يعني طالع من الشباك و عالسرعه دي و بليل كمان ؟؟؟؟؟ طيب لو الصبح عالاقل هيبقا كاشف مسافة كبيره بس ده يادوب كاشف مسافة النور العالي اللي هي تعتبر قصيره بالنسبة للسرعة دي ،،،، ربنا يرحمهم جميعا
عرض للطباعة
يعني طالع من الشباك و عالسرعه دي و بليل كمان ؟؟؟؟؟ طيب لو الصبح عالاقل هيبقا كاشف مسافة كبيره بس ده يادوب كاشف مسافة النور العالي اللي هي تعتبر قصيره بالنسبة للسرعة دي ،،،، ربنا يرحمهم جميعا
يا رجالة راجعو الصورة اللي في اول الموضوع تحت "going to so5na w elly byso2 mgnon" هتلاقو تحتها عامل تاج للجملة دي ."#ImGoingToDie"
خلاص ياشباب الناس توفت ولا يجوز عليهم غير الرحمة.
والسواقة ملهاش كبير وملهاش معيار وملهاش علاقة بمهارة سواق ولا امكانيات عربية.
ومنعدش نقول بقي مفيش خبرة. هو من الاخر استهتار وملوش مسمي تاني بصراحة.
ربنا يرحمهم ويسترها علينا جميعا.
خلاص يا جماعه ميجوزش عليهم غير الرحمه حاليا و اخذ العظه
و ربنا يرحم المتوفيين و يصبر اهلهم و يتم شفاء المصاب باذن الله
صورة كاتب فيها am going to die
وصورة كاتب فيها لو مت افتكرني بحاجة حلوة...وقد كان.
لا اله الا الله محمد رسول الله
والله انا مش عارف اقول اية الصراحة , بس انا مش متخيل ان فية حد ممكن يعمل كدة , على السرعة دية , فى شوارعنا الجميلة دية , واصحابة اصلا يطاوعوة ان يعمل كدة
ربنا يرحمهم جميعا , ويغفر لهم سيئاتهم يارب , لان كدة فعلا الموضوع اختلف تماما لان دة بيسمى انتحار بصورة غير مباشرة
بس الله وحدة اعلم بجزائهم اية , ومصيرهم هيكون اية
فاملناش اى حق اننا نحكم عليهم , وكل اللى نقدر نقولة , ربنا يرحمهم برحمتة الواسعة ويتجاوز عن سيائتهم
لو على سرعة 200 وخارج من الشباك كان زمانه طار .. ممكن تكون الصورة متاخدة وهو على سرعة 190 مثلا :))
اعذروني انا جاي اهزر واعزي في نفس ذات الوقت
ايه اللي بيحصل ده يااخونا؟؟
عيل صغير سيبنله عربية زي دي وهو اصلا شخص غير مسئول؟!!
حسبي الله ونعم الوكيل في الدلع
وربنا يرحمهم ويغفرلهم
ولو كان فعلا كاتب im going to die يبقى فعلا النية مبيتة للانتحار مش كدة؟!!!!
ربنا يرحمهم ويصبر اهاليهم ويسترها علينا
يا جماعة بالله عليكم كل واحد يراجع توقيعه و الصورة الرمزية و صورة ال profile وال cover و الصور ف الاكونت بتاعه و يراجع الكمبيوتر بتاعه و طبعا يراجع كلامه و من كان لاخيه عنده مظلمه فليتحلل منها
محدش يسيب تهمه وراه
الله يرحمهم
النهاردة هي الذكري السنوية التانية لوفات واحد صاحبي في حادثة .. المفروض دلوقتي يبقي عنده 20 سنة !
عمل حادثة علي سرعة 100 ولبس في أوتوبيس واقف ... كان طالع من غرزة مش شايفها لقي الأوتوبيس في وشه نزل تحته
وكان معاه 3 في العربية واحد أتخرشم وقعد سنة كاملة بيتعالج والأتنين اللي ورا خرجوا بعد أسبوع كويسين
موضوع تهور بقي ولا مش تهور وانتحار ولا مش انتحار
اللي عمله صاحبي ده كان تهور ... غرزة مش شايفها ... ايا كانت علي سرعة كام بقي ... انشالله علي سرعة 20 ... بس كونك مش مقدر انك ممكن تأذي حد فده تهور وربنا مايرضاش بكدة
طب السرعات العالية ؟ ... لو واثق بنسبة 1 % ان فرامل العربية سليمة 100% وهتسعفك علي أي سرعة ... أطلع أجري
انا ماتكلمتش علي كاوتش ولا أي حاجة تاني في العربية ... ولا علي حالة السواق ... ولا حالة الطريق ولا الناس اللي ماشية عليه
أوقات المهارة في السواقة بتخدع
الكلام ده بوجهه لنفسي قبل أي حد