لكي أتعصب لها و لا ضدها
رأينا في هذا المنتدي أمانه
أما الهجوم بدون داعي و في المواضيع التي يشكر فيها الاعضاء في السيارة و بدون خبرة عملية هو تضليل للأعضاء و احتقار لمشاعرهم

فيييييييييه اييييييييييييييه
ايه اللى انا قلته يخليك تسمعنى الموشح ده
انت قلت حاجة وانا قلت اللى شفته برده وانا عايشة فى اسكندرية وباجيبها كل يوم من اولها لآخرها لان شغلى فى الازاريطة وانا ساكنة فى ميامى ومش باشوف العربية دى الا كام مرة ومنهم عربية نحاسى وانا مميزاها
يبقى ليه بقى الرد ده وبتقول مش متعصب امال لو كنت متعصب كنت قلت ايه
ومتهايالى ان واضح قوى ان ردى كان فيه هزار مارديتش وقلتلك لا انت كداب ولا قاوحتك انا باقول بهزار صورهم وهاديك 75 قرش
انا مش عارفة الناس ليه هنا عندها حساسية زايدة تجاه العربية دى ودى حاجة ملحوظة جدا
المفروض لو فيه ثقة فيها حقيقة مايبقاش الردود دايما متحفزة وعصبية كده
وبعدين ارد فى منتدى بروتون ولا غيره دى حرية شخصية وانا حرة تماما
وانا بارد بالحق فى كل الاقسام مش هنا بس
ومش باسئ لحد

**densfog** · 13-08-2008 04:07 PM

اول قرار تاخده مجموعة جين 2 فى السكندرية هو:
قرار رقم (1): سرقة سياره العضوه haneena لاجبارها على المشى فى الشارع و ساعتها حتزهق من شكل الجين 2 لأن من الواضح انها من النوع اللى بيركز اوى فى السواقة وملهاش دعوة بأى عربية تانية ماشية حواليها (معلش يا اسلام يا جلال سيبها ربنا يسامحها)

**haneena** · 13-08-2008 04:13 PM

المشاركة الأصلية كتبت بواسطة densfog

اول قرار تاخده مجموعة جين 2 فى السكندرية هو:
قرار رقم (1): سرقة سياره العضوه haneena لاجبارها على المشى فى الشارع و ساعتها حتزهق من شكل الجين 2 لأن من الواضح انها من النوع اللى بيركز اوى فى السواقة وملهاش دعوة بأى عربية تانية ماشية حواليها (معلش يا اسلام يا جلال سيبها ربنا يسامحها)

هاهاهاها لأ حلوة بجد
دمك خفيف فعلا (ودى مش تريقة عشان الناس بتفهمنى غلط على طول دمك خفيف فعلا)
بس لعلمك انا من النوع اللى بيحب العربيات جدا وباتفرج على كل العربيات الماشية فى الشارع والواقفة كمان ومش باسوق زى كتير من البنات والستات اللى بيبقوا مكلبشين فى الدريكسيون خايفيين لا يجرى لا انا والحمد لله باسوق كويس وماحدش بيعرف يطلع منى
وياسيدى انا مستعدة اشارك فى الجروب ده وهاعملكوا يافطة على حسابى يلا ان شالله ماحد حوش
وبعدين انت عايزه يسامحنى على ايه هو انا غلطت فيه لا سمح الله

**densfog** · 13-08-2008 04:17 PM

حاجة تانيه يا استاذه haneena انا تقريبا شفت sx4 واحده او اتنين فى الأسكندرية وكانوا تقريبا ملاكى القاهره

**haneena** · 13-08-2008 04:21 PM

المشاركة الأصلية كتبت بواسطة densfog

حاجة تانيه يا استاذه haneena انا تقريبا شفت sx4 واحده او اتنين فى الأسكندرية وكانوا تقريبا ملاكى القاهره

مش باقولك دمك خفيف
طيب هو فيه حد قال ان فيه SX4 كتير فى اسكندرية متهايالى ماحدش قال كده
ده غير انها لسة نازلة شهر ابريل اللى فات مش بقالها تلات سنين
وبعدين ماتنساش عربيتى ازاى ماشوفتهاش ودى ملاكى اسكندرية طبعا ومنورة اسكندرية كلها
وفيه واحدة تانية كمان وملاكى اسكندرية ودى اللى لما شوفتها وسوقتها روحت جبت بتاعتى على طول

الموضوع: ياللا نعمل جــــروب GeN 2 ---> في اسكندريه

LinkBack

أدوات الموضوع

عرض

-

-

-

-

-

-

المواضيع المتشابهه

مساعده من اهل اسكندريه عن اماكن البيع في اسكندريه

ياللا كلنا نقل ل Tamertamer كل سنه وانت طيب ..

ياللا نعمل عربية اسمها نايل موتورز

نيو أكسينت للبيع ياللا يا جماعة

ياللا نحرق دم بعض

الكلمات الدلالية لهذا الموضوع

المفضلات

المفضلات

ضوابط المشاركة