زيادة أسعار البنزين والسولار هل هي الحل ؟؟!!

السلام عليكم

إيه رأي حضراتكم لو بدلا من توزيع البنزين والسولار عن طريق حصص ثابته

لو الحكومة رفعت أسعار المنتجات البنزين والسولار بحيث يصبح

السولار 200 قرش

بنزين 80 200 قرش

بنزين 90 250 قرش

بنزين 92 300 قرش

بنزين 95 حر




كده ممكن الحكومة تسد جزء من عجز الميزانية بدل ما الدولة تعلن إفلاسها زي اليونان لا قدر الله

وكمان جزء من فرق السعر ده يتم توجيهه لتحسين عملية نقل المواد البترولية والإشراف عليها ( لو تم تعيين 30 ألف مفتش تموين بمرتب 3000 شهري مش هيكلفوا البلد مليار سنوي تقريبا - أو يتم نشر محطات وطنية في كل مكان بدل من محطات الفلول )

وجزء منه ممكن يتم استخدامه في استكمال منظومة النقل الجماعي ( باصات ومترو وقطارات وترام )

وكمان الفرق بين سعر البنزين والسولار وسعر الغاز الطبيعي هيدفع الناس من تلقاء نفسها إنها تحول لغاز

وكمان هيشجع ناس إنها تستبدل عربياتها بعربيات جديدة بمواتير أصغر واستهلاك أقل

وبعد سنتين لما نسبة السيارات اللي ماشية بغاز طبيعي تزيد قوي ممكن الحكومة تلغي الدعم خالص




أظن كده كده السواقين اعتبروا إنهم بيحصلوا على السولار وبنزين 80 بأسعار سوق سودا أكتر من كده بتكير حتى ولو ده مش حقيقي بس هم بيدفعونا أجرة تقابل هذه الأسعار وأكتر كمان

وكمان لو بنزين 90 و 92 زاد 50 قرش ولا جنيه مش هيؤثر كتير مقابل إنه يكون متوفر وتحصل عليه بصورة محترمة



غير كده وده الأهم عندي - الحكومة ( أي حكومة ) لازم توصل لمرحلة إنها ترفع الدعم تماما عن البنزين والسولار - لو مش النهاردة يبقى بكرة أو بعد بكره - ويمكن أن تضيف عليهم ضرائب أفضل من فرض ضرائب على الأرباح وفيه اللي يدفع وفيه اللي يتهرب

وطالما هنرفع الدعم في يوم ما وأعتقد أنه قريب - فمن الأفضل التدرج برفع الأسعار جزئيا حتى لما نوصل للرفع الكلي الدنيا ما تخربش

تخيلوا لو كان سعر البنزين والسولار رفع منذ بداية الثورة مرحلة بعد أخرى ومن غير طفرة كبيرة - كنا حلينا المشكلة ولو جزئيا





إيه رأيكم دام فضلكم



بس يا ريت ما حدش يفترض إن الحكومة لا تزيد الأسعار ولا تقنن الكميات وتخبط دماغها في الحيط لأن ده مش حل - عندنا أزمة خطيرة في الميزانية وأزمة رهيبة في تهريب المواد البترولية نظرا لفرق السعر المدعم من العالمي وعدم مواجهة الأزمات ليس حلا



.

موافق السعر يعلي بشكل معقول وقريب
لكن مش اكتر من الضعف زي ما يقال (بحاجة لمصدر)
لكن زيادة معقولة نحل ازمة بلدنا وفنفس الوقت احنا نحس ان الحكومة حاسة بينا
مجرد رأي ..

السلام عليكم
الكلام الي هاقوله دا مجرد رأي شخصي يعني مش مبني علي دراية اقتصادية
افضل طريق من وجهة نظري للحكومة عشان تسد العجز و تظبط الاحوال

ان الحكومة ترجع تشارك في عملية الانتاج و التوزيع حتي و لو دا هيجي بالاقتراض الداخلي من الافراد بس طبعا تحت دراسات جدوي و ادارة محترفة
يعني مثلا الحكومة لو عملت اتفاقيات مع المصانع انها تعمل لهم خفض نسبة الضرائب عليهم مقابل انهم ياخدوا جزء كبير من الانتاج و الدولة تتولي توزيعه في الحالة دي الدولة هتحقق مكسب و في نفس الوقت ممكن يكون طريق للحقاظ علي الاسعار من جشع التجار
اعتقد ان في حاجة مشابه لكلامي دا اتعملت في البرازيل

تاخد قروض داخلية بس تعمل بيها مشروع زراعي كبير يكون ملك للدولة اكيد هيحقق ارباح تسد قروضه و يبقي مصدر للدولة طبعا غير فرص العمل و تقليل الاستيراد

و الاهم من كدا يا يوسف هو تقليل الاهدار في المال العام في اماكن كتير نشوف رصيف سليم و بيتشال و يتحط مكانه جديد او مدرسة تدهن حوائط كل سنة لون فاتح عشان السنة الجاية تدهن تاني دا غير التكاليف الخزعبالية الي بيحطوها للحجات ديه
في سرقة كتير يا يوسف دي بس لو وقفناها الحال هيتظبط

الرقابة

اي حديث عن حلول اقتصادية .. في ظل واقعنا السياسي .. هو قفز على اصل الداء .. هو نوع من النفخ في القربة المقطوعة .. لا يمكن بأي حال الحديث عن حلول اقتصادية في ظل حكومة متواضعة الكفاءة و الفكر .. و في ظل نظام سياسي يتقن صنع الصدام و التسخين السياسي و النزيف الاقتصادي .. الحلول الاقتصادية هي لنظام يحترف السياسية و يكسب المعارض قبل المؤيد و يمنع الاحتقان .. هو لحكومة قدمت كل الحلول المبدعة و لا تجد الا حلول رفع الاسعار في النهاية .. و ليست لحكومة لم تقدم الا الجباية حتى عن طريق قوانين مرفوضة شعبيا اقرها النظام السابق كالضرائب العقارية على المسكن و تحصيل رسوم نظافة وهمية على فواتير الكهرباء ! .. الحكومة لن تحل مشاكل مصر الاقصادية حتى و لو رفعت الدعم كله .. لانها ببساطة .. هي المشكلة !

مع احترامى لك يا ابوحجاج بس المره دى انا مش متفق معاك خالص

رفع سعر الان مش هو الحل على الاطلاق

لان ما سترفعه فى ناحيه هايتلهف كله فى ناحيه تانيه و لن تستفيد الا الغضب العام

انت دلوقتى عاوز تلم شعبك حولك , لمهم بطريقه اذكى من كده

رفع السعر علشان تجيب به فلوس كويسه عاوز فتره زمنيه مش بطاله عقبال ما الناس تدفع و تشترى بالسعر الجديد

و فى خلال هذا ستجد مظاهرات و اعتصامات لان مع رفعك كل الناس هاترفع و اى واحد يعرف يرفع حاجه هايرفعها

حتى لو حواجبه ---

يجب التفكير فى مشاريع صغيره سريعه , شبه مضمونه المكسب و يتم الصرف عليها من مشتركيها (بنسب اسهم مثلا)

و بالتالى انت شغلت ناس و كسبت و فى نفس الوقت كسبت ناس تانيه معاك

اقتباس:

---

المشاركة الأصلية كتبت بواسطة yousef1978

كده ممكن الحكومة تسد جزء من عجز الميزانية بدل ما الدولة تعلن إفلاسها زي اليونان لا قدر الله

بس يا ريت ما حدش يفترض إن الحكومة لا تزيد الأسعار ولا تقنن الكميات وتخبط دماغها في الحيط لأن ده مش حل - عندنا أزمة خطيرة في الميزانية وأزمة رهيبة في تهريب المواد البترولية نظرا لفرق السعر المدعم من العالمي وعدم مواجهة الأزمات ليس حلا



.

---

ومين قال ان فيه عجز فى الميزانيه الحكومه كل يوم بتاكد ان الميزانيه زى الفل فياريت بلاش اشاعات

وسيادت الريس كل بلد يسافر ليها يطلع من هناك يقول اننا زى الفل ومابنخسرش حرام عليكوا سيبوا الراجل ينهض بينا

لو اى شخص بيواجهه مشاكل غير عاديه مفروض يكون طريقه التفكير والحل غير عادى

للاسف الحكومه لسه بتفكر بنفس طريقه التفكير العقيمه القديمه

ارفع الدعم وارفع الاسعار لتغطيه العجز

طيب انت فرقت ايه كده باللى سبقووك

الحكومه بتلحس الترااب علشان قرض 4 مليار دولار والله اعلم حنجيبهم ولا مش حنجيبهم!!!؟؟؟؟؟

احد الحلول وليس كلها انت عندك فوق 3 مليون مغترب بيشتغل بره وبيدخل عمله صعبه للبلاد من فتره كبيره
تخيل مثلا ان نصف العدد ده لو اقترحت مثلا انه يحط وديعه بما يوازى مثلا 10000 دولار او اقل لمده معينه سنتين مثلا ومقابل كده تشيل الضرائب من عليه لما ينزل عربيه او بلاش كل الضرائب حتى لو 50 % منها

تقريبا ممكن يتوفر للحكومه اضعاف اضعاف القرض المشئوم

والله يقدروا يجيبوا فلوس بس يشغلوا الحله اللى عندهم فوق دى بس شويه

اقتباس:

---

المشاركة الأصلية كتبت بواسطة m.abdou

لو اى شخص بيواجهه مشاكل غير عاديه مفروض يكون طريقه التفكير والحل غير عادى

للاسف الحكومه لسه بتفكر بنفس طريقه التفكير العقيمه القديمه

ارفع الدعم وارفع الاسعار لتغطيه العجز

طيب انت فرقت ايه كده باللى سبقووك

الحكومه بتلحس الترااب علشان قرض 4 مليار دولار والله اعلم حنجيبهم ولا مش حنجيبهم!!!؟؟؟؟؟

احد الحلول وليس كلها انت عندك فوق 3 مليون مغترب بيشتغل بره وبيدخل عمله صعبه للبلاد من فتره كبيره
تخيل مثلا ان نصف العدد ده لو اقترحت مثلا انه يحط وديعه بما يوازى مثلا 10000 دولار او اقل لمده معينه سنتين مثلا ومقابل كده تشيل الضرائب من عليه لما ينزل عربيه او بلاش كل الضرائب حتى لو 50 % منها

تقريبا ممكن يتوفر للحكومه اضعاف اضعاف القرض المشئوم

والله يقدروا يجيبوا فلوس بس يشغلوا الحله اللى عندهم فوق دى بس شويه

---

ايوا كدا هو دا التفكير السليم لازم حلول مبدعة

اعتقد اننا ﻻزم نمشي في جميع الحلول بطريقة متوازي وفي نفس الوقت تقريبا

يعني كل الافكار ممتازة ومل ينفعش -في رأيي المتواضع - نقول ان الفكرة الفﻻنية فيها الحل السحري
وما ينفعش حاليا نفكر بطريقة حمفتاح اوحد لكل قفل


الدعم عنصر مهم جدا في الازمة وممكن يكون احد عناصر النجاح لو احسنا استخدامه

بس هل فعﻻ زي ما المهندس محمد طه بيقول فيه نظام عنده الجرأة حاليا انه يرفع الاسعار
ونظام مرسي هل لديه الغلبة الاعﻻمية والقدرة الامنية لفرض مثل هذا الحل في هذا الوقت
اذا كان سواقين رفعوا الاحرة من جنيه ونصف لثﻻثين جنيه في بعض الاماكن


انا هاكلمكم عن بره في اوروبا والدول المتقدمه

الحكومة بتبيع البنزين والسوﻻر بسعره الحر مضاف عليه ضرائب مختلفة

ده له غوائد كتيرة
اوﻻ سعر البنزين الغالي بيدفع المواطن للبحث دائما عن النقل الجماعي والسيارات المﻻكي الثغيرة في الحجم والموتور وفي الصرف سواء في البنزين او الاطاﻻات او خﻻفه
اول ما السيارة يعدي عليها خمس سنوات فبيفكر جديا في استبدالها بواحدة جديدة لان قسطها هيكون اقل من فرق استهﻻك البنزين - ماكينة متطورة واصغر واقوى - واقل من تكلفة الصيانة والايدي العاملة الغالية جدا

المواطن وهو رايح يتسوق بيدفع ضرائب من خﻻل استخدامه للبنزين
والتاجر وهو بيبيع بيدفع ضرائب من خﻻل استخدامه السوﻻر في النقل للبضائع وخﻻفه


ارتفاع تكلغة التنقل بالسيارات المﻻكي بيعطي ميزة للماركتات الثغيرة
لان اي تاجر هامور كبير مهما حاول يبلع السوق ويحتكر كل المشتريين فالزبون في الحاجات البسيطة هيحسبها هيﻻقي ان تكلفة تنقﻻته اكبر من فرق السعر- الا لو الهايبر ماركت الكبير هيبيع كل المنتجات باقل من سعر التكلفة

ده كمان بيدي ميزة للتصنيح المحلي والاقليمي
مثﻻ لو مصنع اسمنت اسيوط فكر يحرق السوق تحت اقدام مصنع اسمنت في اسكندرية فتكلفة النقل هتقف عائﻻ امامه وميوة نوعية لمصانع اسكندرية
ةده حافز يدفع المستثمرين لفتح مصانع في كل حتة

كمان الدول دي بتفتح ابوابها للسياحة من الجنسيات النضيفة وتسيبهم براحتهم وهي ضامنه ان كل تحركاته بتكسب البلد
مش زي عندنا ممكن الستئح يصرف الف دوﻻر فقط ونكون احنا مديينه دعم سوﻻر للباصات والسفن والكهرباء والخدماتﻻالمختلفة غير المأكوﻻت والخدمات الامنية
وممنكنىتكون الخدمات تكلفتها علينا اكتر من الالف دوﻻر بتاعته ولو المبالغ الضخمة التي نستثمرها في السياحة استثمرناها في استثمار عقاري للمواطنين ومناطق صناعية وزراعية وامن للمواطن ربما عاد علينا بنفع اكثر سواء مادي اة اسلوب حياة افضل



ده غير الاستثمار العقاريىالدولي
بلد زي سويسرا وﻻ السويد وﻻ حتى دبي
بيبنةا وحدات لبيعها لغير المواطنين
فلما تكون انت مدعمله كل شئ بداية منةالسوﻻر وماىيترتب عليه وفي النهاية تبيعله الشقة بمبلغ زهيد مقارنة بالاسعار العالمية
انت كده مش بتستثمر عقاريا انت كده فاتح بلدك ملجأ مجاني

لكن الدول دي فاتحةةالاستثمار العقاري الدولي وهم عارفين انهم بيكسبوا من الوافد وبيدوا الربح للمواطن




اما بخصوص مشاركةىالحكومة للمستثمرين فصورها تختلف من بلد وشعب للتاني

في مصر اظن المناسب هو نظام البي أو تيةده الحكومة ماشية بيه وآخره جراج في القاهرة وفوقه فندق

ةوفيه طرق تانية مثﻻ اعطاء قطع ارض ضخمة لشركات واخذ نسبة من الوحدات او الاراضي المستصلحة
ةفيه بناء وحدات وتسليمها بدون تشطيب والشباب يستلمها ويشطب



فيه افكار كتيرة عند كل واحد لكن مش ﻻزم النظام يلتزم بغكرته هو فقط وحصريا والا بقى نظام مش بيسمع النصيحة

اقتباس:

---

المشاركة الأصلية كتبت بواسطة yousef1978

اعتقد اننا ﻻزم نمشي في جميع الحلول بطريقة متوازي وفي نفس الوقت تقريبا

يعني كل الافكار ممتازة ومل ينفعش -في رأيي المتواضع - نقول ان الفكرة الفﻻنية فيها الحل السحري
وما ينفعش حاليا نفكر بطريقة حمفتاح اوحد لكل قفل


الدعم عنصر مهم جدا في الازمة وممكن يكون احد عناصر النجاح لو احسنا استخدامه

بس هل فعﻻ زي ما المهندس محمد طه بيقول فيه نظام عنده الجرأة حاليا انه يرفع الاسعار
ونظام مرسي هل لديه الغلبة الاعﻻمية والقدرة الامنية لفرض مثل هذا الحل في هذا الوقت
اذا كان سواقين رفعوا الاحرة من جنيه ونصف لثﻻثين جنيه في بعض الاماكن


انا هاكلمكم عن بره في اوروبا والدول المتقدمه

الحكومة بتبيع البنزين والسوﻻر بسعره الحر مضاف عليه ضرائب مختلفة

ده له غوائد كتيرة
اوﻻ سعر البنزين الغالي بيدفع المواطن للبحث دائما عن النقل الجماعي والسيارات المﻻكي الثغيرة في الحجم والموتور وفي الصرف سواء في البنزين او الاطاﻻات او خﻻفه
اول ما السيارة يعدي عليها خمس سنوات فبيفكر جديا في استبدالها بواحدة جديدة لان قسطها هيكون اقل من فرق استهﻻك البنزين - ماكينة متطورة واصغر واقوى - واقل من تكلفة الصيانة والايدي العاملة الغالية جدا

المواطن وهو رايح يتسوق بيدفع ضرائب من خﻻل استخدامه للبنزين
والتاجر وهو بيبيع بيدفع ضرائب من خﻻل استخدامه السوﻻر في النقل للبضائع وخﻻفه


ارتفاع تكلغة التنقل بالسيارات المﻻكي بيعطي ميزة للماركتات الثغيرة
لان اي تاجر هامور كبير مهما حاول يبلع السوق ويحتكر كل المشتريين فالزبون في الحاجات البسيطة هيحسبها هيﻻقي ان تكلفة تنقﻻته اكبر من فرق السعر- الا لو الهايبر ماركت الكبير هيبيع كل المنتجات باقل من سعر التكلفة

ده كمان بيدي ميزة للتصنيح المحلي والاقليمي
مثﻻ لو مصنع اسمنت اسيوط فكر يحرق السوق تحت اقدام مصنع اسمنت في اسكندرية فتكلفة النقل هتقف عائﻻ امامه وميوة نوعية لمصانع اسكندرية
ةده حافز يدفع المستثمرين لفتح مصانع في كل حتة

كمان الدول دي بتفتح ابوابها للسياحة من الجنسيات النضيفة وتسيبهم براحتهم وهي ضامنه ان كل تحركاته بتكسب البلد
مش زي عندنا ممكن الستئح يصرف الف دوﻻر فقط ونكون احنا مديينه دعم سوﻻر للباصات والسفن والكهرباء والخدماتﻻالمختلفة غير المأكوﻻت والخدمات الامنية
وممنكنىتكون الخدمات تكلفتها علينا اكتر من الالف دوﻻر بتاعته ولو المبالغ الضخمة التي نستثمرها في السياحة استثمرناها في استثمار عقاري للمواطنين ومناطق صناعية وزراعية وامن للمواطن ربما عاد علينا بنفع اكثر سواء مادي اة اسلوب حياة افضل



ده غير الاستثمار العقاريىالدولي
بلد زي سويسرا وﻻ السويد وﻻ حتى دبي
بيبنةا وحدات لبيعها لغير المواطنين
فلما تكون انت مدعمله كل شئ بداية منةالسوﻻر وماىيترتب عليه وفي النهاية تبيعله الشقة بمبلغ زهيد مقارنة بالاسعار العالمية
انت كده مش بتستثمر عقاريا انت كده فاتح بلدك ملجأ مجاني

لكن الدول دي فاتحةةالاستثمار العقاري الدولي وهم عارفين انهم بيكسبوا من الوافد وبيدوا الربح للمواطن




اما بخصوص مشاركةىالحكومة للمستثمرين فصورها تختلف من بلد وشعب للتاني

في مصر اظن المناسب هو نظام البي أو تيةده الحكومة ماشية بيه وآخره جراج في القاهرة وفوقه فندق

ةوفيه طرق تانية مثﻻ اعطاء قطع ارض ضخمة لشركات واخذ نسبة من الوحدات او الاراضي المستصلحة
ةفيه بناء وحدات وتسليمها بدون تشطيب والشباب يستلمها ويشطب



فيه افكار كتيرة عند كل واحد لكن مش ﻻزم النظام يلتزم بغكرته هو فقط وحصريا والا بقى نظام مش بيسمع النصيحة

---

دايما بناخد من التجربه اللى فى صفنا بس

يا استاذ قبل ما تقول بس ان الدول دى بره رافعه الدعم والكلام ده شوفى الاتى

1- اسعار السيارات عندهم هناك بكام وعلشان كده بيقدروا يغيروا السيارات كل 5 سنين كحد اقصى
2- الاجور والمرتبات كاااااام!!!!!؟؟؟؟؟؟؟؟؟؟

3- الراجل اللى فى ( الدول الاروبيه والمتقدمه ) بيدفع ضرائب علشان بيلاقى قصادهم حاجه فعلا يعنى امن بجد وطرق بجد وتأمين صحى بجد مبيدخلش هناك مستشفيات الحكومه يطلع مريض اكتر من الاول

من الاخر يعنى ولو مؤاخذه هوا احنا لاازم نفضل الشعب نفسه هوا اللى يضحى بكل حاجه علشان البلد تعيش ولا ايه

انا عاااااااااااااااااوز اعيش

لو ميعرفش يتصرف ويعمل حاجه للبلد ويشغل دماغه ويبتكر حلول ابداعيه مش من ضمنها الخنقه على المواطن البسيط اكتر من الاول يبقى يستقيل وربنا

والله ده اصلحله واصلح للبلد ونجيب بقى خبير اجنبى يدورلنا البلد دى او نطلع على البانيا نشوفلنا محمد على جديد

ملحوظه : متقوليش انه ماسك البلد والاقتصاد وااقع والكلام ده هوا عارف كده من قبل ما يمسك لو مش عارف مكنتش قبل من الاول ( امال صحيح هوا مشروع النهضه اللى هوا اساس انتخابى له فين بالظبط دلوقتى...........)

اقتباس:

---

المشاركة الأصلية كتبت بواسطة m.abdou

دايما بناخد من التجربه اللى فى صفنا بس

يا استاذ قبل ما تقول بس ان الدول دى بره رافعه الدعم والكلام ده شوفى الاتى

1- اسعار السيارات عندهم هناك بكام وعلشان كده بيقدروا يغيروا السيارات كل 5 سنين كحد اقصى
2- الاجور والمرتبات كاااااام!!!!!؟؟؟؟؟؟؟؟؟؟

3- الراجل اللى فى ( الدول الاروبيه والمتقدمه ) بيدفع ضرائب علشان بيلاقى قصادهم حاجه فعلا يعنى امن بجد وطرق بجد وتأمين صحى بجد مبيدخلش هناك مستشفيات الحكومه يطلع مريض اكتر من الاول

من الاخر يعنى ولو مؤاخذه هوا احنا لاازم نفضل الشعب نفسه هوا اللى يضحى بكل حاجه علشان البلد تعيش ولا ايه

انا عاااااااااااااااااوز اعيش

لو ميعرفش يتصرف ويعمل حاجه للبلد ويشغل دماغه ويبتكر حلول ابداعيه مش من ضمنها الخنقه على المواطن البسيط اكتر من الاول يبقى يستقيل وربنا

والله ده اصلحله واصلح للبلد ونجيب بقى خبير اجنبى يدورلنا البلد دى او نطلع على البانيا نشوفلنا محمد على جديد

ملحوظه : متقوليش انه ماسك البلد والاقتصاد وااقع والكلام ده هوا عارف كده من قبل ما يمسك لو مش عارف مكنتش قبل من الاول ( امال صحيح هوا مشروع النهضه اللى هوا اساس انتخابى له فين بالظبط دلوقتى...........)

---

بالظبط حضرتك ذكرت النقطة الي عايز اقولها الشعب هيضحي و هيطحن في النص و مش هيتبقي حد يحصد الثمار

اقتباس:

---

المشاركة الأصلية كتبت بواسطة yousef1978

اوﻻ سعر البنزين الغالي بيدفع المواطن للبحث دائما عن النقل الجماعي والسيارات المﻻكي الثغيرة في الحجم والموتور وفي الصرف سواء في البنزين او الاطاﻻات او خﻻفه
اول ما السيارة يعدي عليها خمس سنوات فبيفكر جديا في استبدالها بواحدة جديدة لان قسطها هيكون اقل من فرق استهﻻك البنزين - ماكينة متطورة واصغر واقوى - واقل من تكلفة الصيانة والايدي العاملة الغالية جدا

---

وسائل النقل الجماعي
الله يفتح عليك, هي فين وسائل النقل الجماعي, يعني الناس اللس بتتكلم على سعر البنزين, و الدعم اللي بتتدفعه الدولة (من جيبي و جيبك) و ازاي الناس مش مقدرة كم الفلوس الرهيبة اللي بتترمي في الارض على البنزين, ماشي انا معاك, طب اعمل إيه؟ اتنقل ازاي؟ اتمرمط انا و اهلي في الميكروباصات و سواقينهم يبيعوا و يشتروا فينا؟ و لا اتحشر و احشرهم في المترو و اللي بيحصل فيه؟ ولا اعمل إيه بالظبط؟
انت قلت الدولة بتحرر سعر البنزين و تحط عليه ضرايب عشان المواطن يوفر و يستخدم المواصلات العامة, طب ده بفرض ان فيه مواصلات عامة, طب احنا نعمل إيه؟ انت بتحطني قدام امر واقع, حغلي عليك البنزين و مفيش حل قدامي غير اني ادفع, طب إيه؟ و بعدين الموظف (غالبان بقى ولا مش غالبان مش فارقة) ماحلتوش حاجة يعملها عشان يواكب الزيادة في السعر, اما التاجر اسهل ما عليه انه يرفع اسعارة عشان يعوض الفرق, فيحشربها برضه الموظف (زيادة في سعر البنزين / مواصلات + زيادة في اسعار السلع) و هو دخلة مبيتغيرش, و طبعا مفيش مجال اننا نتكلم في الرقابة على الاسعار لأن ده ممكن نتخانق فيه لبكره, كانوا عرفوا يعملوها ايام ما كان البلد فيها امن.

اما موضوع استبدال السيارة القديمة بجديدة, كده خيال علمي صريح, ماهو مفيش اي حسبة في الدنيا حتخلي فرق سعر التوفي في البنزين بين العربية القديمة و الجديدة 60% من تمن العربية الجديدة و هي الضرايب اللي بتدفع على العربيات مابين سيف وارد و جمارك و رفاهية و و و و و و, الزملاء هنا في المنتدى خبراء في الارقام دي ممكن يفيدوك اكتر مني بكتير.

ده ردي على موضوع ان زيادة سعر البنزين هي الحل, طب إيه الحل؟ الحل مش السكة دي اصلا, ادرس البيانات المتوفرة ليك كحكومة و ما اكثرها, اعرف الوقود بيروح فين, قوم بدورك و وفر مواصلات عامة حتى لو قطاع خاص او نظام bot و افرض عليها نظام جودة صارم, و اول ما توفرها ابتدي اعمل خطة لرفع الدعم عن الوقود.

الكهرباء برده داخلة معانا في الليلة, اعمل عروض مغرية للقرى و المنشآت السياحية بتطوير مصادر الطاقة المتجددة خليهم يصرفوا عليها و يستخدموها, ساعتها ارفع عليهم اسعار الكهرباء عشان يبقى تحفيز في اتجاهين, الكلام ده حيوفرلك كهرباء على الشبكة الموحدة و بالاضافة لتوفير وقود المحطات.

اعرف الغاز الطبيعي مبيوصلش المحطات ليه, المفروض ان الحنفية الشرقية اتقفلت, يبقى لسه فيه عجز ليه؟

لما تبقى حكومة, يبقى لازم تفكر كحكومة, مش تاجر مديون بيدور حيغلي إيه عشان يسدد, انما لو جيت على الناس, الناس استحملت كتير قبلك, و مستحملاك و حتستحمل اللي بعدك, بس يوم ما تقع, مش حتلاقي اللي يعيط عليك.

والله انا بستمتع بالحوارات اللي زي دي
لما بنبعد عن الجدل للجدل والسفسطة الكدابة
بنقدم حلول هايلة

رفع السعر مش حل
السولار الي ح يبقي ب200 قرش سيستمر تهريبه ليباع في عرض البحر ب 1 يورو للسفن
الحل هو تقنين صرف المنتجات المدعمة من الدولة لتصل لمستحقيها فقط وليس للجميع
اما الطريقة فهذا امر فيه اختلاف كتير
لازم السعر يبقي حر ومش مدعم
وكل شخص له حصة مدعمة حسب استهلاكه المعقول سواء للسيارات او ماكينات الري او النقل الخ الخ
الكلام هو كيف يتم تطبيق ذلك
وهل سيسكت الحيتان المنتفعين بالتهريج الحالي والسابق ؟

يعني نخلص من كده إن الحكومة لو وفرت نقل عام ( اتوبيسات + قطارات زيادة - عربات مترو وخطوط زيادة - منظومة نقل جمناعي بدل الميكروبازززات )

خطة لاستبدال السيارات الملاكي المستعملة ببدائل أفضل من حيث الجودة والاستهلاك ونوعية الوقود


هل إحنا كشعب متوقع أن نقبل إجراءات لرفع أو تقنين الدعم على المنتجات البترولية




خايف مرسي يعمل زي ما عمل السادات - يقدم السبت وبعدين يطالب بالأحد فبعض المواطنين الشرفاء يخربوا الدنيا وبدل ما يكون عندنا عجز في الميزانية 200 مليار يبقى عندنا عجز 600 مليار وساعتها نندم يوم لا ينفع الندم كما قال الزعيم الأوحد والمفكر الوحيد والقائد المتوحد القذافي


ما هو اللي يشوف تجارب السابقين بيضطر ينفخ في الزبادي - وتجربة السادات لما أعلن عن زيادة كبيرة في الرواتب وتاني يوم أعلن عن رفع بسيط في الدعم فبعض القوى الاشتراكية دفعت الناس للتظاهر والتخريب وفي النهاية السادات لبس في زيادة الأجور وتراجع عن خفض الدعم ولبسنا إحنا في كامب ديفيد وزيارة القدس وقطع العلاقات مع الدول العربية



إحنا بنقول أفكار غير تقليدية بس احتمال لو كنا مكان من في المسؤلية ما كناش هنقدر ناخد أي خطوة فيها نوع من المغامرة وهنعتبرها مقامرة



ع العموم أنا سمعت زييكم إن فيه مئات العربات من القطارات سيتم توريدها قريبا
وفيه مئات من الأتوبيسات أيضا
ودي كلها مرحلة أولى يأتي بعدها المزيد

ده غير خط المترو الجاري استكماله وخطين آخرين جاري دراستهم

وخطوط نقل نهرية

وإحتمال قطار جديد على الجهة الغربية يصل من اسكندرية للسودان

وجاري بالفعل تنفيذ خطود داخلية للقطارات في السويس تربط بينها وبين العين السخنة

وجاري تطوير خطوط الطيران الداخلي للمساهمة في النقل الداخلي السريع وتم تدشين وعمل خطوط فعلية للطيران الداخلي تربط بين أطراف مصر وبأسعار معقولة جدا وبدون ضرائب ولا رسوم تقريبا


ربنا يسهل الأمور وأتعشم بكره يكون أفضل - بس رجاء من كل واحد فينا نبطل يأس وتزمر ولو فيه أي حاجة حلوة اتعملت نفرح بيها ونظهرها






.

اقتباس:

---

المشاركة الأصلية كتبت بواسطة yousef1978

ربنا يسهل الأمور وأتعشم بكره يكون أفضل - بس رجاء من كل واحد فينا نبطل يأس وتزمر ولو فيه أي حاجة حلوة اتعملت نفرح بيها ونظهرها
.

---

يا باشمهندس يوسف

انا حرد على النقطة الاخيرة و باتكلم عن نفسي فقط, انا ليه يآس و متزمر (و دي حقيقة انا مابنكرهاش)

انا مش شايف اي بصيص امل, لأن طريقة النظرة الحكومية للمواطن لم تتغير, حكلمك بلغة الاقتصاد, كل الحكومات السابقة و الحالية بتتعامل مع المواطن على انه Overhead مضطرة تتحمله و بتتعامل معاه من هذا المُنطلق, لو احنا عندنا ولو 1% امل في تقدم, لازم النظرة دي تتغير, المواطن لازم يكون Resource و المفروض ان الحكومة تبقى عندها الرؤية للResources بتاعتها, تنميها و تستغلها.
قارن مابين الشركات العالمية اللي بتتعامل مع موظفينها بمنطلق الResource و شركاتنا العظيمة بمنطقها العظيم, و فرق النجاح واضح

كل الحلول المطروحة المذكورة من زيادة في الاتوبيسات, قطارات, طيارات لن تجدي و لن تفيد لأنه ببساطة عبارة عن مسكنات للحالة القائمة و هي الفوضى.
لا يوجد اي دراسة لحركة المرور و كثافتها في المدن و المحافظات الكبيرة
لا يوجد اي تخطيط للامتداد السكاني و العمراني و تأثيرهم على وضع المرور
لا يوجد اي رؤية لمستقبل هذه البلد المسكينة

الزيادات في الاتوبيسات و القطارات دي حتتعدم المفعول في اقل من شهر ده غير عدم وجود اي نظام للجودة.

اعذرني يا باشمهندس, انا لا ارى اي سبب للتفاؤل, ان الله لا يغير ما بقوم حتى يغيروا ما بانفسهم, و احنا زي ما احنا.

الحل فى رايى يبتدى بخطوه من الحكومه مش خطوه من الشعب

احنا خلااااااص جيبنا اخرنا بجد

مفيش حاجه فى البلد الوسخه دى تدعوا للتفاؤل بالاخص مع الدماغ الذهبيه اللى بتدورها

طيب مثل بسيط جدا

المواطن البسيط بيعمل الاتى

1- بيدفع ضرائب على المرتب اللى بياخده اللى مبيكفهوش لحد نص الشهر

2- بيدفع ضرائئب مبيعات على اى حاجه بيتنيل ويفكر يشتريها

3- كل يوم بيتحرق دمه وبيتبهدل فى المواصلات الحكوميه او الميكروباصات

4- بيدخل اى مستشفى تأمينى ويا رب يطلع زى ما دخل مش اسوء

5- هوا نفسه او مراته او بنته مش ماشيين فى امان فى الشارع وممكن اى حد يتحرش بيهم فى اى وقت

6- الحكومه العزيزه بتزود فى الاسعار كل شويه مع ثبات المرتبات

مش عارف هوا احنا خلفنا الحكومه ونسيناها ولا ايه

عاوز اقول كلمه بصراااحه بس حتوقف سنه على الاقلل

اقترااااااااااااااااااااح جميل جدا بس قول للمرشد ان اعضاء نايل موتورز مش موافقين

اقتباس:

---

المشاركة الأصلية كتبت بواسطة rompo10

اقترااااااااااااااااااااح جميل جدا بس قول للمرشد ان اعضاء نايل موتورز مش موافقين

---

+1111111111111111111111111

طيب لو اوكتان البنزين بيتحدد بالتكرير او التقطير او حتى اضافة الايثانول
ايه لازمة وجود كذا نوع ؟؟
من رأيي ان فرق الاسعار مغري للغش
واحنا ذمتنا أستك ماشاء الله
انا بقول مايكونش عندنا غير بنزين 95 وسولار وبس
وطبعا الدعم اللي رايح لكل نوع يتوجه لل 95 ويبقى سعره معقول
مش 6 ولا 7 جنيه !!