السلام عليكم اعضاء المنتدي الكرام
زي ما باين من العنوان عاوز اخد رأيكم في هذه المقارنة المحيرة
انا لسه نازل من لانسر 1300 مانيوال
وحاليا بدور علي عربية وواحد حبيبي جابلي عربيني
الاولي اوبترا 2011 كاملة اوتو رش جانبين 50 الف عداد شرعي و5 فرد كاوتش جديد وجنط سبور ومن اول مالك ومطلوب 80 ورخصة سنه بس صاحبها هيفك حظر البيع لانها كانت قسط تبع البنك
الثانية كورولا 1600 2006 كاملة اوتو راشة بره بالكامل لون اسود دواخل سليمة فابريكة وعداد 130 ألف كيلو وجنوط سبور ورخصة سنة و3 شهور بس دي من تاجر لسه شاريها وهو بيتكلم في 84 نهائي

ايه رأيكم ولو كنت مكاني تعملي ايه وخصوصا كل واحده في مميزات وعيوب
يعني الكورولا موديل اقدم وراشة بره بس موتور 1600 وكمان سريعه في البيع
الاوبترا موديل اعلي ومن صاحبها واول يد وعربية بيتي بس اتقل في البيع وفي السوق من الكورولا

اتمني رأيكم في اقرب وقت لان ممكن الاتنين يطيروا من ايدي