عايز اشحن فريون

**islamnasser10** · 08-04-2013 02:06 AM

جربت التكيف من كام يوم لقيته مش بيسقع كويس وشكلنا داخلين علي صيف نار
فقولت اسأل قبل ما اتدبس
اجيب فريون نوعه وصناعته ايه افضل حاجة وبكام والراجل اللي هيشحنه اديله كام

فيه جزئية تانيه لما بشغل التكيف وانا في الزحمة العربية بتنتش معايا جامد في الغيار الاول والتاني

**mxz911** · 08-04-2013 02:42 AM

متابع لنفس السبب
وعربيتى نوبيرا 2004

**mona_881** · 08-04-2013 02:45 AM

والله نفس السؤالين عندي برضه إسمحلي أتضامن مع حضرتك في السؤالين دول

**aldesha989** · 08-04-2013 02:53 AM

الفريون اللى بتجيبه فريون عربيات 134 الكيلو ب 90 جنيه وفى نص تقريبآ لانك مش هتحتاج كيلو لان الكيلو تقريبآ بيأخد تلات عربيات او عربيتين المهم ان المفروض الافضل انك تدور على واحد بتاع تكيف ابن حلال هو يشحنلك التكيف بالفريون اللى عنده لان ماحدش هيقبل انك تجيب فريون وهو يشحنه كده انتا قطعت رزقه لان مكسبه من الفريون ومن الشحن انتا فاهم

المهم وخليه يكشفلك على دايره التكيف قبل ما يشحن علشان ما يكنش عندك تسريب والشحن يروح على الفاضى حرام

والموضوع التانى ده المفروض تخلى مكيانيكى يعرفلك العيب

واللى اعرفه ان التنتيش بيبقى بوجيهات

بس ممكن برضه يكون عندك الفاكيوم مش بيعلى الماتور شويه علشان تتظبط مع التكيف لان لما التكيف بيشتغل بيسحب من قوه الماتور فلازم الماتور يعلى شويه مع التكيف

**eslam3344** · 08-04-2013 02:54 AM

متابع بحماااااااااااااااااااااا ااااااااااااااااااااااااا اااس للسؤالين

**tarek_2005** · 08-04-2013 11:57 AM

روح لمطراوي بشارع دمشق هيظبطهولك (( التكييف ))
واعمل ايديل لرن والتكيف شغال لو استمر التنتيش اكشف علي بلية شداد التكيف تكون خشنة ولو سليمة بص علي الايديل يكون تالف

**tarek_2005** · 09-04-2013 10:43 AM

كله زي بعضه مفيش فرق والفرق دا اتعمل علشان صنايعي يغلي الفيزيته بتاعته بس كله فريون وعن تجربة وانا حطيت صيني وحطية امريكي وحطيت انجليزي كله زي بعضه ودا مش كله في عربيتي طبعاً ولكن في سيارات الزملاء ومحدش اشتكي