لمبة التشيك بتنور أحيانا

**tarek_2005** · 13-04-2013 10:58 AM

بعد تغيير الطنبورة ليس امامك الا حساس الكرنك لامفر من تغييره

**medo11_1** · 14-04-2013 02:52 PM

باشا بعد اذنك بما انك لفيت على ناس بتوع سكانر كتير كنت عايز اروح لواحد بس يكون فاهم لو تقدر تفيدنى و تقولى اروح لمين و انا من مدينة نصر بس مافيش مشكلة اروح لاى حد فى الحرفيين او صقر قريش او مصر الجديدة
شكرا ليك يا باشا و ربنا معاك فى مشكلتك

**adelcom79** · 15-04-2013 08:14 PM

شكرا يا باشا على كلامك كلك زوء
أنا اللي رحتلو آخر مرة كان في تالت ناصية يمين بعد ما تنزل من كوبرى الدقى فى اتجاه جامعة القاهرة واسمه محمد السيد

**mohmmedzohier** · 15-04-2013 11:39 PM

ياباشا صريحه حساس التسقيف يا اما فى حاجه تانيه بتخلى الماتور يسقف والحساس لاقتها مثلا (رشاش مبشتغلش فجاءه او بوجيه او اتنين مش شغالين اقصد موبينه لو كانت مقسومه على اتنين بوجيه .اوالطرمبه بتتضعف لحظيا .فبتخلى الماتور يسقف

انما لوحساس الكرنك العربيه يا اما شغاله يااما وقفه مفيش فيه وسط

نصيحه وفر فلوس الاسكنر وهات فلتر بنزين وفك البوابه ونطفها وراجع على خراطيم اللى داخله على حساس الماف اللى فى سدر العربيه والخراطيم الرفيعه اللى منه ورايحه على البوابه والموتورمن ورا وشيل فيشه الحساس التسقيف وحطها تانى كذا مره وشوف المسامير اللى رابطه الحساس فى واحد صحبى كان عنده نفس القصه وكان حساس الشكمان

اخويا قيا كدا العربيه وهى واقفه العربيه مظبوطه وهى ماشيه بتبرجل ولف حوالين نفسه والتكيف مش عايز يشتغل العربيه الار بى ام واطى وكل ما يروح عند حد يقوله ايدال وفى الاخر طلع قاعده الماتور بيظه ولما بيتحرك بالعربيه الماتور يتحرك يزنق حرطوم الهوا بيتاع حساس الماف

وربنا يعينك يا رب اكون افدتك وقولنا عملت ايه