الموضوع: اوبترا 2011 ولا كورولا 2006

المشاركة الأصلية كتبت بواسطة amrelsaqqa

في رأيي الشخصى مفيش حاجة اسمها لغاية كام
ممكن تاخد ملف غبي على 60 والعربية تزعلك
انا معايا العربية ، عندى الكاوتش عايز يتغير تعبان جدا ، في مرة بفرمل وانا على سرعة 40 وخلاص بقيت على سرعة 10 ، موقف تافه جدا وسرعة تافهة جدا جدا ! ، بس كنت لازق في اللى قدامى ، فعادى يعنى بدخل في الحارة اليمين عشان كنت خلاص قريب اوى من اللى قدامى ( الكلام ده على سرعة بالكتير 20 ) لقيت العربية بعد ما وقفت ، لعبت من ورا لوحدها ! ، كأن حد جه خبطنى جامد في الرفرف الشمال ورا !

طبعا انا كنت على ارض رملية شوية والكاوتش ضايع ، بس برضه رد فعل العربية مبالغ فيه جدا ، يعنى يستحيل كان ييجى في بالى ان العربية ممكن تعمل كدة في حتة زي دى مهما كانت حالة الكاوتش والعفشة ! لان السرعة لا تذكر !

كان معايا بيجو 504 قبلها والمفروض ان ثباتها متواضع برضه ، بس عمرها ما تعمل حاجة غير متوقعة ، تعرف امكانيات عربيتك وتظبط نفسك عليها وخلاص ، انما الكورولا دى بتعمل حركات غريبة الصراحة !

ربنا يسترها ان شاء الله هي بصراحه الكورولا عجباني أوي بس موضوع الثبات ده اللي يقلق... ربنا يسترها معانا جميعا ان شاء الله

المشاركة الأصلية كتبت بواسطة s o p h o s

ثبات الكورولا جنط 14 من 120 جيد بعد ال 130 او 140 يقل
لو معاك ناس فالعربية عادي شايفة مبيقلش لوحدك تحس انه ضعيف
لو جنط 15 او 16 كمان ثبات من 140 واطلع شوية
لو الكاوتش نظيف وجنوط مش هتحس انك منزعج من الثبات حتي لو بتجري
لكن فالنهاية وكشئ واقعي ثبات جيد ومرضي بالتعديل ولكن ليس ممتاز كعربية اوروبي بصراحة
ولكن فالنهاية العربية كمجمل بتوصلك للغرض المطلوب منها
والله اعلم ..

جزاك الله خير بس بصراحه 140 قليل .... بس برضوا مش بزود عن ال 140 - 150 مثلا والواحد يعني بيحب يجري غصب عنه في طريق الكريمات لأنه مغري بصراحه مع اني عارف انه خطر وربنا يسترها ان شاء الله