ربنا يرحمهم
عرض للطباعة
ربنا يرحمهم
إنا لله وإنا إليه راجعون
اللهم اغفر لهم وارحمهم واجعل مثواهم الجنه وصبر ذويهم يا ارحم الراحمين
اللهم ارحمهم و اعفو عنهم
امين
الله يرحمهم ... ويرحمنا جميعا دنيا وآخره .......
اللهم اغفر لهم وارحمهم وادخلهم الجنه
ربنا يرحمهم , ويغفر لهم , ويصبر اهلهم يارب الموضوع دة مؤلم جدااا وبيحول البيت لمكان للاحزان ومش بيدخلة الفرح تانى لما ابن من العائلة بيروح
وياجماعة سواء مطب هواء او حتى عجلة قيادة فلتت , المهم فى الاخر انة اى سرعة كان ماشى عليها فى حدود السرعة القانونية كان عرف يتصرف وطلع بأقل الخسائر
ربنا يهدى , ويكفينا شر الموت الغفلة ويستر طريقنا جميعا ويكفينا من كل شر الطريق
لاحول ولا قوة الا بالله وربنا يستر طريقنا جميعا ويهدينا ...اللهم انى اعوذ بك من موت الفجاة وموت الغفلة
قلبي وجعني عليهم....الله يرحمهم يارب.
مأساة بكل المقاييس....ربنا يسترها ونتعلم كلنا منعديش ال120 انشاله لو بنلعب في f1.
دة اسمة انتحار ... .زى اللى بيرمى نفسة من فوق جبل و مستنى انة ينزل سليم ...
و هذا السائق لا تجوز علية الرحمة لانة مات كافر و مستهتر و ما فعلة يدخل فى دائرة الاجرام و اذا كانت حياتة لا تسوى شىء عندة فقد قتل اصدقائة بمنتهى البساطة ..و عرض حياة اخارين على الطريق للخطر...
ربنا يكفينا شر هؤلاء المجرمين على الطريق....
اعوذ بالله من شيوخ المنتديات وشيوخ الفضائيات....هتكفرونا والله خلاص استغفر الله العظيم.
ناس في دنيا الحق واحنا في دنيا الباطل وقاعدين نكفرهم ونقول تجوز ايه ومتجوزش ايه.......استغفرك يارب واتوب اليك.
فعلا انا عمرى ما شوفت حد مات وهوة ماشى على 90--هوة بيتوفى انما مش بيموت
هيه سرعه 200 سرعه خرافيه
سرعه 200 سرعه خرافيه فعلا لما امشى بيها جوة المدن انما طريق صحراوى 200 دى اقسم بالله كان الواحد واقف
وانا مش بدافع عن السرعه لان السرعه قاتله---بس فيه نسبه وتناسب بين الطريق وظروف الطريق
طب اخر فيديو مصورة كل اما حد يشوفه يفكرنى ماشى بالكتير على 120 واصلا العربيه كانت 200
وقبل اما الواحد يجرى لازم يطمن على كاوتش وان الغرامل تمام وان هوة شخصيا فى حاله صحيه جيدة
وبعدين
سنه 2000 تقريبا كنت مسافر مع اصحابى انا فى نيسان وهمه فى مرسيدس
والسرعه كانت 100 تقريبا --والمرسيدس نزلت تحت نقل وحصل الى حصل---ولا كان فيه سرعه 200 ولا حتى 120---بس كان فيه قضاء الله
وهرجع واقول السرعه فعلا قاتله
يا شباب نظرا لفتوى التكفير
من ركب طائرة فهو كافر-لانه يركب الهواء ومعرض للسقوط وهذا انتحار بائن
من ركب السفينه فهو كافر-لانه ركب الماء وعرض نفسه للغرق وهذا انتحار بائن
من ركب السيارة وتحرك بها فهو كافر-لانه ركب اربع اطارات مملؤءة بالهواء ومعرضه للانفجار وهذا انتحار
من شرب الماء فهو كافر--ممكن الميه تقف فى زورة ويتخنق ويموت --وهذا انتحار بائن
انبوبه البوتجاز فى البيت والكهرباء كفر ليس بعدة كفر لانه احضر قنبله الى بيته واحضر صاعق كهربى الى بيته
تخلصوا من كل شىء واركبوا الجمال والحمير تنالوا الرضا والرخاء
معلش يا جماعة
بس فعلا سرعة 200 ديه اسلوب غير مباشر للانتحار و مش معنى كده اننا نعمم
الطرق ليها سرعات معينة محطوطة عليها و ديه السرعات القانونية اللى مفروض نلتزم بيها خصوصا فى مصر لأن الطرق فعلا وحشة و السواقين اوحش .. يعنى تفرق كتير اوى واحد ماشى 90 و حصلت حادثة و توفى غير واحد ماشى 200 و حصلت حادثة و توفى لأن الاول ملتزم بالسرعة القانونية لكن نصيبه كده انما التانى عمل حاجة خطيرة و عرض نفسه و غيره للخطر بسرعة غير مسموحة و غير مناسبة
و اسمحلى يا استاذ lanos2004 اختلف معاك
اللى ميلتزمش بقواعد الامان و السلامة فى اى حاجة و يعرض نفسه للخطر فعلا يعتبر طريقة غير مباشرة للانتحار .. و يا ريت مش كل حاجة ندخل الدين فيها لأن فعلا السرعة الزيادة ديه انتحار غير مباشر و بعيدا عن الدين خالص هتلاقى فى معظم اعلانات برة فى اوروبا و امريكا Speed Kills يعنى فعلا السرعة الزيادة ديه اداة بتقربك من الموت و بصراحة انا مقدرش احكم هل اللى يموت فى حادثة بسبب التهور كافر ولا لا لأن الموضوع دا محتاج حد دارس فى علوم الدين و فقيه فيها هو اللى يقدر يحدد بس مفيش خلاف ان السرعة و التهور الزائد هو اسلوب غير مباشر و غير مقصود للانتحار و بيخلى ناس تانية كتير تتعرض للخطر
.....................................
وقف نهائى لمخالفة قواعد المنتدى
8:22am 10/4/2013
م.ع.4
البقاء لله و ربنا يرحمهم ان شاء الله و يصبر اهلهم
و سبب الحادث فى اعتقادى سرعه زياده مع عربيه مساعداهم و محسساهم بامان و سن صغير و مفيش خبره للتصرف فى المواقف الى زى دى
و ممكن برضه يكون فى دخل لسائق النقل بحاجة غلط عملها فقائد الاوكتافيا معرفش و ملحقش يتصرف
البقاء لله....سن صغير = عدم خبرة
وفي المفاجئات يحدث ما لايحمد عقباه
ومعني انه ماشي بالفانتازيا علي سرعة ٢٠٢ كم /س والعربية لسه عاملة ١٠٠٠٠ كم يعني كان بيجري مسافة طويلة عشان يوصل بيها للسرعة دي والموتور لسه جديد
ربنا يغفر له هو اللي معاه
ربنا يغفر لهم جميعا ويصبر اهلهم و يلهمهم الصبر و السلوان
وكان ليا تعليق احب انكم تقروه كويس
انا شاب 21 سنة وزى زى اى حد مهوس بالعربيات وقريت كتير فى المنتدى عن مواضيع السرعة و التوب سبيد و الشد على الدائرى و السخنة و فيديوهات وتواقيع الاعضاء اللى مقفلين عداد والخ الخ الخ من العناوين اللى بتشد اى مبتدأ ومحب للعالم ده
كان كل همى قبل شراء العربية و المقارنات اللى كنت بعملها قبل قرار الاختيار وهو ان العربية دى تقدر توصل لسرعة قد ايه واقدر اعلم بيها على مين فى الطريق و هكذا من الافكار اللى انا دلوقتى بعد شراء العربية بقول ايه السخافة اللى كنت فيها دى
*النقطة اللى عاوز اوضحها ان المواضيع اللى زى دى فى الشد والجرى فعلا مؤذية لمن هم فى سنى او بدون خبرة وبتشجع على حاجات نتيجتها لا يحمد عقباها زى ما شفنا فى حادثة اخواتنا الصغيرين
انا لله و انا اليه راجعون
اللهم اغفر لهم و ارحمهم
الله يرحمهم
ربنا يتغمدهم برحمته ويصبر اهلهم , ويجعل مثوانا ومثواهم الجنة إن شاء الله !!!
بالنسبة لموضوع مطب الهواء لا أعتقده أبداً , إنما السرعة دي بجد سرعة قاتله !!! , يعني لو الدريكسيون لعب منه سنه ولا بتاع النقل رمى عليه إنسى اي تصرف !!!
أما بالنسبة للاستاذ احمد أنا مختلف معاه في كذا نقطه .....
أولاً السواقه مالهاش كبير , وأنا أكثر من نصف أصحابي ماتوا دون العشرين سنه ومع الأسف حوادث سيارات , وإيه !!!!!!! , كانوا سواقين بجد يعني سواقين دريكسيون من بتوع الثمانينيات موش سواقين مواتير من بتوع اليوميين دول !!! .
نيجي بقى لحكاية ان اللي حصل ده مكتوب من قبل ما يتولدوا .......... الخ , احنا كده دخلنا في منطقة خطيرة جداً أعيت علماء الدين على مر التاريخ وهي { هل الإنسان مخير أم مسير ؟ } وإن كان مسير فلما يحاسبنا الله ؟
أنا اللي إطمأن له قلبي من أقوال العلماء أن الإنسان مخير في أمور ومسير في أمور أخرى !!!
يعني مثلاً انت مخير تلبس إيه ولكن ملبسك ده من رزق ربك والرزق أنت مسير فيه !!!
طيب ربنا حيحاسبنا إزاي ؟
حيحاسبك على اللي انت مخير فيه ولن يحاسبك على اللي انت مسير فيه , والله تعالى أعلى وأعلم .
حنضرب مثل بهذه الحادثة الأليمة ..... , مما لا شك فيه أن أعمار هؤلاء الشباب قد كتبها الله في اللوح المحفوظ قبل خلق الخليقة بخمسين ألف سنة كما ذكر الرسول عليه الصلاة والسلام { "كتبَ اللهُ مقاديرَ الخلائقِ قبل أن يخلقَ السمواتِ والأرضَ بخمسين ألف سنة وكان عرشُه على الماء" رواه مسلم } .
فلو كانوا يسيرون بسرعة 100 كم وعملوا الحادثة دي وماتوا يبقى ده عمرهم وربنا يتغمدهم برحمته ان شاء الله .
طيب لو عملوا الحادثة وهما على سرعة 200 كم فده برضوا عمرهم ولكن ده تهور منهم وخطأ وإيذاء لأنفسهم وللغير !!! , وعملية رحمتهم بيد الله ان شاء عذبهم وان شاء غفر لهم وتجاوز عن أخطائهم .
كان رسول الله صلى الله عليه وسلم كثيراً ما يدعو الله بحسن الخاتمة !!! , يبقى إحنا مخيرين هنا والا ما دعا بها رسول الله .
خلاصة القول هنا , ان مات الإنسان لا قدر الله في حادثة وهو ملتزم بالسرعة وشروط القيادة السليمة فقدر الله وما شاء فعل , ولو مات وهو غير ملتزم بالسرعة أو بشروط القيادة السليمة فقد مات على معصية والله تعالى أعلى وأعلم .....
بالنسبة لأخونا الفاضل اللي نعت أبنائنا المتوفيين بالكفر , أرجوك يا أخي لا ترمي أحداً بالكفر , فما يدريك لعلهم أو أحدهم قد نطق الشهادتين قبل وفاته .
فالأصل ألا نحكم لأحد بجنة ولا نار إلا من حكم له الله تعالى , كأبي لهب وأبي طالب فهما في النار ، وأبو بكر وعمر ـ رضي الله عنهما ـ في الجنة .
والحكم على الناس بالنار من علم الغيب الذي لا يعلمه إلا الله تعالى القائل فيؤ كتابه الحكيم ( وَعِنْدَهُ مَفَاتِحُ الْغَيْبِ لا يَعْلَمُهَا إِلَّا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِنْ وَرَقَةٍ إِلَّا يَعْلَمُهَا وَلا حَبَّةٍ فِي ظُلُمَاتِ الْأَرْضِ وَلا رَطْبٍ وَلا يَابِسٍ إِلَّا فِي كِتَابٍ مُبِينٍ) (الأنعام:59) .
وقال تعالى : ( عَالِمِ الْغَيْبِ وَالشَّهَادَةِ فَتَعَالَى عَمَّا يُشْرِكُونَ) (المؤمنون:92)
فهذا من التألي على الله جل وعلا { والعياذ ربالله } .
روى مسلم في صحيحه : عن جندب رضي الله عنه، أن رسول الله صلى الله عليه وسلم قال : ( حدث أن رجلا قال والله لا يغفر الله لفلان ، وأن الله تعالى قال من ذا الذي يتألى علي أن لا أغفر لفلان , فإني قد غفرت لفلان وأحبطت عملك ) .
عن أبي هريرة رضي الله عنه قال سمعت رسول الله صلى الله عليه وسلم يقول ( كان رجلان في بني إسرائيل متواخيين أحدهما يذنب والآخرمجتهد في العبادة ، فكان لا يزال المجتهد يرى الآخر على الذنب فيقول أقصر ، فوجده يوما على الذنب فقال له أقصر فقال خلني وربي ، أبعثت علي رقيبا ؟ فقال والله لايغفر الله لك أو لا يدخلك الله الجنة ، فقبض أرواحهما فاجتمعا عند رب العالمين فقال لهذا المجتهد كنت بي عالما أو كنت على ما في يدي قادراً ، وقال للمذنب اذهب فادخل الجنة برحمتي ، وقال للآخر اذهبوا به إلى النار ) ، قال أبو هريرة والذي نفسي بيده لتكلم بكلمة أهلكت دنياه وآخرته ) .
رواه ابن حبان في صحيحه. صحيح الجامع 4455 .
فعلى المسلم أن يحفظ لسانه ويتورع عن إطلاقه فيما لا يعنيه , قال صلى الله عليه وسلم
( وهل يكب الناس على وجوههم أو على مناخرهم إلا حصائد ألسنتهم ) رواه الترمذي .
أخيراً أسأل الله أن يجعل ما قلته لكم زادًا إلى حسن المصير إليه و عتادًا إلى يمن القدوم عليه , إنه بكل جميل كفيل و هو حسبنا ونعم الوكيل , و صلى الله وسلم وبارك على نبينا محمد والحمد لله رب العالمين
ياأدمن فينك أرجوك إتصرف مع الناس دي عشان مش عايز أغلط
جاي في موضوع وفيات وعامل إعلان هو مفيش إحساس خالص
وبالنسبة للولاد ربنا يرحمهم والله قلبي بيتقطع على كمية الشباب إللي بيروحوا في حوادث عربيات ويارب صبر أهاليهم إللي زمانهم بيموتوا في اليوم مية مرة
والصراحة لقيت تعليقات غريبة جدا ومستفزة جدا جدا ومش عايز أذكر مين عشان محدش يزعل مني بس ونبي إعقلوا الكلمة قبل ماتقلوها إحنا مش صغيرين
ونصيحة لأي حد لسه بيجري حادثتك جاية جاية مجرد مسألة وقت ليس إلا فا ياإما تعتبر من إللي بيحصل ياإما تبقى في يوم من الأيام عبرة للناس
أنا واحد من إللي كانوا بيجروا زمان وعملت 3 حوادث بسبب السرعة والغرز المميتة ده طبعا غير الحوادث إللي كانت حتحصل وربنا كان بيسترها والحمد لله ربنا هداني وممكن أكون بتجنن شوية لكن برضه في حدود المعقول مش زي زمان
أرجوكوا إتعظوا 99% من الحوادث بسبب السرعة إجروا لكن من غير جنان طرقنا زي الزفت ومش مستحملة السرعة خالص وإللي بيقول عربيتي ثابتة وقد السرعة عنده الفانتازيا أهيه أقرب مثال السرعة خطر في أي نوع عربية
سؤال للناس اللي بتحب السرعة (و ردها التلقائي ) أنا عارف أنا بعمل أيه .
هو ليه في أوروبا و أمريكا ....... السرعات دي جريمة هناك ؟
و ليه معمول سرعات قانونية في العالم كله ؟؟؟
ليه في بعض الدول اللي بيتجاوز سرعة معينة بيأخدوا منه الرخصة خالص و ممكن يتسجن (زي المجرمين ) ؟
طيب و الأهم
ليه نسبة الوفيات في الدول العربية الخليج و مصر ........ أعلى منها في أوروبا و أمريكا بسبب حوادث السيارات
هل ربنا عايزنا نموت في العربيات ........ و عايزيهم يعمروا و يعيشوا مدد طويلة ؟؟؟ و محرم عليهم يموتوا في العربيات ؟؟
بالنسبة للأخوة اللي توفوا
المسئول عن كدا الحكومة اللي مش بتراقب الطرق و سايبها سداح مداح لكل من تسول له نفسه القيادة بجنون عليها
لغاية ما كل واحد في البلد فاكر ان هو ده الصح و كل واحد عارف هو بيعمل أيه .
====
الأستاذ لانوس ....... أستاذ أحمد
و الله الواحد بيحبك في الله بدون ما يعرفك .
بس بجد راجع نفسك ..... و فكر بمنطق تاني ........ و بجد ربنا يستر طريقك و طريقنا
آخر كلامي
ربنا يرحم المتوفين ........ و يهدي العايشين و نتعلم من اللي بيحصل .
[youtube]http://www.youtube.com/watch?v=UlvyU1pz_-c[/youtube]
ياريت نتفرج ع الفيديو دا و بالذات المثال اللى بدا ف 1:24 و المثال للى بدأ ف الدقيقة 2 لحد 2:30
و المقطع من الدقيقة 3 لحد 3:50 ,,,,,,,, الصراحة الفيديو كله معبر اوى , اوى
اللى يعمل حادثة ع سرعة 200 ع طريق اخرة 120 - 150,,,,, دا تقصير م وش عايز اقول انه مات أثم زى ما الشيخ قال ف مثال اللى ينام ع السطح لان انا مش شيخ و مقدرش افتى
لكن اللى عمل اللى عليه و ماشى ع سرعه 120 و و بيتبع اجراءات السلامة و عمل حادثة ,, هو دا القضاء و القدر
بجد يا جماعة الموضوع ادمان و ممتع اوى بس ربنا يبعد عنا داء حب السرعة
لا حول ولا قوة إلا بالله..ربنا يرحمهم ويصبر أهليهم..ودا غلط الأهل انهم يديو عيال صغيرة بالسن عربية ويسيبوهم مع نفسهم.
الله يفتح عليك و يبارك لك يا اخ monamize4 ...الدكتور المتكلم دة جاب من الاخر زى ما بيقولو...و الكلام مش جديد و اتكلم فية شيوخ كثيرين لتوضيح هذة النقطة ولكن احنا بس اللى بنحب نفسر الدين على مزاجنا عشان نرتاح....
والدكتور قال مثال عن الرجل اللى ركب جمل حرونا ودقت عنقة و لم يصل النبى علية ..لية لم يصلى علية النبى ؟؟
الدكتور بيقول تقصير من باب التسهيل و التبسيط فقط و لكن الحقيقية التقصيردة مستويات تصل فى حالة هذا السائق الى المستوى الانتحار بلا شك..
انما نقعد نترحم على سائق ارعن و مستهتر و قاتل غير مباشر لنفسة و لاصدقائة و لاى شخص اخر على الطريق و نرد الموضوع للقضاء والقدر عشان نريح نفسنا من المسؤلية و ننام مطمنين
لا يا سادة يا معترضين ...هذا السائق سيتحمل يوم القيامة ثمن الدماء و الارواح التى ازهقت بسبب خروجة عن كل طلبات الامان و الخروج عن السرعة المقررة و القيادة بهذة السرعة الجنونية مع اصدقائة فقط للتباهى و التفاخر و التسلية
يعنى لما يمشى على السرعة المقررة و يحترم السرعة المخصصة للطريق حينقص اية ..شوية دقائق شوية ساعات حتى من المشوار ..دة احسن ولا يفقد حياتة احسن ...و اذا حصل حادث بعد اتباع جميع عوامل الامان وقتها فقط يبقى قضاء و قدر و نترحم علية كلنا لانة لم يقصر .
نصحصح كدة ونبطل شماعة القضاء والقدر دى اللى خربة كل حاجة فى هذا البلد ..لان الله اعطانا عقول نفكر بيها و نفرق بين ما ينفعنا و يضرنا...
و رسالة الى كل اب او كل مسؤل يعطى ابنة سيارة سريعة بدون ما يطمن حيستعملها ازى و لا يعلمة اصول القيادة السليمة و يفهمة اهمية انة يتبع التعليمات و ضوابط الامان و السلامة ..انتم مشاركون فى هذة الدماء يوم القيامة ايضا باتستهتاركم و اهمالكم لابنائكم ..
انا لله و انا اليه راجعون
أولا البقاء لله
ربنا يرحمهم جميعا برحمته الواسعه
ويصبر أهاليهم
ويعوضهم خيرا ان شاء الله
ثانيا هو اللى حصل حصل
بس اللى انا شفته ان سبب الحادثه مش السرعه فقط
السبب هو الإستهتار بحياه الناس وحياتهم
بس هو عموما فى النهايه قدر
انا لما شفت الصورة دى للشاب اللى سايق
http://distilleryimage3.s3.amazonaws...0a1f9871_7.jpg
صراحه منتهى الإستهتار منه انه يعمل كده على سرعه عاليه بمجرد انه يتصور بالشكل دة
عموما مفيش قدامنا غير الدعوه له بالرحمه والمغفره عند ربنا
البقاء لله
يعنى هو كان سائق فى الوضع دة على سرعة 200 ..طيب و ثبت دواسة البنزين ازى؟؟
هى الصورة دى حقيقية فعلا و مصدرها اية بالضبط ؟؟ ..
دة كان بيتسلى بقى بروحة و بارواح الناس على الطريق ....حسبى الله و نعم الوكيل ,, الله يكفينا شر هؤلاء المفسدين على الطريق
و مستغربين من النهاية
ربنا يرحم المتوفيين ويتم شفاء المصاب على خير
وربنا يهدى الناس اللى غاوية الجرى
أولا مصدر الصورة
---------
ودى صفحه الشاب المتوفى اللى اسمه عمر اللى هو صديق للشاب اللى سايق على موقع انستجرام اللى كانوا بيرفعوا عليه الصور وهما ماشيين فى الطريق
وهتلاقى الصورة بتاعه العدادات اللى حاططها صاحب الموضوع موجوده قبل الصورة دى مباشرة
ثانيا لما بيرفع رجله من على دواسة البنزين العربيه بتفضل تهدى سرعه لكن مش بتقف يعنى انت مثلا لو على 200 وشيلت رجلك من على الدواسة العربيه هاتنزل تدريجيا
بس حضرتك لو لاحظت هتلاقى تأثير الهواء باين على الشاب وهو مطلع جسمه من الشباك
ودة فى حد ذاته لو على سرعه 10 كيلو غلط
عموما لا يجوز الأن سوى الترحم عليهم
لو دى الحقيقة فعلا ,,,,,,,, انا مش هرد احسن !!!!
عادي العربية هتمشي 200 زي ماهي لانه هيشغل الكروز كنترول اكنه دايس بنزين بالظبط حتى لو خدتوا بالكوا حاطط ايده على الدراع عشان يزود وينقص السرعة .. استهتار ملوش اي معني ! الله يرحمهم على كل حال